क्लब फुटबलको सर्वाधिक चर्चित प्रतियोगिता च्याम्पियन्स लिगको फाइनलमा आज लिभरपुल र टाेटनह्याम भिड्दै


हाम्रो दमक
  • प्रकाशित मिति : शनिबार, जेष्ठ १८, २०७६


  • काठमाडौँ | युरोपियन क्लब फुटबलको सर्वाधिक चर्चित प्रतियोगिता च्याम्पियन्स लिगको उपाधिका लागि आइतबार राति प्रिमियर लिगका दुई प्रतिद्वन्द्वी लिभरपुल र टोटनह्याम भिड्दैछन् ।

    प्रिमियर लिगको उपाधिनजिक पुगेर पनि चुकेको लिभरपुललाई यो सिजन अर्काे उपाधि जित्ने मौका रहेको छ ।

    युरोपियन फुटबलको सर्वाधिक धेरै पुरस्कार राशीको प्रतियोगिता जित्न सकेमा लिभरपुल च्याम्पियन्स लिगको उपाधि जित्ने तेस्रो क्लब हुनेछ । छैटौँ पटक यो प्रतियोगिताको उपाधि जित्ने लक्ष्यमा रहेको लिभरपुलको यो मौका मड्रिडमा कतिको सफल होला त्यो हेर्न बाँकी छ । यता टोटनह्याम पहिलो पटक च्याम्पियन्स लिगको उपाधि जित्ने लक्ष्यमा रहेको छ ।

    सेमिफाइनलमा लिभरपुल र टोटनह्यामले आश्चार्यजनक कमब्याक गर्दै फाइनलमा पुगेका हुन । अघिल्लो संस्करण च्याम्पियन्स लिगमा स्पेनिस क्लबको वर्चश्व रहेका बेला यसपटक इंग्लिस क्लबले जमाएका छन ।

    सन् २००८ पछि च्याम्पियन्स लिगको फाइनलमा दुई इंग्लिस क्लब खेल्न लागेका हुन । त्यस बेला म्यानचेस्टर युनाइटेड र चेल्सी खेलेका थिए ।

    यसपटक सेमिफाइनलमा बार्सिलोनाविरुद्ध तीन गोलले पछि परेर ऐतिहासिक कमब्याक गरेको लिभरपुल र अन्तिम मिनेटमा लुकास मोउराको गोलमा फाइनलमा यात्रा तय गरेको टोटनह्यामका खेलाडीका लागि मात्र हाेइन, प्रशिक्षकका लागि पनि उतिकै महत्वपूर्ण छ । जुर्गेन क्लोप र माउरिसियो दुवैले अहिलेसम्म ठूलो प्रतियोगिताको उपाधि जित्न सकेका छैनन ।

    गत सिजन पनि च्याम्पियन्स लिगको फाइनलमा पुगेर उपाधि जित्नबाट चुकेको लिभरपुल फाइनलमा रियलसँग तीन-एकले हारेको थियो । फाइनलमा टोटनह्यामका मुख्य खेलाडी ह्यारी केन खेल्ने सम्भावना प्रबल रहेको छ ।

    यो खेल केन र मोहम्मद सलाहबीचकाे खेलका रुपमा पनि हेरिएको छ । लिभरपुलका मुख्य खेलाडी सलाहले च्याम्पियन्स लिगको फाइनलमा गोल गरेर टिमलाई उपाधि दिलाउने इच्छा रहेको बताएका छन । त्यसैले पनि फाइनल खेल निकै उत्कृष्ट हुनेमा विश्वास गरिएको छ ।

    यसमा तपाइको मत


    सम्बन्धित समाचार


    हाम्रो टिम

    संचालक/सम्पादक– रोशन कट्टेल
    कार्यकारी सम्पादक– विष्णु सुब्बा
    सह सम्पादक– नगेन्द्र न्यौपाने
    ब्यवस्थापक– खेमराज जम्मर कट्टेल
    समाचार डेक्स– तारा शर्मा, आयुष निरौला
    समाचार प्रतिनिधि– रमेश ओझा [द.कोरिया], सबिता सापकोटा [पोखरा], केशब पाण्डे [काठमाडौँ], प्रकाश सिग्देल [युएई]

    हाम्रो बारेमा

    परीक्षित मिडिया प्रा.ली. द्वारा संचालित यो हाम्रोदमक डटकम वेवसाइट आधिकारिक न्यूज पोर्टल हो । नेपाली भाषाको यो पोर्टलले बिशेस गरेर पूर्वी नेपाल र दमक आसपासका समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशिस गरेको छ । तपाईलाई सूचनाको अधिकार संग नजिक जोड्न हामी निरन्तर [...]

    सम्पर्क

    परीक्षित मिडिया प्रा.लि.
    प्रधान कार्यालय- दमक-०९, झापा
    सुचना विभाग दर्ता नम्बर : ३४०/०७३-७४
    बिज्ञापन:
    [email protected]


    Hamro Damak

    © copyright 2016-2019 and all right reserved to Hamro Damak | Site By : SobizTrend Technology