नगरपालिका भएको ३७ वर्ष पछि दमकको बाह्रघरेमा खानेपानी आयोजना निर्माण कार्य शुरु

  • प्रकाशित मिति : आइतवार, जेष्ठ २६, २०७६



  • नगेन्द्रमणि न्यौपाने

    दमक । झापाको दमक नगरपालिका भएको ३७ वर्ष पछि बल्ल दमकको १० नम्बर वडामा खानेपानी आयोजना निर्माण कार्य शुरु भएको छ । यसरी आफ्नो वडामा खानेपानी आयोजना बन्ने भए पछि स्थानीबासीहरु हर्षित भएका हुन । बर्षौ देखि भुमिगत ट्युबेलको पानी प्रयोग गर्न बाध्य यस भेगका स्थानीयबासीहरु आयोजना सम्पन्न भए पछि शुद्ध पिउने पानी उपभोग गर्न पाउनेमा निकै आशाबादी देखिएका छन ।

    बर्षौ देखि भुमिगत ट्युबेलको पानी प्रयोग गर्न बाध्य साविक वडा नम्बर १५, १६, १७, १८ र १९ नम्बर वडाका स्थानीयबासीहरु खानेपानी आयोजनाबाट लावन्धीत हुने बताइएको छ । नगरको शहरी क्षेत्रमा मात्रै केन्द्रित भएका खानेपानी योजनाहरु ग्रामिण भेगमा पनि संचालनमा आउने भएपछि स्थानीयहरु निकै आशाबादी पनि बनेका छन । यो बाह्रघरे खानेपानी तथा सरसफाई उपभोक्ता समिति अन्र्तगत यस आयोजनाको काम अहिले धमाधम भैरहेको छ ।

    आयोजनाको निर्माणको लागी स्थानीय नरबहादुर बिष्ट, लाईफ लाइन अस्पताल, र बेधनिधि सिवाकोटीबाट करिब ८ कट्ठा जग्गा निशुल्क उपलब्ध भएको हो । आयोजनाको लागी प्रदेश सरकारबाट बिनियोजित ९० लाख बजेटबाट अहिले आयोजना निर्माण काम भइरहेको छ । डिपिआर सहित आयोजना स्थलमा पहिलो चरणमा पक्की घेराबारा, सडक बिस्तार ,कल्भर्ड निर्माण, बोरिङ गाड्ने काम भइरहेको समितिले जनाएको छ । ४ लाख ५० हजार घनलिटरको ट्ङकी र २ वटा बोरिङ रहने यस आयोजना बाट दमक ९ को आंशिक र १० को सबै क्षेत्र गरेर १ हजार ६ सय ७१ घर धुरी लावन्धीत हुने समितिका सचिब खगेन्द्र भट्टराईले बताउनु भयो ।

    सानो बाह्रघरे खानेपानी आयोजना नगरको दक्षिणी भेगका नगरिकहरुका लागी लक्षितगरि निर्माण शुरुगरिएको दमक नगरपालीकाले जनाएको छ । जिल्ला खानेपानी डिभिजन कार्यालयको समन्वयमा निर्माण भइरहेको यस आयोजनामा प्रदेश सरकारको क्रमागत बजेट मार्फत ५ करोड रुपैयाको अनुमानित लागतमा ५ बर्ष भित्रमा आयोजना निर्माणकार्य सम्पन्न गर्ने लक्ष्य रहेको दमक १० का वडा अध्यक्ष बोधराज न्यौपानेले बताउनुभयो ।

    दमक नगरपालीकाले हाल ३ वटा ४ सय ५० घनलिटरको टयाङकी बाट शहरीक्षेत्रमा ९ हजार ५ सय घर धुरीलाई शुद्धखानेपानी बितरण गरिरहेको छ । नगरका ५, ६, ७ बाहेक १, २, ४, ८ र ९ का शहरी क्षेत्रका घरधुरीमा शुुद्ध खानेपानीको धारा जडान भइसकेको जनाएइको छ । करिब १ लाख जनसंख्याको बसोबास रहेको दमकमा हालसम्म ४५ हजार नगरिकले मात्र धाराको शुद्ध पिउने पानी उपभोगगर्र्दै आएको दमक नगरपालीकाले जनाएको छ । तर यसता जनताको अति आवश्यकय आयोजना तोकिएकै समयमा निर्माण सम्पन्न हुनु पर्ने स्थानीय राजु तामाङको भनाई छ ।

    सम्बन्धित समाचार


    हाम्रो टिम

    संचालक/सम्पादक– रोशन कट्टेल
    कार्यकारी सम्पादक– विष्णु सुब्बा
    सह सम्पादक– नगेन्द्र न्यौपाने
    ब्यवस्थापक– खेमराज जम्मर कट्टेल
    समाचार डेक्स– तारा शर्मा, आयुष निरौला
    समाचार प्रतिनिधि– रमेश ओझा [द.कोरिया], सबिता सापकोटा [पोखरा], केशब पाण्डे [काठमाडौँ], प्रकाश सिग्देल [युएई]

    हाम्रो बारेमा

    परीक्षित मिडिया प्रा.ली. द्वारा संचालित यो हाम्रोदमक डटकम वेवसाइट आधिकारिक न्यूज पोर्टल हो । नेपाली भाषाको यो पोर्टलले बिशेस गरेर पूर्वी नेपाल र दमक आसपासका समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशिस गरेको छ । तपाईलाई सूचनाको अधिकार संग नजिक जोड्न हामी निरन्तर [...]

    सम्पर्क

    परीक्षित मिडिया प्रा.लि.
    प्रधान कार्यालय- दमक-०९, झापा
    सुचना विभाग दर्ता नम्बर : ३४०/०७३-७४
    बिज्ञापन:
    [email protected]


    Hamro Damak

    © copyright 2016-2019 and all right reserved to Hamro Damak | Site By : SobizTrend Technology