तेल अभिव, इजरायल | मणिपुर गोर्खा कम्युनिटी इजरायल (MGCI) को आयोजनामा हुन लागेको ‘प्रथम संस्करण लेफ्टिनेन्ट सुवेदार निरञ्जन सिंह क्षेत्री मेमोरियल ट्रफी २०२६’ फुटबल प्रतियोगिताको सुरु हुन अब मात्र केही दिन बाँकी रहेको छ।
इजरायलमा रहेका नेपाली भाषी मणिपुरी गोर्खा समुदायलाई एकीकृत गर्ने र खेलकुदका माध्यमबाट भाइचारा अभिवृद्धि गर्ने उद्देश्यले यो प्रतियोगिता आयोजना गरिएको हो।
प्रतियोगिताको नाम: प्रथम संस्करण लेफ्टिनेन्ट सुवेदार निरञ्जन सिंह क्षेत्री मेमोरियल ट्रफी २०२६ रहेको छ भने आयोजक मणिपुर गोर्खा कम्युनिटी इजरायल (MGCI) रहेको छ |
आयोजकले तयारी अन्तिम चरणमा पुगेको जानकारी दिएका छन्। यस प्रतियोगिताले इजरायलमा रहेका नेपाली भाषी प्रवासीहरूमाझ उत्साह जगाएको छ। भने ९ वटा नेपाली र नेपाली भाषी फुटबल क्लबहरुले सहभागी जनाउने भएका छन |
यो ट्रफी मणिपुरका वीर योद्धा लेफ्टिनेन्ट सुवेदार निरञ्जन सिंह क्षेत्रीको स्मृतिमा स्थापना गरिएको हो, जसले वीरता र साहसको प्रतीकका रूपमा गोर्खा पहिचानलाई गर्विलो बनाएका थिए।
