दमक,९ पुस । झापाको कमल गाउँपालिका वडा नम्बर ७ बिष्णुकठ्ठास्थित सिंहदेवी आधारभुत बिद्यालयका पूर्व विद्यार्थी गणेश प्रसाद लकान्द्रीले एक थान कम्प्यूटर प्रिन्टर दिएका छन् ।
विद्यालयको शैक्षिक गुणस्तर अभिबृद्धि गर्न सघाँउ पुरयाँउन उद्देश्यले हाल काठमाण्डौ निवासी नेपाल राष्ट्रिय सुनचादी व्यवसायी मञ्चका केन्द्रिय अध्यक्ष समेत रहेका लकान्द्रीले एक थान कम्प्यूटर प्रिन्टर दिए ।
आज विद्यालयमा एक कार्यक्रमका बीच उक्त सामाग्री दाता लकान्द्रीका वुवा राम प्रसाद लकान्द्रीले विद्यालयका प्रधानाध्यापक सुरेन्द्र राईलाई हस्तान्तरण गरे । शैक्षिक सामाग्री सहयोग हस्तान्तरण कार्यक्रममा विद्यालय व्यवस्थापन संयोजन समितिका संयोजक ओमनाथ तिम्सिना लगायतको उपस्थिति रहेको थियो ।
पितृको स्मृतिमा ५० हजारको कोष
यसैगरि विद्यालयको शैक्षिक तथा भौतिक स्तर अभिवृद्धि गर्न दिनरात अनवरत रुपमा खट्दैआएका संयोजक तिम्सिनाले हालै स्वर्गीय पिता हरिप्रसाद र माता विष्णुमायाको स्मृति रु ५० हजार र कमल ७ निवासी तिल बहादुर जरेलले आफ्नी श्रीमतीको स्मृति अक्षयकोषमा रु.१० हजार १ सय ५० प्रदान गर्नुभएको विद्यालयका प्रअ राईले वताए ।
