झापा , २९ फागुन ।झापामा डोरितान संघ गठन भएको छ । आज बिर्तामोडमा झापा भरिका पालिकाका यूवाहरूको प्रतिनिधिमूलक एक भेलाले दमकका युवा व्यक्तित्व गोबिन्द राज कट्टेलको अध्यक्षतामा डोरितान संघ जिल्ला समिति गठन गरिएको हो ।
१२ सदस्यीय गठित समितिको उपाध्यक्षमा भद्रपुरका मदन पोख्रेल सचिवमा गौरादहका गणेश कुमार अधिकारी र कोषाध्यक्षमा मेचीनगरकी दुर्गा सापकोटा लगायत रहेका छन् ।
समितिको बैठकले संघमा हरेक सुरक्षा निकायवाट एक, एक जना गरि ३ जना पछि मनोनित गरिने अध्यक्ष कट्टेलले जनाएका छन् ।
डोरितान संघ प्रदेश उपाध्यक्ष सविता भण्डारी भेटवालको प्रमुख आतिथ्यतामा सम्पन्न भएको भेलाले समिति गठन गरेको हो । डोरितान खेललाई प्रभावकारी वनाउन जिल्ला स्तरिय समिति गठन गरि विभिन्न गतिविधिहरु गर्न लागिएको उनले वताईन् ।
