गौंरादह,१ फागुन । रोटरी क्लव अफ दमकले गौरादह १ स्थित जनता माध्यमिक विद्यालयमा आज शनिवार एकदिने निशुल्क आखाँ शिविर सञ्चालन गरेको छ ।
वडा कार्यालयको समन्वय तथा दमकको विर्ताज्योति आईकेयरको प्राविधिक सहयोगमा आँखा शिविर सञ्चालन गरिएको रोटरी क्लव अफ दमकका अध्यक्ष सन्दिप चापागाई ( दिपु ) ले जानकारी दिए ।
शिविरमा जनता माविका ३५२ जनाको आँखा परीक्षण गरिएको थियोे । यस्तै ८० जनालाई निशुल्क चस्मा वितरण गरिएको थियो भने ३०२ जनालाई निशुल्क औंषधी वितरण गरिएका थियो । शिविरमा ४३ जनाको केही निशुल्क र केही छुटमा अप्रेसन गर्नुपर्ने भएको आयोजक गौरादह वडा कार्यालय अध्यक्ष नगेन्द्र भण्डारीले बताए । रोटरीले दमक आसपासका क्षेत्रमा आखाँ शिविर सञ्चालन गरिआएको छ ।
