दमक,३० चैत । नेपाल रेडक्रस सोसाइटी लखनुपुर उपशाखाको आयोजनामा यहि बैशाख ३ गते शुक्रवार लखनपुरमा निशुल्क स्वास्थ्य शिविर सञ्चालन गर्ने भएको छ ।
रेडक्रसको आयोजना तथा स्थानीय सहकारी संस्थाहरुको सहआयोजनामा हुने सो शिविर कमल ६ लखनपुरस्थित स्वास्थ्य चौंकीमा सञ्चालन हुने रेडक्रस सचिव पारषमणि राईले जानकारी दिए ।
शिविरमा दमकको आम्दा अस्पताल र ओम शान्ति डेन्टलले प्राविधिक सहयोग रहने छ ।शिविरमा स्त्री रोग,बाल रोग छाला ,दन्त रोग सम्बन्धी विशेषज्ञ सेवा उपलव्ध हुने रेडक्रस सभापति चन्द्र शाहले वताए ।
शिविर सम्पन्न गर्न स्थानीय लखनपुर साना किसान सहकारी संस्था, चन्द्रदर्शन बचत तथा ऋण सहकारी संस्था, सुम्निमा कृषि सहकारी संस्था,स्वर्णकमल बचत तथा ऋण सहकारी संस्थाले समेत व्यवस्थापनमा सघाँउ पुरयाँउने जनाईएको छ ।
