साहित्य चौतारी झापाले बार्षिकउत्सव र भानु जयन्ती मनाउँदै

  • प्रकाशित मिति : बुधबार, जेष्ठ २९, २०७६



  • बीर्तामोड । साहित्य चौतारी झापाले असार ३१ गते २० औँ वार्षिक उत्सव तथा २०६ औँ भानु जयन्ती कला बर्षको रुपमा मनाउने भएको छ। वि.सं. २०५६ साल असार ३१ गते राष्ट्रकवि माधवप्रसाद घिमिरेले उद्घाटन गर्नु भएको साहित्य चौतारी अविरल हिँडिरहेको गतिशील संस्था हो ।

    यस चौतारीबाट राष्ट्रकवि घिमिरे लगायत सयौँको संख्यामा श्रष्टा सम्मानित तथा पुरस्कृत भईसकेका छन् । यस चौतारीबाट उत्पादित प्रतिभाहरु आज राष्ट्र, अन्तरराष्ट्रिय क्षेत्रमा ख्याती कमाइ रहेका छन् । चौतारीलाई सम्झिरहेका छन् । स–गौरव साहित्य चौतारीको नाम उच्चारण गरिरहेको चौतारीका सचिव दिलिप घिमिरेले बताए ।

    प्रत्येक बर्ष साहित्य, संगीत र कला विधाहरुमध्ये कुनै एक विधामा रहेर सम्मान तथा पुरस्कार प्रदान गर्दै आईरहेको सन्दर्भमा यस वर्ष कला वर्ष भएकाले चौतारीबाट प्रदान गरिदै आएको सम्मान तथा पुरस्कार कलाक्षेत्रका व्यक्तित्वहरुलाई छनौट गरि प्रदान गरिने र यसका लागि तीन सदस्यीय प्रतिभा छनौट समिति गठन गरिएको कार्यक्रमका संयोजक हिम्मत नेम्वाङले बताए ।

    यस वर्ष साहित्य चौतारी सम्मान झापा जिल्ला भित्रका एकजना वरिष्ठ मूर्तिकारलाई प्रदान गरिने भएको छ। भीमबहादुर पञ्चकुमारी श्रेष्ठ स्मृति साहित्य चौतारी प्रतिभा पुरस्कार स्थापित एकजना चित्रकारलाई प्रदान गरिने छ। यसैगरी धनमाया जगन्नाथ विमली नव प्रतिभा साहित्य चौतारी पुरस्कार यसपटक नृत्य विधालाई प्रदान गरिने छ। यसका लागि झापा जिल्ला भित्र रहेका प्रत्येक नृत्य प्रशिक्षण केन्द्रहरुबाट एकल लोक नृत्यमा एक महिला र एक पुरुष सहभागी गराइ प्रतियोगिताबाट सर्वोत्कृष्ट एकजनालाई पुरस्कृत गरिने छ।

    यसवर्ष डिकमान विरही स्मृति साहित्य चौतारी पुरस्कार उत्कृष्ट अभिनय कर्तालाई प्रदान गरिने छ। यसैगरी जे। वी। आले स्मृति फोटोग्राफी साहित्य चौतारी पुरस्कार झापा जिल्लाभित्रका फोटोग्राफहरुमध्येबाट उत्कृष्ट एकजनालाई प्रदान गरिने चौतारीका अध्यक्ष टंक विकल्प जानकारी दिए।

    चौतारीले यस पटकदेखि साहित्य चौतारीसँग आवद्ध साहित्य, संगीत र कलासँग सम्बन्धित एकजना विशिष्ट व्यक्तिलाई मरणोप्रान्त सम्मान गर्ने छ। यसैगरी साहित्य चौतारीको अगुवाईमा झापा जिल्ला भित्रका वैधानिक साहित्यिक संघ( संस्थाहरुका जिम्मेवार पदाधिकारीहरुको भेला गराई आ(आफ्ना संस्थाहरुले गर्ने कार्यक्रमहरुको एउटै क्यालेण्डर तयार गर्ने र एक( अर्को संस्थाले आयोजना गरेको कार्यक्रममा संस्थागत रुपमा र व्यक्तिगत रुपमा समेत सहभागी हुने निर्णय गरिएको चौतारीका संस्थापक संरक्षक देवीभक्त श्रेष्ठ बताए।

    साहित्य, कला, संगीत र संस्कृतिक पृष्ठभूमि टेकेर देश–विदेशका विशिष्ट साहित्यकार, कला र संगीतका साधक एवम् संस्कृतिकर्मीका साथै छिमेकी भूगोल दार्जिलिङ, सिक्किम, आसाम, मणिपुर, डुवर्स लगायतका सर्जक, साधक र पारखीहरुको शैशवकालदेखि आजको वयश्क अवस्थासम्म भएको गरिमामय उपस्थिति र रचनात्मक सहभागिताले जीवन प्राण भर्दै गतिशील उर्जा प्राप्त गरिरहेको सुखद अनुभूति भएको संस्थाका संस्थापक अध्यक्ष एवम् वर्तमान सल्लाहकार संयोजक शिवशंकर थापाले बताएक छ्न ।

    सम्बन्धित समाचार


    भर्खरै


    हाम्रो टिम

    संचालक/सम्पादक– रोशन कट्टेल
    कार्यकारी सम्पादक– विष्णु सुब्बा
    सह सम्पादक– नगेन्द्र न्यौपाने
    ब्यवस्थापक– खेमराज जम्मर कट्टेल
    समाचार डेक्स– तारा शर्मा, आयुष निरौला
    समाचार प्रतिनिधि– रमेश ओझा [द.कोरिया], सबिता सापकोटा [पोखरा], केशब पाण्डे [काठमाडौँ], प्रकाश सिग्देल [युएई]

    हाम्रो बारेमा

    परीक्षित मिडिया प्रा.ली. द्वारा संचालित यो हाम्रोदमक डटकम वेवसाइट आधिकारिक न्यूज पोर्टल हो । नेपाली भाषाको यो पोर्टलले बिशेस गरेर पूर्वी नेपाल र दमक आसपासका समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशिस गरेको छ । तपाईलाई सूचनाको अधिकार संग नजिक जोड्न हामी निरन्तर [...]

    सम्पर्क

    परीक्षित मिडिया प्रा.लि.
    प्रधान कार्यालय- दमक-०९, झापा
    सुचना विभाग दर्ता नम्बर : ३४०/०७३-७४
    बिज्ञापन:
    [email protected]


    Hamro Damak

    © copyright 2016-2019 and all right reserved to Hamro Damak | Site By : SobizTrend Technology