अनाथ खोज्दै दमकको अनाथ बृद्धाश्रम

  • प्रकाशित मिति : शनिबार, जेष्ठ २५, २०७६



  • दमक, २५जेठ । झापाको दमक ९ मा १५ बर्ष अघि परिकल्पना गरी स्थापना भएको अनाथ बाल बृद्धाआश्रम भवनमा एक जना पनि अनाथ,असहाय छैनन् । करिव २ विगाहा १० धुर जमीनमा वर्षदिन अघि आश्रम सुविधासम्पन्न बनेको छ, तर आश्रममा लक्षित वर्गले सेवा लिन पाएका छैनन् ।

    घर परिवारबाट अपहेलित भएका , आफन्त वा छोराछोरी नभएका बृद्धबृद्धा, असहाय बनेका अनाथ बालबालिकाहरुलाई आवासीय सुविधासहित संरक्षण गर्ने उद्देश्यले गत माघदेखि सञ्चालनमा आएको घोषणा गरिएको सो आश्रमले सेवा लिने लक्षित वर्ग पाउन सकेका छैन् ।

    आश्रम परिसरमा अनाथ तथा बालबृद्धाश्रम खोजी गर्दे सरोकारवालाहरु (फोटो : फायल )

    आश्रमकी संस्थापक मध्येकी एक स्थानीय महिला नेतृ मन्दरा पौडेलले आश्रमको उद्देश्य अनुसार आश्रममा बस्ने बालबालिका वा वृद्ध्बृद्धा कोहि नभेटिएको बताउछिन् । उनले आश्रममा चाहिने सबैकुराको बन्दोबस्ती गरिएपनि उद्देश्य अनुरुप सञ्चालन गर्न लक्षित वर्ग नहुदाँ समस्या भएको वताईन् । उनले भनिन् ,–‘ आश्रममा बृद्धबृद्धा खोजे पनि अहिलेसम्म भेटिएको छैन् ।’ आश्रमका संस्थापक तथा सामाजिक अभियान्ताहरु पनि आश्रममा बस्न चाहने लक्षित मानिस खोजी गर्दै हिंडेको समेत पौडेलले सुनाइन् ।

    आश्रमकी अध्यक्ष सुमित्रा प्रसाईका अनुसार २०६० माघ २ गते पहिलो पटक त्यहाँ महायज्ञ आयोजना गरेर आश्रमका लागि चाहिने जग्गा र भौतिक संरचना बनाउने योजना बनाइएको थियो । महायज्ञ मार्फत आश्रम निर्माणका लागि दाताहरुले केहिले जग्गा दिए, कसैले पैसा नै दिए भने कतिपय दाताले जिन्सी नै सामाग्री दिएका थिए । २०६४ सालमा त्यहाँ भवन निर्माण शुरु भयो स्थानीय सामाजिक व्यक्तित्व जगत बोहोराले निर्माण समितिको नेतृत्व गरे । आश्रम बनाउनकै लागि स्रोत जुटाउन दुई पटक सम्म महायज्ञ लगाईएको अध्यक्ष प्रसाईले वताईन् ।

    उनले आश्रममा वस्ने लक्षित वर्ग खोज्न पटक पटक छलफल गरिएपनि बस्ने मान्छेका अभावले नियमित सञ्चालन गर्न समस्या आएको वताईन् ।
    उनका अनुसार आश्रम सञ्चालनका लागि १० कोठाको आश्रम पक्की भवनसहित शौचालय, सभाहल ,स्नान गृह जस्ता आवश्यक पूर्वाधार निर्माणले पूर्णता पाएको लगभग एक बर्ष भईसकेको छ । कम्तिमा ४० जना अनाथ राख्ने क्षमता आश्रममा छ भने उनीहरुको भोजनका लागि समेत पर्याप्त जोहो गरिसकेका छन् । तर पनि त्यस्ता लक्षित वर्ग पाउन मुश्किल भएको उनले सुनाईन् । त्यहाँ कम्तीमा रु १ करोड ५० लाख बराबरको भौतिक संरचना तयार भएको छ । जग्गा र सो आश्रम संरचनाको चलनचल्ती मूल्य करोडौं माथिको छ ।

    आश्रम परिसरमा वृद्धवृद्धाहरुलाई पूजापाठ गर्न सहयोग पुगोस भनेर दाता भवानी मिश्रले करिव रु ७ लाख ८० हजार रुपैयाँको खर्चमा दुर्गा मन्दिर निर्माण समेत गरिदिनुभएको छ । मन्दिर समेत निर्माण पछि नियमित सञ्चालनमा आउन सकेको छैन् ।

    आश्रमकी पूर्व सचिव समेत रहेकी सल्लाहकार मिना कोइरालाले आश्रममा लक्षित वर्ग नपाउदाँ आश्रमका करौडो मूल्यका जायजेथा उपयोगविहीन वनेको वताउदै सवै मिलेर उपयोगमा ल्याउनु पर्ने वताउछिन् । आश्रममा आमा बाबु नभएका, वेवारिसे बालबालिका तथा ७५ बर्ष उमेर काटेका सहाराबिहिनहरुलाई आश्रय दिने लक्ष्य राखिएको थियो,त्यसलाई उपयोगमा ल्याउन सवै जुट्नु पर्ने उनको भनाई छ ।

    निजी प्रयासमा बृद्धबृद्धाको हेरचाह

    आश्रमदेखि २ किलोमिटर उत्तर दमक ४ मा एक परिवारले निजी खर्चमा स्थापना गरेको रत्न बृद्ध ज्येष्ठ नागरिक सेवा केन्द्र आश्रममा असहाय बृद्धबृद्धाहरुको आर्कषण वन्दै गएको छ ।

    पाँच वर्षदेखि सञ्चालनमा आएको उक्त आश्रममा ३ महिलासहित ८ जना ज्येष्ठ असहायले संरक्षण पाईरहेका छन् । दमकको चियाबगान नजिकै रहेको सो आश्रममा रहेका बृद्धबृद्धाहरुलाई बेलायतमा रहेको सैनिक तथा नर्सिङ पेशामा आवद्ध मन सुनुवारको परिवारले सम्पूर्ण व्यवस्थापन खर्च ब्यहोरेर संरक्षण गरिरहेका हुन् । आफना दिवंगत पितृको स्मृतिमा स्थापना गर्नुभएको सो आश्रम संस्थापकसहित स्थानीयहरुको सरसहयोगले सञ्चालनमा रहेको आश्रमकी सञ्चालिका आरजु सुनुवारले वताईन् ।

    सम्बन्धित समाचार


    भर्खरै


    हाम्रो टिम

    संचालक/सम्पादक– रोशन कट्टेल
    कार्यकारी सम्पादक– विष्णु सुब्बा
    सह सम्पादक– नगेन्द्र न्यौपाने
    ब्यवस्थापक– खेमराज जम्मर कट्टेल
    समाचार डेक्स– तारा शर्मा, आयुष निरौला
    समाचार प्रतिनिधि– रमेश ओझा [द.कोरिया], सबिता सापकोटा [पोखरा], केशब पाण्डे [काठमाडौँ], प्रकाश सिग्देल [युएई]

    हाम्रो बारेमा

    परीक्षित मिडिया प्रा.ली. द्वारा संचालित यो हाम्रोदमक डटकम वेवसाइट आधिकारिक न्यूज पोर्टल हो । नेपाली भाषाको यो पोर्टलले बिशेस गरेर पूर्वी नेपाल र दमक आसपासका समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशिस गरेको छ । तपाईलाई सूचनाको अधिकार संग नजिक जोड्न हामी निरन्तर [...]

    सम्पर्क

    परीक्षित मिडिया प्रा.लि.
    प्रधान कार्यालय- दमक-०९, झापा
    सुचना विभाग दर्ता नम्बर : ३४०/०७३-७४
    बिज्ञापन:
    [email protected]


    Hamro Damak

    © copyright 2016-2019 and all right reserved to Hamro Damak | Site By : SobizTrend Technology