झापामा पाँच सयभन्दा बढी डेंगु रोगी फेला

यस्तै अवस्था रहे झापामा पनि संकट निम्तिन सक्छ ।


हाम्रो दमक
  • प्रकाशित मिति : शुक्रबार, भदौ २७, २०७६


  • झापा । डेंगुका कारण झापासहित देशभर बिरामीहरुको संख्या बढ्दै गएको छ । बिरामीको संख्या बढ्दै गए पनि झापामा स्थानीय तहले डेंगु नियन्त्रणका लागि प्रभावकारी काम नगरेको स्थानीयले गुनासो गरेका छन् ।

    झापामा हालसम्म पाँच सयभन्दा बढी डेंगुका रोगी फेला परिसकेको जिल्ला स्वास्थ्य कार्यालयका महामारी रोगका फोकल पर्सन कुलबहादुर पौडेलले जानकारी दिए । पूर्वाञ्चलसँग कुरा गर्दै पौडेलले भने–झापामा दिनप्रतिदिन बिरामीको संख्या बढिरहेको छ ।

    हालसम्म बिरामीको संख्या पाँच सय नाघ्यो, यस्तै अवस्था रहे झापामा पनि संकट निम्तिन सक्छ ।

    डेंगु नियन्त्रणका लागि गत वर्षसम्मका कार्यक्रम सकिए पनि यस वर्ष कुनै कार्यक्रम नआएको पौडेलको भनाइ छ । उनले स्थानीय तहले डेंगु नियन्त्रणका लागि चासो दिनुपर्ने भन्दै जिल्ला स्वास्थ्य कार्यालयसँग कुनै पनि नगरपालिका तथा गाउँपालिकाले सहयोग नमागेको बताए ।

    डेंगुका कारण झापामा हालसम्म दुई जनाको मृत्यु भइसकेको छ । यो वर्ष झापामा कसैको पनि मृत्यु नभए पनि यसरी नै बिरामीको संख्या बढ्दै गएमा भयावह अवस्थाको सिर्जना हुन सक्ने स्वास्थ्य कार्यालयका सूचना अधिकारी समेत रहेका पौडेलले बताए । झापामा डेंगु पहिलोपटक मेचीनगरमा फेला परेको थियो । झापाका मेचीनगर, बिर्तामोड, दमक, भद्रपुर लगायतका नगर डेंगुको जोखिममा रहेको स्वास्थ्य कार्यालयले जनाएको छ । डेंगुका कारण झापाका अस्पतालहरुमा बिरामीहरुको संख्या बढ्दै गएको छ ।

    यसैबीच दक्षिण एशियाभरि नै डेंगुले यतिबेला प्रकोपको रुप लिएको बताइएको छ । दक्षिण एशियाली देशका सरकार, स्वास्थ्यकर्मी तथा वैज्ञानिकहरु अब के गर्ने भनेर सोचिरहेको अन्तर्राष्ट्रिय सञ्चारमाध्यमले जनाएका छन् ।

    डेंगुका कारण फिलिपिन्समा सयौंको मृत्यु भइसकेको एएफपीले जनाएको छ । भियतनाममा डेंगुका विरामी तीन गुणाले वृद्धि भएको त्यहाँका अधिकारीहरुले बताएका छन् । मलेशिया, म्यानमार र कम्बोडियाका अस्पतालहरु डेंगुका बिरामीले भरिभराउ छन् ।

    बढ्दो तापमान र कम प्रतिरोधात्मक क्षमताका कारण दक्षिण एशियामा डेंगुले विकराल रुप लिएको छ ।
    इपिडिमियोलोजी तथा रोग नियन्त्रण महाशाखाको भदौ २२ गतेसम्मको तथ्यांक दिँदै नेपालमा यो वर्ष ३ हजार ८ सय ९९ जना डेंगुका बिरामी देखिएको जनाएको छ । यस्तो अवस्थामा वैज्ञानिकहरुले डेंगुको प्रकोपलाई कसरी कम गर्न सकिन्छ भनेर विभिन्न अनुसन्धान गरिरहेका छन् ।

    वैज्ञानिकहरूको एउटा समूहले यतिबेला डेंगुको एन्टीबडी (प्रतिरोधक) को काम गर्न सक्ने किरा (बग)मा परीक्षण गरिरहेका छन् । यसले विश्वकै लागि चुनौतिको रुपमा रहेको डेंगुको सामना गर्न सक्ने वैज्ञानिकहरुले आशा लिएका छन् ।

    यो पनि हेर्नुहोस,

    सावधान ! डेंगुको संक्रमण, त्यसबाट जोगिने उपायहरु

    विश्व लामखुट्टे कार्यक्रम (डब्ल्यूएमपी) ले विकास गरेको एक विधिमा एडीज एजिप्टाइ जातको भाले र पोथी लामखुट्टेलाई वोल्बाकिया नामक रोग–प्रतिरोधी ब्याक्टेरियाबाट संक्रमित गराएर वातावरणमा छोडिन्छ । डेंगुको संक्रमण लामखुट्टेको टोकाइबाट एक व्यक्तिबाट अर्कोमा सर्छ । र, त्यस्ता लामखुट्टे भीड, तातोपना र आर्द्रता बढी रहेको स्थानमा फस्टाउँछन् ।

    विश्व स्वास्थ्य संगठन तथा राष्ट्रिय स्वास्थ्य संस्थाहरुको तथ्यांक अनुसार यस बर्ष दक्षिणपूर्व एशियामा ६ लाख ७० हजार जना संक्रमित भएका छन् भने १ हजार ८ सय भन्दा बढी व्यक्तिको मृत्यु भएको छ । यो पछिल्ला केही वर्षहरुकै सबैभन्दा खराब प्रकोप भएको विज्ञहरुले बताएका छन् ।

    डेंगुको प्रकोप यो मात्रामा फैलनुमा तातो मौसम प्रमुख कारण भएको बताइएको छ । यो वर्षको जुलाई महिनालाई विश्वव्यापी रूपमा अहिलेसम्मकै तातो महिनाको रुपमा रेकर्ड गरिएको थियो । लामखुट्टेले पनि तातो मौसम नै मन पराउँछन् । रोग प्रतिरोधात्मक क्षमता कम भएका मानिसहरुको समूहमा पनि यो रोगले प्रकोपको रुप लिएको बताइएको छ । वोल्बाकियालाई पहिलोपटक १९२० को दशकमा हार्वर्ड युनिभर्सिटीका वैज्ञानिकहरुले कलेजको नालीमा बस्ने लामखुट्टेमा पत्ता लगाएका थिए ।

    डेंगु हरेक वर्ष विश्वभर १० करोड मानिसहरुमा फैलिने गरेको अनुमान गरिएको छ ।धेरै देशहरूले डेंगुको संक्रमण भएका स्थानहरुमा कीटनाशक राखेर फगिङ पनि गरिरहेका छन् । तर, यो विधि भने छोटो अवधिको लागि मात्रै प्रभावकारी देखिएको छ । कीटनाशक राखिएको केही दिनमै लामखुट्टे फर्किने गरेका छन् । र त्यस्ता लामखुट्टेमा रासायनिक कीटनाशकविरुद्ध प्रतिरोधको विकास समेत भएको पाइएको छ ।

    यसमा तपाइको मत


    सम्बन्धित समाचार


    हाम्रो टिम

    संचालक/सम्पादक– रोशन कट्टेल
    कार्यकारी सम्पादक– विष्णु सुब्बा
    सह सम्पादक– नगेन्द्र न्यौपाने
    ब्यवस्थापक– खेमराज जम्मर कट्टेल
    समाचार डेक्स– तारा शर्मा, आयुष निरौला
    समाचार प्रतिनिधि– रमेश ओझा [द.कोरिया], सबिता सापकोटा [पोखरा], केशब पाण्डे [काठमाडौँ], प्रकाश सिग्देल [युएई]

    हाम्रो बारेमा

    परीक्षित मिडिया प्रा.ली. द्वारा संचालित यो हाम्रोदमक डटकम वेवसाइट आधिकारिक न्यूज पोर्टल हो । नेपाली भाषाको यो पोर्टलले बिशेस गरेर पूर्वी नेपाल र दमक आसपासका समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशिस गरेको छ । तपाईलाई सूचनाको अधिकार संग नजिक जोड्न हामी निरन्तर [...]

    सम्पर्क

    परीक्षित मिडिया प्रा.लि.
    प्रधान कार्यालय- दमक-०९, झापा
    सुचना विभाग दर्ता नम्बर : ३४०/०७३-७४
    बिज्ञापन:
    [email protected]


    Hamro Damak

    © copyright 2016-2019 and all right reserved to Hamro Damak | Site By : SobizTrend Technology