पथरीमा २२ महिलामा पाठेघरको क्यान्सरको संक्रमण

सहारा नेपालको जीवन वरदान कार्यक्रमअन्तर्गत झापा र मोरङका ग्रामीण क्षेत्रमा शिविर सञ्चालन भइरहेको छ । आफ्ना सदस्य र लघुवित्त समुदायलाई लक्षित गर्दै सहाराले समस्याका रुपमा रहेको पाठेघर रोगसम्बन्धी स्वास्थ्य शिविर सञ्चालन गरेको कार्यक्रम संयोजक भक्त खड्काले जानकारी दिए ।


हाम्रो दमक
  • प्रकाशित मिति : शुक्रबार, असार ६, २०७६


  • पथरी, असार ६ । पूर्वी मोरङको पथरी शनिश्चरे नगरका ३० जना महिलामा पाठेघरको मुखको क्यान्सरको संक्रमण भएको पाइएको छ ।
    शुक्रबार सहारा नेपाल साकोस बिर्तामोड २ ले पथरीमा आयोजना गरेको पाठेघर तथा प्रसूति रोगसम्बन्धी निःशुल्क स्वास्थ्य शिविरमा जाँच गर्न आएका महिलामा यस्तो जटिल समस्या देखापरेको छ ।


    ३४० जना महिलाले स्वास्थ्य परीक्षण गर्दा २२ जना महिलामा पाठेघरको मुख संक्रमणको क्यान्सर भएको पत्ता लागेको हो । २२ जनामा क्यान्सरको जीवाणु देखिएको हो । त्यस्तै, आठजना महिलाको आङ खसेको, पाँचजनाको परीक्षण यकिन नभएकाले बायस्पी गर्नुपर्ने देखिएको थियो । एकजनाको भने पाठेघरको मुखमा एैँजेरु पलाएकाले शल्यक्रिया गर्नुपर्ने देखिएको थियो ।
    महिलाको स्वास्थ्य जाँचका लागि शिविरमा खटिएकी बिएन्डसी अस्पतालकी स्त्री तथा प्रसूति रोग विशेषज्ञ डा. स्मृति मुल जोशीले यस क्षेत्रका धेरै महिलामा पाठेघर तथा यौनजन्य रोगको समस्या पाइएको बताइन् ।
    सेवा लिन आएका प्रभावित महिलालाई डाक्टर जोशी नेतृत्व टोलीले परामर्श र स्वास्थ्य–सुरक्षा विधिबारे सल्लाह दिएको छ । शिविरमा आएका महिलालाई खासगरी पाठेघरको संक्रमण कसरी रोक्न सकिन्छ भनेर चिकित्सक र स्वास्थ्यकर्मीले सजग गराएका थिए ।
    सहारा नेपालको जीवन वरदान कार्यक्रमअन्तर्गत झापा र मोरङका ग्रामीण क्षेत्रमा शिविर सञ्चालन भइरहेको छ । आफ्ना सदस्य र लघुवित्त समुदायलाई लक्षित गर्दै सहाराले समस्याका रुपमा रहेको पाठेघर रोगसम्बन्धी स्वास्थ्य शिविर सञ्चालन गरेको कार्यक्रम संयोजक भक्त खड्काले जानकारी दिए ।
    स्वास्थ्य शिविरमा विवाहित महिलाको स्वास्थ्य परीक्षण गरेपछि डाक्टर जोशीले महिलामा सेतोपानी बग्ने साझा समस्या रहेको निष्कर्ष निकालेकी छन् । त्यस्तै, पाठेघर झर्ने, समयमा महिनावारी नहुने, पाठेघरको मुखमा घाउ, एैँजेरु पलाउनेजस्ता प्रजननसम्बन्धी रोगबाट महिलाहरु पीडित रहेको जोशीले बताइन् ।
    ग्रामीण क्षेत्रमा महिलामा सरसफाइसम्बन्धी ज्ञान र सचेतना नभएको, सुरक्षित यौन सम्बन्ध नभएको तथा भाइरलका कारण पनि पाठेघरको समस्या देखिँदै आएको चिकित्सकको भनाइ छ ।
    बिएन्डसी अस्पताल र नेपाल परिवार नियोजन संघको प्राविधिक सहयोगमा भएको शिविरमा १८ वर्षदेखि ६० वर्ष उमेर समूहका महिलाले परामर्श लिएका थिए । रोगको जटिलता हेरेर सहारा नेपालले प्राथमिकतामा राखेर पीडित महिलाहरुको उपचार पनि निःशुल्क गर्ने योजना बनाएको छ ।
    शिविरमा पाठेघरको क्यान्सर भएनभएको पत्ता लगाउने ल्याब परीक्षण पनि गरिएको थियो । प्राविधिकले पाठेघरको क्यान्सरको अवस्था के छ भनेर भिजुवल इन्स्पेक्सन विथ एसेटिक एसिड (भिआइए) परीक्षण गरेर रोग पत्ता लगाउने गरेको छ ।
    रोग लुकाएर बसेका महिलालाई पाठेघर र प्रजनन सम्बन्धी स्वास्थ्य सेवा उपलब्ध गराउने उद्देश्यले सहाराले यसअघि झापाको शिवगञ्ज, राजगढ र बनियानीमा शिविर सम्पन्न गरिसकेको छ ।

    यसमा तपाइको मत


    सम्बन्धित समाचार


    हाम्रो टिम

    संचालक/सम्पादक– रोशन कट्टेल
    कार्यकारी सम्पादक– विष्णु सुब्बा
    सह सम्पादक– नगेन्द्र न्यौपाने
    ब्यवस्थापक– खेमराज जम्मर कट्टेल
    समाचार डेक्स– तारा शर्मा, आयुष निरौला
    समाचार प्रतिनिधि– रमेश ओझा [द.कोरिया], सबिता सापकोटा [पोखरा], केशब पाण्डे [काठमाडौँ], प्रकाश सिग्देल [युएई]

    हाम्रो बारेमा

    परीक्षित मिडिया प्रा.ली. द्वारा संचालित यो हाम्रोदमक डटकम वेवसाइट आधिकारिक न्यूज पोर्टल हो । नेपाली भाषाको यो पोर्टलले बिशेस गरेर पूर्वी नेपाल र दमक आसपासका समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशिस गरेको छ । तपाईलाई सूचनाको अधिकार संग नजिक जोड्न हामी निरन्तर [...]

    सम्पर्क

    परीक्षित मिडिया प्रा.लि.
    प्रधान कार्यालय- दमक-०९, झापा
    सुचना विभाग दर्ता नम्बर : ३४०/०७३-७४
    बिज्ञापन:
    [email protected]


    Hamro Damak

    © copyright 2016-2019 and all right reserved to Hamro Damak | Site By : SobizTrend Technology