विश्वकप क्रिकेट: आज श्रीलंका र पाकिस्तान आमने सामने

  • प्रकाशित मिति : शुक्रबार, जेष्ठ २४, २०७६



  • एजेन्सी | सुरुवाती खेलबाट झड्का ब्यहोरेर पनि सम्हालिएको पाकिस्तान र श्रीलंका एकदिवशीय विश्वकप अन्तर्गत शुक्रबार आमने सामने हुँदैछन् ।

    यो खेल इंग्ल्याण्डको ब्रिस्टोल काउन्टी मैदानमा नेपाली समयअनुसार शुक्रबार दिउँसो सवा ३ बजेदेखि सुरु हुनेछ । ब्याटिङमा आश्चर्यजनक असफलताका बाबजुद श्रीलंकाले पछिल्लो खेलमा अफगानिस्तानलाई माथ दिएको थियो । त्यस खेलमा श्रीलंकाली टोली ९२–० को स्थितिबाट २०१ मा अलआउट भएको थियो ।

    अफगानिस्तानविरुद्धको जितले सुरुआती खेलमा न्यूजिल्याण्डसँग ब्यहोरेको १० विकेटको हारबाट श्रीलंकाले राहत पाएको हो । दिमुथ करुणारत्नेको नेतृत्वमा रहेको टोली आफ्नो ब्याटिङ असफलताको भयबाट सावधान हुनुपर्नेछ । अफगानिस्तानविरुद्ध उसका मध्यक्रमका ४ ब्याट्सम्यान ५ रनको अन्तरमा पेविलियन फर्केका थिए ।

    घरेलु टोली इंग्ल्याण्डबिरुद्ध १४ रनको रोमान्चक जित हासिल गरेर मनोबल उच्च बनाएपछि म्यान अफ द म्याच मोहम्मद अफिजले यस जितलाई ‘पूरा टिमको प्रयास’ भनेका थिए । वेष्ट इण्डिजबिरुद्धको खेलमा १ सय ५ रनमै समेटिएको पाकिस्तानको ब्याटिङपंक्तिले इंग्ल्याण्डविरुद्ध ३४८ रनको ठूलो योगफल बनाएको थियो ।

    पाकिस्तानले पछिल्लो ११ एकदिवशीय अन्तर्राष्ट्रिय खेलमा पहिलो जित निकालेको हो । ब्रिस्टोलको मौसम अधिकांश समय बदली भइरहन्छ । यो खेल पनि वर्षाले प्रभावित पार्न सक्ने अनुमान गरिएको छ । अभ्यास खेलमा वेष्ट इण्डिजले बनाएको ४२१ रनसमेत जोड्दा यस मैदानमा पछिल्लो १ महिनामा ३ पटक ३५० भन्दा बढी स्कोर बनेको छ ।

    सम्बन्धित समाचार


    भर्खरै


    हाम्रो टिम

    संचालक/सम्पादक– रोशन कट्टेल
    कार्यकारी सम्पादक– विष्णु सुब्बा
    सह सम्पादक– नगेन्द्र न्यौपाने
    ब्यवस्थापक– खेमराज जम्मर कट्टेल
    समाचार डेक्स– तारा शर्मा, आयुष निरौला
    समाचार प्रतिनिधि– रमेश ओझा [द.कोरिया], सबिता सापकोटा [पोखरा], केशब पाण्डे [काठमाडौँ], प्रकाश सिग्देल [युएई]

    हाम्रो बारेमा

    परीक्षित मिडिया प्रा.ली. द्वारा संचालित यो हाम्रोदमक डटकम वेवसाइट आधिकारिक न्यूज पोर्टल हो । नेपाली भाषाको यो पोर्टलले बिशेस गरेर पूर्वी नेपाल र दमक आसपासका समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशिस गरेको छ । तपाईलाई सूचनाको अधिकार संग नजिक जोड्न हामी निरन्तर [...]

    सम्पर्क

    परीक्षित मिडिया प्रा.लि.
    प्रधान कार्यालय- दमक-०९, झापा
    सुचना विभाग दर्ता नम्बर : ३४०/०७३-७४
    बिज्ञापन:
    [email protected]


    Hamro Damak

    © copyright 2016-2019 and all right reserved to Hamro Damak | Site By : SobizTrend Technology