लिम्बुवान नागरिक समाज बेलायतको अध्यक्षमा वनेम


हाम्रो दमक
  • प्रकाशित मिति : सोमवार, माघ ७, २०७५


  • बेलायत, ७ माघ । लिम्बुवान नागरिक समाज बेलायतको चौथो महाधिवेशनले छत्र वनेमलाई सर्वसम्मतले अध्यक्षमा निर्वाचित गरेको छ । वनेम यसअघि समाजका महासचिव थिए ।


    शनिबार आसफोर्डमा भएको महाधिवेशनले वनेमको अध्यक्षतामा २९ सदस्यीय कार्य समिति चयन गरेको छ । उक्त समितिका उपाध्यक्षहरूमा श्रीकुमार जवेगू, मनमाया नेम्वाङ, नवराज काम्वाङ, दिल कुमार इङ्वारम रहेका छन् । यस्तै, महासचिवमा लाहाङ चेम्जोङ, सचिवमा मान मावोहाङ, कोषाध्यक्षमा विकास हेल्लोक, सहकोषाध्यक्षमा शमशेर ताप्मादेन, जनसम्पर्क संयोजकमा शरण पङ्धाक, मिडिया संयोजकमा अमित थेवे र साँस्कृतिक सचिवमा जानु काम्वाङ लिङ्देन रहेका छन् ।

    समितिका सदस्यहरूमा दिल कुमारी मादेन, सिर्जना सम्बाहाम्फे, दिलकुमारी लाबुङ, टीका सम्बाहाम्फे, रनवीर योङहाङ, प्रेम लिम्बु, राम निङ्लेकु, मोहन सोदेम्वा, कृष्ण फोम्वो, दीपेन्द्र खिम्दिङ, गङ्गा खिम्दिङ, गडुलध्वोज मादेन, दिल कुमार तुम्बाहाम्फे,नरजङ्ग मावोहाङ,सुवतराज मावोहाङ र तिलवीर खवाहाङ छन् ।
    समितिको कार्यकाल तीन वर्ष रहनेछ । समाजले नेपालमा चलिरहेको लिम्बुवान आन्दोलनलाई जोड्न नेपाल संयोजकमा निलिफा सुब्बा र सहसंयोजकमा दिल कुमार लाबुङ पनि तोकेको नवनिर्वाचित अध्यक्ष वनेमले बताए । समाजका सल्लाहकार दिल कुमार सम्बाहाम्फेको प्रमुख आतिथ्यमा भएको कार्यक्रममा नेपाल आदिवासी जनजाति महासङ्घका पूर्व अध्यक्ष श्री साम्यू, याक्थुङ चुम्लुङ बेलायतका पूर्व अध्यक्ष डम्मर सिङ्गक, ग‌ैरआवसीय नेपाली महासङ्घ बेलायतका पूर्व महासचिव विजय लिङ्देन लगायतका अतिथिहरू उपस्थित थिए ।

    निवर्तमान अध्यक्ष नरेन्द्र मावोहाङको अध्यक्षतामा भएको कार्यक्रममा महासचिव छत्र वनेमले साङ्गठनिक प्रतिवेदन र कोषाध्यक्ष विकास हेल्लोकले आर्थिक प्रतिवेदन प्रस्तुत गरेका थिए । सोही अवसरमा गायिका अमृता सम्बाहाम्फेलाई पनि समाजले सम्मान गरेको थियोे । लिम्बुवान प्राप्तिको आन्दोलनलाई नागरिक तहबाट सहयोग पुर्‍याउन सन् २००९ मा समाजको स्थापना गरिएको निवर्तमान अध्यक्ष मावोहाङले बताए ।

    यसमा तपाइको मत


    सम्बन्धित समाचार


    हाम्रो टिम

    संचालक/सम्पादक– रोशन कट्टेल
    कार्यकारी सम्पादक– विष्णु सुब्बा
    सह सम्पादक– नगेन्द्र न्यौपाने
    ब्यवस्थापक– खेमराज जम्मर कट्टेल
    समाचार डेक्स– तारा शर्मा, आयुष निरौला
    समाचार प्रतिनिधि– रमेश ओझा [द.कोरिया], सबिता सापकोटा [पोखरा], केशब पाण्डे [काठमाडौँ], प्रकाश सिग्देल [युएई]

    हाम्रो बारेमा

    परीक्षित मिडिया प्रा.ली. द्वारा संचालित यो हाम्रोदमक डटकम वेवसाइट आधिकारिक न्यूज पोर्टल हो । नेपाली भाषाको यो पोर्टलले बिशेस गरेर पूर्वी नेपाल र दमक आसपासका समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशिस गरेको छ । तपाईलाई सूचनाको अधिकार संग नजिक जोड्न हामी निरन्तर [...]

    सम्पर्क

    परीक्षित मिडिया प्रा.लि.
    प्रधान कार्यालय- दमक-०९, झापा
    सुचना विभाग दर्ता नम्बर : ३४०/०७३-७४
    बिज्ञापन:
    [email protected]


    Hamro Damak

    © copyright 2016-2019 and all right reserved to Hamro Damak | Site By : SobizTrend Technology