मध्य पूर्वको ओमनमा विश्वभरीका एनआरएनए अभियन्ताहरुको बृहत्त भेला हुँदै


हाम्रो दमक
  • प्रकाशित मिति : आइतवार, असार ८, २०७६


  • ओमन | गैर आवासीय नेपाली संघ (एनआरएनएन ) आइसिसीको महाधिवेशन आगामी अक्टोवर १३ देखि १६ तारिखसम्म तोकिएको छ । सम्मेलनको घोषणा गरिएसँगै विभिन्न एनसिसीमा धमाधम अधिवेशन भइरहेको छ । त्यसै सिलसिलामा यही जुन २८ तारिखमा हुन लागिरहेको एनआरएनए ओमनको अधिवेशनको अवसर पारेर विश्वभरीका एनआरएनए अभियन्ता आउनुहुने भएको छ ।

    मध्य पूर्वको सबैभन्दा महत्वपूर्ण एनिससी अर्थात आइसिसीमा सचिव पाएको ओमनको अधिवेशनमा विश्वभरीका केन्द्रीय नेताहरुको हुन लागेको आवागमनलाई निकै अर्थपूर्ण रुपमा हेरिएको छ । हालका सचिव डिवी क्षेत्रीको बसोबास गर्ने देश भएका कारण र मध्य पूर्वले राम्रो नेतृत्व पाइरहहेको बखतमा ओमनको एनसिसी अधिवेशन क्षेत्रीय सम्मेलनको झझल्को दिने देखिन्छ । किनकी एनसिसी अधिवेशनमै एनआरएनएनका केन्द्रीय नेतादेखि अभियन्ता सम्मको सहभागिताले सबैको ध्यान केन्द्रित गराउने भएको छ ।

    एनआरएनए ओमनका अध्यक्ष दिपक श्रेष्ठका अनुसार सम्मेलनमा सयौंको संख्यामा अतिथिहरुको सहभागिता रहने भएको छ । अहिलेसम्म एनआरएनएन आइसिसी अध्यक्ष भवन भट्ट, उपाध्यक्षहरु कुुमार पन्त, कुल आचार्य, एनआरएनएन अमेरिकाज् क्षेत्रीय संयोजक गौरीराज जोशी, मध्य पूर्वका संयोजक आर के शर्मा, एनआरएनए एसिया प्याशिफिक संयोजक किरण विक्रम थापा, एनआरएनए मध्य पूर्व सहसंयोजक गोपाल कँडेल र प्रवीण गुुरुगं, एनआरएनए आइसिसी सदस्यहरु चित्र केसी, मनोज गोर्खाली, सुदिप कार्की, जोन आर्याल, मध्य पूर्वका पूर्व संयोजक नरेन्द्र भाट, एनआरएनएन आइसिसी पूर्व उपाध्यक्ष टिबी कार्की, एनआरएनए यूके अध्यक्ष योगकुमार फगामी, एनआरएनए बेल्जियम अध्यक्ष लोक प्रसाद दाहाल, एनआरएनए यूएई अध्यक्ष रमेश श्रेष्ठ, एनआरएनए यूके उपमहासचिव विनय अधिकारी, एनआरएनए आइसिसी सदस्य विमल सुुवेदी, विनोद भट्राई, एनआरएनए मध्य पूर्व सहसंयोजक राजु सायाद, एनआरएनए आइसिसी सदस्य अमित राई, आइसिसी सदस्य कमल श्रेष्ठ, एनआरएनए बेल्जियबाट गोविन्द सुवेदी, बहराईनबाट दुुर्गा गिरी, कुवेतबाट शर्मा राज गिरी, मध्यपूर्वका भूतपूर्व सहसंयोजक धर्मराज गिरी आउने टुंगो लागिसेको छ । अधिवेशन यही जुन २८ तारिखमा ओमनमा हुन लागेको हो ।

    हाल आइसिसी सचीव रहँदै आउनुुभएको डिवी क्षेत्री बसोबास गर्ने देशको हिसावले ओमनबाट यो पटक महाविधेशनको लागि चुनावी माहौल सृजना हुने देखिएको छ । सचिव डिवी क्षेत्री महासचिवको बलियो दाबेदार रहीरहँदा ओमनमा क्षेत्रीको प्रभावलाई लिएर विश्वभरीका एनआरएनएन भेला हुनुले निकै अर्थ राख्ने देखिन्छ ।

    सचिव क्षेत्रीले आफैले आधिकारिक रुपमा महासचिवको उम्मेदवार नभने पनि मध्यपूर्व र एनआरएनएको भलो चाहानेले निस्वार्थ सहयोग गर्ने माहोल बन्दै गएको चर्चा छ । ओमानको अध्यक्ष दुई कार्यकाल बिताउँदै दुतावास स्थापना गर्ने काम देखि सम्पूर्ण एनआरएनए को इतिहासमा मजदुरका सामाजिक सुरक्षाका बारेमा अग्रिम भूमिकामा रहेर सरकारले पनि उहाँका मुद्दाहरुमा मनन गरेको देखिन्छ । जस्तै, हजारे अभियान ,अनलाइन सिस्टम दुताबासबाटै पुनः श्रम स्वीकृति, तालिम अनिवार्य, सिन्धुली गढी जस्ता कार्यक्रम लिएर एकोहोरो काम गरी रहने स्वभाव भएकाले क्षेत्रीको महासचिवमा प्रबल दावेदार मानीएको छ । यो भेलालाई केहि न केही कनेक्सन र चुनावी सरगर्मी रणनीतिक हिस्साको रुपमा मानिएको छ । मध्यपूर्वले अरु पदमा विभाजन भए पनि डि बि क्षेत्रीको उम्मेदवारीमा विभाजित नहुने मनशाय बनाएको धेरै मध्यपूर्वका अभियन्ताहरु बताउँछन् ।

    क्षेत्रीलाई सम्पर्क गर्दा भन्नुुभयो, हामी कार्य समितिमा छौं, अहिले नै हामीले हतारो गर्न हुँदैन । आवश्यक विद्यावरिधी गर्न माथिल्लो कक्षा पढ्नैपर्यो, मैले सोचेको छु तर एनआरएनए चुनाव देखि चुनावसम्म मा सीमित राख्नु हुँदैन जिम्मेवारी छन् ती पूरा गर्नु छ ।

    त्यस्तै, आगामी अक्टोवरमा हुन गइरहेको महाधिवेशनमा अहिलेसम्म अध्यक्षमा कुुमार पन्तको उम्मेदवारी दिने पक्कापक्की भएको देखिन्छ । हालका अध्यक्ष भवन भट्ट, उपाध्यक्ष कुल आचार्यले उम्मेदवारी दिने भनीएको भए पनि आधिकारिक रुपमा भने सार्वजनीक गर्नुभएको छैन । यो पटक पन्तलाई बलियो उम्मेदवारको रुपमा हेरिएको छ भने महासचिवमा मध्य पूर्वबाट हजारे अभियानका अभियन्ता समेत रहनुभएको डिवी क्षेत्रीलाई सर्वसम्मत गर्न मध्यपूर्वबाट पूरै साथ र सहयोग मिल्ने देखिन्छ । त्यस्तै, सचिवमा गौरीराज जोशी, कोषाध्यक्षमा आर के शर्माको दावेदारी रहँदै आएको छ । जोशी र शर्मा पनि अधिवेशनमा सहभागि हुँदैहुनुहुन्छ ।

    यसमा तपाइको मत


    सम्बन्धित समाचार


    हाम्रो टिम

    संचालक/सम्पादक– रोशन कट्टेल
    कार्यकारी सम्पादक– विष्णु सुब्बा
    सह सम्पादक– नगेन्द्र न्यौपाने
    ब्यवस्थापक– खेमराज जम्मर कट्टेल
    समाचार डेक्स– तारा शर्मा, आयुष निरौला
    समाचार प्रतिनिधि– रमेश ओझा [द.कोरिया], सबिता सापकोटा [पोखरा], केशब पाण्डे [काठमाडौँ], प्रकाश सिग्देल [युएई]

    हाम्रो बारेमा

    परीक्षित मिडिया प्रा.ली. द्वारा संचालित यो हाम्रोदमक डटकम वेवसाइट आधिकारिक न्यूज पोर्टल हो । नेपाली भाषाको यो पोर्टलले बिशेस गरेर पूर्वी नेपाल र दमक आसपासका समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशिस गरेको छ । तपाईलाई सूचनाको अधिकार संग नजिक जोड्न हामी निरन्तर [...]

    सम्पर्क

    परीक्षित मिडिया प्रा.लि.
    प्रधान कार्यालय- दमक-०९, झापा
    सुचना विभाग दर्ता नम्बर : ३४०/०७३-७४
    बिज्ञापन:
    [email protected]


    Hamro Damak

    © copyright 2016-2019 and all right reserved to Hamro Damak | Site By : SobizTrend Technology