दमक,३ बैशाख । नेपाल रेडक्रस सोसाईटी लखनपुर उपशाखाले शुक्रवार कमल ६ स्थित वडा कार्यालयमा वृहत निशुल्क स्वास्थ्य शिविर आयोजना गरेको छ ।उपशाखासहित स्थानीय सहकारी संस्थाहरुको सहआयोजना तथा आम्दा अस्पताल दमक र ओम शान्ति डेन्टल दमकको प्राविधिक सहयोगमा एकदिने बिशेषज्ञ स्वास्थ्य शिविर सञ्चालन गरिएको हो ।
शिविरमा त्यस क्षेत्रका तीन सय विरामीहरु लाभाव्दित भएको रेडक्रस सचिव पारषमणि राईले जानकारी दिए । शिविरमा दन्तका ५५,छाला ४४,फिजीसियन ७८,बालरोग ४७ र महिला ५१ गरी जम्मा २७५ जनाले सेवासहित औषधी पाएका थिए ।
शिविरमा आम्दाकी स्त्री रोग विशेषज्ञ डा. पबिना कट्टेल, बालरोग बिशेषज्ञ डा. सत्यनारायण चौधरी, छाला रोग विशेषज्ञ डा. दिपायन पाण्डे, फिजीसीयन डा. शेखरचन्द शाह ,ओम शान्ति डेन्टलकी दन्त चिकित्सक डा.संगीत राई र समिता शाह लगायतका स्वास्थ्यकर्मीको टोलीले सेवा पुरयाँएका थिए । विरामीहरुलाई निशुल्क औषधी समेत वितरण गरिएको रेडक्रस सभापति चन्द्र शाहले वताए ।
शिविर सम्पन्न गर्न स्थानीय लखनपुर साना किसान सहकारी संस्था, चन्द्रदर्शन बचत तथा ऋण सहकारी संस्था, सुम्निमा कृषि सहकारी संस्था,स्वर्णकमल बचत तथा ऋण सहकारी संस्थाले समेत व्यवस्थापनमा सहयोग पुरयाँएका थिए ।
शिविरमा रेडक्रस १ नम्बर प्रदेहश समितिका कोषाध्यक्ष ओमप्रकाश गौतम, रेडक्रस झापाका कोषाध्यक्ष हेम खड्का, कमल ६ का वडाध्यक्ष नरेन्द्र भट्टराई ,रेडक्रसकर्मीहरु,सामाजिक संघसंस्थाका प्रतिनिधिहरु लगायतको उपस्थिति रहेको थियो ।
