इटहरी उपमहानगरको औपचारिक कार्यक्रम बहिष्कार गर्ने

भ्रष्टाचारको विरोधको आवरणमा उनका अराजक हर्कत र अभिव्यक्तिले थप उत्तेजना फैलाउने काम गरिरहेको महासङ्घले विज्ञप्तीमा जनाएको छ ।


हाम्रो दमक
  • प्रकाशित मिति : बुधबार, जेष्ठ २२, २०७६


  • इटहरी,२२ जेठ । नेपाल पत्रकार महासङ्घ सुनसरी शाखाले इटहरी उपमहानगरपालिकाका कुनै पनि कार्यक्रममा नजाने निर्णय गरेको छ । आज बसेको महासङ्घ शाखाको बैठकले सुनसरीमा पत्रकार राज्य पक्षबाटै असुरक्षित हुने वातावरण सिर्जना भएको भन्दै नगरकार्यपालिकाको औपचारिक धारणाको मागसहित कार्यक्रम बहिष्कार गर्ने निर्णय गरेको अध्यक्ष अमर खड्काले जानकारी दिएका छन् ।

    मेयर द्वारिकलाल चौधरीबाट बारम्बार पत्रकारमाथि भएका आक्रमणको निन्दा गर्दै जनतालाई सुसूचित गर्ने वर्गप्रति लक्षित गर्दै दोहोरिइरहेका गलत क्रियाकलापले पत्रकार असुरक्षित भएको महासङ्घको ठहर रहेको खड्काले जानकारी दिए ।

    यस बारेमा जिल्ला प्रहरी कार्यालय र जिल्ला प्रशासन कार्यालय सुनसरीमा पुुगेर समेत महासङ्घले गम्भीर ध्यानाकर्षण गराएको बताएका छन् ।

    नेपाल पत्रकार महासङ्घ प्रदेश १ का अध्यक्ष विक्रम लुुइँटेलले सञ्चारमाध्यममा आएका मेयर चौधरीका भनाइमा प्रेस जगतलाई हेर्ने दृष्टिकोण नै गलत रहेको टिप्पणी गरेका छन् । समग्र पत्रकारिता जगत, अदालत र सिङ्गो पार्टीप्रति चौधरीले व्यक्त गरेका धारणाले गम्भीर प्रश्न उठाएको भन्दै आपत्ति प्रकट गरिएको छ । उनले पत्रकारलाई नियमित समाचार सङ्कलनमा जान भयको वातावरण बनेको भन्दै यसले जनताको सही सूचना प्राप्त गर्ने हकसमेत खोसिने चिन्ता व्यक्त गरे ।

    गलत रवैयाप्रति महासङ्घ निरन्तर सङ्घर्षमा जुट्ने भन्दै कुनै सरकार कानुनले कस्ने र कुनै सरकार भौतिक आक्रमणमा उत्रिने कुराले पत्रकार पेशा असुरक्षित बन्दै गएको आभास भएको विचार व्यक्त गरे ।

    धम्की प्रेस तथा अभिव्यक्ति स्वतन्त्रता माथिको हस्तक्षेप

    इटहरी उपमहानगरपालिकाका प्रमुख द्वारिकलाल चौधरीले आफ्नो विरुद्ध समाचार लेखेको भन्दै पत्रकार विराट अनुपमसहित समग्र पत्रकारिता क्षेत्रलाई दिएको धम्की र गालीगलौजको घटनाप्रति नेपाल पत्रकार महासङ्घ प्रदेश समितिको गम्भीर ध्यानाकर्षण भएको जनाइएको छ ।

    यसअघि पत्रकार कृष्ण वहाब भट्टराई र विकल रेग्मीमाथि दुव्र्यवहार गरेको विषयमा आफूबाट कमजोरी भएको स्वीकार गर्दै आगामी दिनमा त्यस्तो गतिविधि नगर्ने प्रतिबद्धता गरेका थिए । प्रमुख चौधरीले सामाजिक सञ्जालमा निरन्तर पत्रकारका विरुद्ध पोष्ट गरेको, पत्रकार अनुपमलाई फोनमार्फत् ज्यान मार्ने आशयको धम्की दिएको र टेलिभिजन अन्तरवार्तामा समेत दिएको धम्की आपत्तिजनक र खेदजनक रहेको बताइएको छ ।

    जेठ २१ गते पत्रकार अनुपमसँग टेलिफोनमा भएको कुराकानीका क्रममा मेयर चौधरीले ‘तिम्रो नाक भाँच्न एक करोड छुट्याएको छु’, ‘तिम्रो विरुद्धमा सुपारी दिइसकेको छु सुरक्षा खोज’भन्दै धम्की दिएका थिए । सोही विषयमा न्युज २४ टेलिभिजनमा दिएको अन्तर्वार्तामा ‘म संविधान र कानुन मान्दिनँ, इटहरीमा मेरो शासन चल्छ, मेरो विरुद्ध लेख्नेलाई कालोमोसो दलेर टिन ठटाएर बजार घुमाउँछु, निर्धाले मात्रै कानुन र पुलिसकोमा जाने हो, कानुन नमाने पनि नेपालमा केही हुदैन’ जस्ता अत्यन्तै अस्वभाविक, अराजक, उदण्ड, गैरकानुनी र अमर्यादित अभिव्यक्ति दिएको उनको भनाइ छ । भ्रष्टाचारको विरोधको आवरणमा उनका अराजक हर्कत र अभिव्यक्तिले थप उत्तेजना फैलाउने काम गरिरहेको महासङ्घले विज्ञप्तीमा जनाएको छ । राज्यको जिम्मेवार निकायका जिम्मेवार व्यक्तिबाट पत्रकारलाई यसरी खुला रूपमा धम्की दिएको घटना प्रेस तथा अभिव्यक्ति स्वतन्त्रतामाथिको ठाडो हस्तक्षेप हुनुका साथै प्रचलित कानुनको समेत उपहास भएको महासङ्घको ठहर भएको विज्ञप्तीमा जनाइएको छ ।

    प्रमुख चौधरीको यस्तो हर्कतले पत्रकार अनुपम असुरक्षित महसुस गरी इटहरीबाट विस्थापित हुने अवस्थामा पुगेका र समग्र पत्रकारले समेत असुरक्षित महसुस गरेको जनाइएको छ । सार्वजनिक पदमा बसेर धाकधम्की दिने मेयरलाई कारबाहीसहित प्रेस स्वतन्त्रताको सम्मान गर्न एवं पत्रकारलाई निर्वाध र स्वतन्त्र रूपमा काम गर्न वातावरण बनाउन तिनै तहका सरकारको ध्यानाकर्षण गराउँदछौँ ।

    नेकपाका प्रदेश कमिटी सदस्यसमेत रहेका चौधरी यस्तो अशोभनीय हर्कतबारे पार्टीको आधिकारिक धारणा माग गर्दै ध्यानाकर्षण गराउन चाहन्छौं । आम पत्रकारमा मर्यादित र सुरक्षित भएर पत्रकारितामा सक्रिय रहन पनि विज्ञप्तीमा आह्वान गरिएको छ ।

    त्यस्तै, जेठ २१ गते राती महासङ्घ धनकुटा शाखाका सदस्य दिलबहादुर आशिष राईलाई एक समूहले धरानस्थित डीबीआर अनलाइन टेलिभिजनको कार्यालयमा काम गरिरहेको अवस्थामा कुटपिट गरी घाइते बनाएको हुनाले घटनामा संलग्नको तत्काल पहिचान गरी कानुनी कार्वाही गर्न माग गरिएको छ ।

    सङ्घको प्रदेश समितिका महासचिव विवेक गौतमद्वारा हस्ताक्षरित विज्ञप्तीमा पत्रकार राईको उपचारको सबै व्यवस्था मिलाउन सम्बन्धित निकायसँग माग गरिएको छ ।

    यसमा तपाइको मत


    सम्बन्धित समाचार


    हाम्रो टिम

    संचालक/सम्पादक– रोशन कट्टेल
    कार्यकारी सम्पादक– विष्णु सुब्बा
    सह सम्पादक– नगेन्द्र न्यौपाने
    ब्यवस्थापक– खेमराज जम्मर कट्टेल
    समाचार डेक्स– तारा शर्मा, आयुष निरौला
    समाचार प्रतिनिधि– रमेश ओझा [द.कोरिया], सबिता सापकोटा [पोखरा], केशब पाण्डे [काठमाडौँ], प्रकाश सिग्देल [युएई]

    हाम्रो बारेमा

    परीक्षित मिडिया प्रा.ली. द्वारा संचालित यो हाम्रोदमक डटकम वेवसाइट आधिकारिक न्यूज पोर्टल हो । नेपाली भाषाको यो पोर्टलले बिशेस गरेर पूर्वी नेपाल र दमक आसपासका समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशिस गरेको छ । तपाईलाई सूचनाको अधिकार संग नजिक जोड्न हामी निरन्तर [...]

    सम्पर्क

    परीक्षित मिडिया प्रा.लि.
    प्रधान कार्यालय- दमक-०९, झापा
    सुचना विभाग दर्ता नम्बर : ३४०/०७३-७४
    बिज्ञापन:
    [email protected]


    Hamro Damak

    © copyright 2016-2019 and all right reserved to Hamro Damak | Site By : SobizTrend Technology