गौरादहमा इष्टुको नगर समिति गठन


हाम्रो दमक
  • प्रकाशित मिति : शनिबार, असार १४, २०७६


  • गौरादह,१४ असार । निजी शिक्षण संस्थामा आवद्ध रहेका शिक्षकहरुको संस्थागत संगठन निजी विद्यालय शिक्षक युनियन (इस्टु) को गौरादह नगर समिति गठन गरिएको छ । माउण्ट एभरेष्ट मावि गौरादहको सभाहलमा आज सम्पन्न शिक्षकहरुको भेलाले सञ्जीव बहादुर कार्कीको अध्यक्षतामा १४ सदस्यीय नगर समिति गठन गरेको हो ।


    नवगठित समितिको उपाध्यक्षहरुमा प्रमोद न्यौपाने, गोपाल पंगेनी, महिला उपाध्यक्षमा कल्पना घिमिरे र कोषाध्यक्षमा कमल न्यौपाने रहेका छन् । यस्तै,समितिका सदस्यहरुमा फागुलाल शर्मा, देवेन्द्र खतिवडा, इन्दिरा मिश्र, सम्भु साह, रुद्र कुमार वराल, रोहित आचार्य लगायत रहेका छन् ।
    कार्यक्रमका प्रमुख अतिथि तथा इस्टु केन्द्रिय समितिका सदस्य एन. पी. लामिछानेले कार्यक्रमका उद्घाटन गर्दै निजी क्षेत्रमा सेवारत शिक्षकहरु दमन र शोषणवाट पीडित हुदै आएको र समाजमा तल्लो दर्जाको व्यक्तिको रुपमा व्यवहार गरिने गरेको विशम परिस्थिति औल्याउदै निजी शिक्षकहरुको हक हितको रक्षाको लागी आफुहरु लामो समय देखी संर्घषरत रहेको वताए ।
    नेपाल सरकारले लागु गरेको योगदानमा आधारित सामाजिक सुरक्षा कार्यक्रम लागु भएमा मात्र पनि ८० प्रतिशत समस्या हल हुने जिकिर गर्दै उनले संघीय शिक्षा ऐनमा व्यवस्था भएका विदा तथा सेवा सुविधाहरु समान रुपमा लागु गराईनु पर्ने, स्थानीय तथा प्रादेशिक तहको शिक्षा ऐन र नियमावलीमा इस्टुको प्रतिनिधित्व हुनु पर्ने, सामुदायिक शिक्षकहरु सरह निजी क्षेत्रका शिक्षकहरुलाई समेत समान रुपमा तालिम प्रदान गरिनु पर्ने विधिसम्मत कार्यहरु यथासिघ्र अगाडी बढाईनु पर्नेमा जोड दिए । कार्यक्रममा इस्टु प्रदेश नं. १ अध्यक्ष यादवराज अधिकारीले इस्टुले राखेका माग पूरा नभए जस्तो सुकै कदम चाल्न आफुहरु तयार भएको भन्दै आवश्यक परे आन्दोलनका कार्यक्रमहरु समेत सुरु गरिने वताए । इस्टुले उठाएका सवै माग प्रति जिल्ला प्याव्सन झापा सकरात्मक रहेको पाईएको र योगदानमा आधारित सामाजिक सुरक्षा कार्यक्रम प्रति इमान्दार भएर प्यावसनले सहयोग गर्नेमा आफुहरु आशावादी रहेको अधिकारीले विश्वास व्यक्त गरे ।
    जिल्ला अध्यक्ष होमराज खतिवडाले झापामा रहेका करिव ४ सय निजी विद्यालयमा ३६ सय भन्दा वढी शिक्षकहरु कार्यरत रहेको भन्दै उनीहरुको भविस्य सुरक्षित गर्नको लागी आएको योगदानमा आधारित सामाजिक सुरक्षा कार्यक्रम तुरुन्त लागु गर्न माग गरे । तदर्थ समितिका अध्यक्ष सञ्जीव कार्कीको सभापतित्वमा सम्पन्न भएको कार्यक्रममा भावना निरौला, पदम गजुरेल, दिपक खड्का लगायतले शुभकामना मन्तव्य राखेको कार्यक्रमको सञ्चालन सुभाष पाण्डेले गरेका थिए ।

    यसमा तपाइको मत


    सम्बन्धित समाचार


    हाम्रो टिम

    संचालक/सम्पादक– रोशन कट्टेल
    कार्यकारी सम्पादक– विष्णु सुब्बा
    सह सम्पादक– नगेन्द्र न्यौपाने
    ब्यवस्थापक– खेमराज जम्मर कट्टेल
    समाचार डेक्स– तारा शर्मा, आयुष निरौला
    समाचार प्रतिनिधि– रमेश ओझा [द.कोरिया], सबिता सापकोटा [पोखरा], केशब पाण्डे [काठमाडौँ], प्रकाश सिग्देल [युएई]

    हाम्रो बारेमा

    परीक्षित मिडिया प्रा.ली. द्वारा संचालित यो हाम्रोदमक डटकम वेवसाइट आधिकारिक न्यूज पोर्टल हो । नेपाली भाषाको यो पोर्टलले बिशेस गरेर पूर्वी नेपाल र दमक आसपासका समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशिस गरेको छ । तपाईलाई सूचनाको अधिकार संग नजिक जोड्न हामी निरन्तर [...]

    सम्पर्क

    परीक्षित मिडिया प्रा.लि.
    प्रधान कार्यालय- दमक-०९, झापा
    सुचना विभाग दर्ता नम्बर : ३४०/०७३-७४
    बिज्ञापन:
    [email protected]


    Hamro Damak

    © copyright 2016-2019 and all right reserved to Hamro Damak | Site By : SobizTrend Technology