दमक,१ बैशाख । साहित्यकार मुसाहाङ् अम्याङ्साको एकैसाथ तीनवटा साहित्यिक कृतिको बिमोचन गरिएको छ ।दमक प्रज्ञा प्रतिष्ठानका अध्यक्ष हेमनाथ अधिकारीको प्रमुख आतिथ्यतामा मंगलवार यहाँ एक कार्यक्रमका बीच सञ्चारकर्मी समेत रहेका श्रष्टा अम्याङ्साको विरासतको जोखना (गजल संग्रह ) २०७७, रेष्टुराँको सटरभित्र (रुबाइ संग्रह ) २०७७ र रैथाने (हाइकु संग्रह ) २०७७ को एकैसाथ विमोचन गरिएको हो ।
याक्थुङ् साहित्य प्रतिष्ठानको आयोजनामा दमकस्थित एसजी होटलको सभाहलमा भएको कार्यक्रममा गजलकार विवश वलिभद्र कोइरालाले विरासतको जोखना गजल संग्रह, फरक आयाम अभियान्ता साङ्सेन पंधाकले रेष्टुराँको सटरभित्र रुबाइ संग्रह, र दमक प्रज्ञा प्रतिष्ठानका सचिव विष्णु न्यौपानेले रैथाने हाइकु संग्रह माथि समिक्षा-टिप्पणी गरेका थिए ।
भाषिक आन्दोलनका अभियान्ता अम्याङ्सा नाम्गेत लिम्बुवान र पोक्लाबाङ् पत्रिकाको प्रकाशक÷प्रधान सम्पादक पनि हुन् ।
डेढ दशकदेखि नेपाली तथा लिम्बू साहित्यमा सक्रिय अम्याङ्साले यसअघि संक्षिप्त किरात इतिहास तथा आथरेहाङ् मुसाहाङ् लिम्बू बंशावली दस्तावेज , मुक्तु (हाइकु संग्रह ) २०७७ प्रकाशित भएका छन् ।
कार्यक्रममा साहित्यकार राजकुमार सुब्बा अनिश्चित, बिराट किराती, सुमित्रा वाङ्देल चेली, पुष्पहाङ् लोरिङ्देन लोवा, सपना कन्दङ्वा, इछिङ्सा सङ्बाङ्फे, रंगकर्मी वनेम विक्रम फागो, सञ्चरकर्मी सङ्सेमी माङ्युङ्, भवानी आङ्देम्बे लगायतको उपस्थिति रहेको थियो ।
याक्थुङ् साहित्य प्रतिष्ठान झापा अध्यक्ष सेसेमी से–नाल्बोको अध्यक्षतामा भएको कार्यक्रमको सञ्चालन प्रतिष्ठानकी कोषाध्यक्ष रचना लाओतीले गरेकी थिइन् ।
