बिर्तामोड , कार्तिक १ । उदियमान गायक बसन्त लामाले आफ्नो जीन्दगी सार्बजनिक गरेका छन् । उनले आफ्नो पहिलो साङ्गितिक कोशेली जीन्दगीमा बोलको गित मार्फत ओ एस आर डिजिटिल मार्फत सार्बजनिक गरेका हुन् । गायक लामाको पहिलो कोशेली भएपनि झट्ट सुन्दा लाग्छ उनले यो भन्दा पहिले धेरै गित गाइसकेको अनुभुति गर्न सकिन्छ । लामालाई हालका चर्चित गायक तथा संगीतकार तारावीर पाण्डेले निकै निखारेर प्रस्तुत गरेका छन् ।
चर्चित मोडल तथा सञ्चारकर्मी मधु न्यौपाको शब्द रहेको गितमा सुन्दर लावतीले निर्देशन गरेका छन् भने तिलक रिजालको छायाङ्कन रहेको उक्त गितलाई गायक तथा संगीतकार पाण्डेले संगीत भरेका छन् ।
भिडियोमा नवमोडलहरु ओम शाह, तश्मिना आचार्य र पी के चौधरीको बेजोड अभिनय देख्न सकिन्छ । झापाका विभिन्न स्थानमा छायाङ्कन गरिएको यस भिडियोमा प्रेमीप्रेमीका बिच कुनै पनि शङ्काका कारण सम्बन्धमा फाटो नआओस भन्ने सन्देश दिन खोजिएको गितकार समेत रहेका मधु न्यौपानेले बताए ।
म्यूजिक भिडियो सार्बजनिक भए लगत्तै धेरै राम्रो प्रतिक्रिया साथै अन्य थुप्रै गितहरुमा काम गर्ने अवसर आइरहेको गितका मोडल ओम शाह र तश्मिना आचार्यले बताए । भिडियो निर्माणमा सहयोग र साथ दिने सम्पुर्णलाई धन्यबाद ज्ञापन गर्दै गायक बशन्तले दर्शक र गीत सङ्गीतप्रेमीबिच चाँडै अन्य गित सङ्गीत लिएर आउने बताएका छन् ।
.
