दमक,१२ फागुन । सर्वोच्च अदालतले प्रतिनिधिसभा पूर्नास्थापना गराउने फैसलालाई स्वागत गर्दे झापाको कमल गाउँपालिका ५ मा आज बुधबार साँझ दीपप्रज्वलन गरिएको छ । नेपाली कांग्रेस र जनता समाजवादी पार्टी नेपाल (जसपा )का नेता तथा कार्यकर्ताहरुले स्थानीय पाडाजुंगी चौंकमा खुसीयाली मनाउदै दिपप्रज्जवलन गरेका हुन् ।
दिपप्रज्वलन कार्यक्रममा बोल्दै जसपा तथा कांग्रेसका स्थानीय नेतृत्वले सर्वोच्च अदालतको फैसला प्रतिगमन रोक्ने कार्य भएको जोड दिएका थिए । जनता समाजवादीका केन्द्रीय सदस्य समेत रहेका नेपाल आदिवासी जनजाति महासंघका महासचिव नित्यानन्द ताजपुरियाले प्रधानमन्त्री केपी शर्मा ओलीले संसद विघठन गर्ने कार्य प्रतिगमन ,असम्बैधानिक भएकाले त्यसलाई सच्याएर सर्वोच्च अदालतले जनताको पक्षमा फैसाला गरेको बताए ।
त्यस्तै कांग्रेसबाट जिल्ला प्रतिनिधि राजकुमार न्यौपानेले प्रधानमन्त्री ओलीको असम्बैधानिक कदम सच्चयाउन अदालतको फैसला स्वागतयोग्य भएको विचार राखे ।
सो कार्यक्रममा कांग्रेसका क्षेत्रीय सचिव धर्मानन्द भट्टराई ,जसपाका कमल अध्यक्ष प्रेम राई ,कांग्रेस ५ का वडासभापति एकराज प्याकुरेल लगायतका नेता तथा कार्यकर्ताहरुको बाक्लो उपस्थिति रहेको थियो ।
