नेरेसो उपशाखा कपको उपाधि खुदुनावारीलाई

  • प्रकाशित मिति : मङ्लबार, बैशाख ३१, २०७६



  • दमक, ३१ बैशाख । झापाको कमल गाँउपालिकामा आयोजित एकदिवसीय जिल्लास्तरिय नेरेसो अन्तर उपशाखा कपको उपाधि खुदुनावारी उपशाखाले जितेको छ । सोमबार सम्पन्न प्रतियोगितामा खुदुनावारीले हल्दिवारी उपशाखालाई शुन्यका विरुद्ध २ गोल गरि उपाधि चुमेको हो ।
    उपाधिसंगै खुदुनवारी उपशाखाले नगद रु २५ हजार,ट्रफि ,प्रमाणपत्र प्राप्त गरे भने उपविजेता बनेको हल्दिवारी उपशाखाले नगद रु १५ हजारमा चित्त बुझाउनुपरेको थियो ।


    प्रतियोगितामा वेष्ट डिफेन्सबाट हल्दिवारीका प्रदिप राजवंशी, वेष्ट स्टाइगर हल्दिवारीकै अर्जुन राई,उत्कृष्ट गोलकिपरबाट हल्दिवारीका राजेन्द्र योङहाङ, हाइस्कोरर तर्फ हल्दिवारीकै चुडामणी श्रेष्ठ,म्यान अफ दि सिरिजवाट रणबहादुर जवेगु र म्यान अफ दि म्याचबाट खुदुनावारीका रोमनाथ घिमीरे पुरस्कृत भए । विजेता ,उपविजेतालाई प्रदेशसभा सदस्य अर्जुन राई, कमल गाँउपालिकाका उपाध्यक्ष वेणु शिवाकोटी, कमल ६ का वडाध्यक्ष नरेन्द्र भट्टराई, रेडक्रसका प्रदेश कोषाध्यक्ष ओमप्रकाश गौतम, सुर्य दर्शन शाकोस दमकका अध्यक्ष टिकाराज सापकोटा,रेडक्रसका सल्लाहकार पिएन शर्मा लगायतले संयुक्त रुपमा पुरस्कार प्रदान गरे ।
    नेपाल रेडक्रस सोसाईटी लखनपुर उपशाखाले जिल्लामा पहिलोपटक अन्तर उपशाखाहरुवीच मैत्रीपूर्ण फूटवल प्रतियोगिता गरिएको सभापति चन्द्र शाहले जानकारी दिए ।
    कमल ५ स्थित आदिवासी रंगशालामा भएको प्रतियोगितामा जिल्लाका ८ वटा उपशाखाले भाग लिएका थिए । प्रतियोगिताको पहिलो पुरस्कार दमकको सुर्यदर्शन शाकोस र दोश्रो पुरस्कारको राशी दमककै राष्ट्रिय बहुमुखी सहकारीले सौजन्र्य गरेको थियो । त्यस्तै कमल गाँउपालिका, वडा कार्यालय कमल ५ ले पनि प्रतियोगिता सम्पन्न गर्न आर्थिक सहयोग गरेको थियो ।
    त्यस्तै, कमलका चन्द्रदर्शन शाकोस,सुम्निमा कृषि सहकारी, लगनशील कृषि सहकारी, दमकको दमक किचन गुड्स,माँ शक्ति सप्लायर्स, आदिवासी रंगशला तथा स्मृति प्रतिष्ठान लगायतका संस्थाहरुले समेत सहयोग पुरयाँएको सचिव पारसमणि राईले जनाएका छन् ।

    सम्बन्धित समाचार


    भर्खरै


    हाम्रो टिम

    संचालक/सम्पादक– रोशन कट्टेल
    कार्यकारी सम्पादक– विष्णु सुब्बा
    सह सम्पादक– नगेन्द्र न्यौपाने
    ब्यवस्थापक– खेमराज जम्मर कट्टेल
    समाचार डेक्स– तारा शर्मा, आयुष निरौला
    समाचार प्रतिनिधि– रमेश ओझा [द.कोरिया], सबिता सापकोटा [पोखरा], केशब पाण्डे [काठमाडौँ], प्रकाश सिग्देल [युएई]

    हाम्रो बारेमा

    परीक्षित मिडिया प्रा.ली. द्वारा संचालित यो हाम्रोदमक डटकम वेवसाइट आधिकारिक न्यूज पोर्टल हो । नेपाली भाषाको यो पोर्टलले बिशेस गरेर पूर्वी नेपाल र दमक आसपासका समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशिस गरेको छ । तपाईलाई सूचनाको अधिकार संग नजिक जोड्न हामी निरन्तर [...]

    सम्पर्क

    परीक्षित मिडिया प्रा.लि.
    प्रधान कार्यालय- दमक-०९, झापा
    सुचना विभाग दर्ता नम्बर : ३४०/०७३-७४
    बिज्ञापन:
    [email protected]


    Hamro Damak

    © copyright 2016-2019 and all right reserved to Hamro Damak | Site By : SobizTrend Technology