ऋण असुल्न दाहाल चारदिनदेखि आमरण अनसनमा

  • प्रकाशित मिति : सोमवार, बैशाख ३०, २०७६



  • गौरादह,३० वैशाख । सावाँ,व्याज रु ३७ लाख भन्दा बढी रुपैया एक ऋणीले सर्त बमोजिम फिर्ता नगरेको भन्दै झापा, गौरादह नगरपालिका वडा नम्बर १ का किराना व्यवसायी यामबहादुर दाहालले विगत चार दिनदेखि गौरादह बजारमा आमरण अनशनमा बसिरहेका छन् ।


    गौरादह १ निवासी ६५ बर्षिय दाहालले स्थानीय सिर्जना घिमीरेलाई तीन वर्ष अघि दिएको ऋण रकम फिर्ता गर्न ऋणी अनिच्छुक भएपछि आफना ऋण असुल्न दवाव दिनका लागि दाहालले अनिश्चितकालीन आमरण अनसन जारी राखेका हुन् ।

    दाहालले छिमेकी घिमीरेलाई सामान्य लिखतको आधारमा पटक पटक नगद,गरहनासहित रु२६ लाख ७२ हजार दिएका थिए । २०७३ चैत १७ गते यता साँवा,व्याज अहिले रु ३७ लाख बढी पुगेको दाहालको दावी छ ।

    गौरादह उद्योग वाणिज्य संघले आज अनसनस्थलमा आयोजना गरेको पत्रकार सम्मेलनमा दाहालले ऋण असुल्न कुनै उपाय नभएपछि आमरण अनसन बस्नुपरेको गुनासो पोखे । व्याज आउला भनेर दिएको ऋण उठाउन विन्ती,गुहार गरेपनि कतैवाट सुनुवाई नभएपछि सडकमा अनशन बस्न बाँध्य हुनुपरेको उनको भनाई थियो । उनले आफूलाई प्रलोभनमा पारेर घिमीरेले सम्पति हत्याएको र अहिले अदालतसम्म जान आफूसंग सार्मथ्य नै नभएको बताए ।

    श्रीमती मनमाया र दुई छोरीसहित स्लाईनसहित अनशनमा भेटिएका दाहालले भने, –‘ ऋण दिएको रकम नउठेसम्म बरु आफू सडकमा नै मर्न पनि तयार छु । ’ न्यायका लागि कतै पहल नभएपछि उनले त्यस्तो आमरण अनसनमा बस्नुपरेको सुनाए ।

    विभिन्न सामाजिक संघसंस्था,व्यवसायीहरुको उपस्थितिमा भएको पत्रकार सम्मेलनमा घिमीरेलाई ऋण दिदाँ ऋण वैकबाट लिएको रकम तिर्न नसक्दा ९ धुर जग्गामा बनेको घरसहितको जग्गानै विक्री गरेर सुकुम्बासी हुनुपरेको दाहालकी श्रीमती मनमायाले गुनासो राखिन् । भाडामा बस्दैआएका दाहालले जिवन निर्वाहका लागि श्रीमानले सिटी सफारी चलाउन बाँध्य हुनुपरेको मनमायाले वताईन् ।

    पत्रकार सम्मेलनमा संघले व्यवसायी दाहाल र घिमीरे वीचको लेनदेन व्यवहार मिलाउन नगरपालिकाको न्यायिक समितिको ध्यानाकर्षण गराउदै अव अनसनरत दाहालको जीवन रक्षा र न्यायका लागि चरणवद्ध आन्दोलनमा उत्रनु परेको जनाएकोछ ।

    पीडित दाहालको माग प्रति ऐक्यवद्धता जनाउदै संघका अध्यक्ष जीवन राईले संघका साधारण सदस्य दाहालको जीवन रक्षासहित न्यायका लागि स्थानीय सरकार जवाफदेहि बन्नुपर्ने माग राखेका थिए । उनले माग पूरा नभए आजदेखि नै जेठ २ गतेसम्म चरणवद्ध दबाबमूलक आन्दोलनको कार्यक्रम घोषणा गरे ।

    आन्दोलनका क्रममा आज संघले दिउँँसो १२ वजेदेखि २ वजेसम्म २ घण्टा वजार वन्द गराएको थियो भने माग सुनुवाई नभए भोलि नगरपालिका कार्यालयमा पाँच घण्टे धर्ना, जेठ १ मा डिपु चौकमा १ घण्टा चक्काजाम र २ जेठमा भने अनिश्चतकालीन यातायात ठप्प पार्ने संघद्धारा जारी विज्ञप्तिमा जनाईएको छ ।

    यसैवीच, रकमका बारेमा आरोपी घिमीरेलाई सम्पर्क गर्न खोज्दा उनी संग सम्पर्क हुन सकेन् । साँझ फोन सम्पर्कमा आएका बखत आफू अहिले जरुरी अन्यत्र काम भएको भन्दै पन्छिएकी थिईन् । उनले भरै सम्पर्क गर्ने भन्दै तर्किएकी थिईन् ।

    सम्बन्धित समाचार


    भर्खरै


    हाम्रो टिम

    संचालक/सम्पादक– रोशन कट्टेल
    कार्यकारी सम्पादक– विष्णु सुब्बा
    सह सम्पादक– नगेन्द्र न्यौपाने
    ब्यवस्थापक– खेमराज जम्मर कट्टेल
    समाचार डेक्स– तारा शर्मा, आयुष निरौला
    समाचार प्रतिनिधि– रमेश ओझा [द.कोरिया], सबिता सापकोटा [पोखरा], केशब पाण्डे [काठमाडौँ], प्रकाश सिग्देल [युएई]

    हाम्रो बारेमा

    परीक्षित मिडिया प्रा.ली. द्वारा संचालित यो हाम्रोदमक डटकम वेवसाइट आधिकारिक न्यूज पोर्टल हो । नेपाली भाषाको यो पोर्टलले बिशेस गरेर पूर्वी नेपाल र दमक आसपासका समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशिस गरेको छ । तपाईलाई सूचनाको अधिकार संग नजिक जोड्न हामी निरन्तर [...]

    सम्पर्क

    परीक्षित मिडिया प्रा.लि.
    प्रधान कार्यालय- दमक-०९, झापा
    सुचना विभाग दर्ता नम्बर : ३४०/०७३-७४
    बिज्ञापन:
    [email protected]


    Hamro Damak

    © copyright 2016-2019 and all right reserved to Hamro Damak | Site By : SobizTrend Technology