गौरीगंजमा आध्यात्मिक सत्संग समारोह,उल्लेखीय उपस्थिति

हाम्रो दमक

गौरीगंज २७, फागुन । नेपाल सन्तमत सत्संग गौरीगंजको आयोजनामा भईरहेको ऐतिहासिक आध्यात्मिक सत्संग समारोहको आज पहिलो दिन सम्पन्न भएको छ ।
गौरीगंज गाउँपालिका वार्ड नं ६ खजुरगाछीमा फागुन २७ र २८ गते भव्य सत्संग समारोहमा प्रमुख अतिथि तथा प्रधान आचार्य चतुरानन्द जी महाराजको अमृतमय प्रवचनपछि पहिलो दिनको दोस्रो सत्र समापन भएको हो ।  दिउसो २ बजेबाट शुरू भएको समारोहमा परम पुज्यपाद स्वामी योगानन्द जी महाराज, परम पुज्य स्वामी बेदानन्द जी महाराजलगायत साधुमहात्माहरूले प्रवचन सुनाएका थिए ।

समारोहको प्रमुख आकर्षणहरुमा पण्डाल स्थल , आश्रम भवन र नेपाल सन्तमत सत्संग गौरीगंजको पण्डाल र प्रवचन वेहुली झै सिंगारिएको छ । करिब ६ विघा क्षेत्रफलमा निर्माण भएको पण्डाल निकै आकर्षक देख्न सकिन्छ । झापाको गौरीगंज गाउँ पालिका वार्ड नं ६ खजुरगाछीमा हुन गइरहेको भव्य सत्संग दोस्रो ऐतिहासिक कार्यक्रम भएको आयोजक समितिका सचिव बुधकरण राजवंशीले बताए । यसअघि यस्तैखालको भव्य सत्संग कार्यक्रम २०५२ सालमा भएको थियो ।
२३ वर्ष पछि हुन लागेको यो दोस्रो ऐतिहासिक सत्संगमा प्रधान आचार्य चतुरानन्द जी महाराजबाट आध्यात्मिक दार्शनिकहरुको समेत ज्ञान विज्ञान युक्त प्रवचन सुन्न सकिने जनाईएको उक्त कार्यक्रममा देशविदेशबाट सन्तमहात्मा र तथा भक्तजनको सहभागिता रहेको समितिका अध्यक्ष श्यामसुन्दर राजवंशीले बताए ।
कर्णप्रिय वाद्यवाधक तथा गायकबाट प्रस्तुत हुने भजन कीर्तनले समेत भक्तजनलाई आध्यात्मिक मनोरञ्जन प्रदान गरिने जनाईएको छ ।
सामाजिक सद्भाव, आत्मिक शान्ति र आध्यात्मिक चेतना अभिवृद्धिका लागि नेपाल सन्तमत सत्संग गौरीगंजको आयोजनामा हुन लागेको कार्यक्रममा धर्म र भगवानबारे रहेका विभिन्न मतको सार तत्वलाई दर्शाउँदै मानव धर्मले ईश्वरको साक्षात दर्शन गर्न सकिने यो दोस्रो ऐतिहासिक भव्य सत्संग कार्यक्रम रहेको आयोजक समितिका वरिष्ठ उपाध्यक्ष सर्वतलाल राजवंशीले बताए ।
भोली फागुन २८ गतेसम्म चल्ने समारोहमा अतिथि सत्कारका लागी समितिले विभिन्न उपसमिति गठन गरेर कार्य सम्पादन गरिरहेको जानकारी गराईएको छ । अतिथिहरुको लागी सत्संग परिसरको करिव ६ विघा जमिनमा पाण्डाल स्थल, भोजनालय स्थल, बजार स्थललाई व्यवस्थापनका लागि अलग अलग उपसिमिति निर्माण गरिएको छ । अतिथिहरुलाई भोजनको लागी सुविधा सम्पन्न भण्डारको व्यवस्था समेत गरिएको आयोजकले जानकारी गराएको छ । आयोजक समितिका सचिव बुधकरण राजवंशीले भनें ‘भण्डारामा अतिथि तथा आमन्त्रित सम्पूर्णले भोजन प्रसाद ग्रहण गर्न सक्नेछन् भने सत्संग समारोह भरी अतिथिहरुको सत्कारमा हामीले विभिन्न उपसमितिहरु गठन गरेर भण्डारा (भोजनालय) व्यवस्थित गरेका छौँ’
समारोहमा आमन्त्रित भक्तजनको सुविधालाई ध्यानमा राख्दै ,सल्लाहकार समिति, स्वास्थ्य समित, स्वयंसेवक समिति, सुरक्षा समितिलगायत शौचालयहरु निर्माण गरिएका छन् । शौचालयमा कुनै प्रकारको समस्या आउन नदिनको लागी र पानी तथा सरसफाईको पूर्ण व्यवस्थापनको लागी प्राविधिक सहितको विशेष टोली नै गठन गरिएको राजवंशीले बताए । सन्तमहात्मा र भक्तजनहरुको लागी अत्यावश्यक स्थानमा अस्थायी शौचालयहरु निर्माण भएका छन् ।
सत्संगको केन्द्र भाग अथार्त मुख्य पन्डाल निकै नै फाराकिलो र आकर्षक रहने वताईएको छ । प्रधान आचार्य मेहर्षि चतुरानन्द जी महाराजका दिव्य प्रवचनहरु लगायत सम्पर्ण कार्यक्रमहरु यसै पण्डालबाट सञ्चालन गरिने छ । पञ्डाल व्यवस्थापनको लागी पण्डाल व्यवस्थापन उपसमितिले २ महिना अगाडी देखी कार्य सञ्चालन गरिरहेको छ ।
आमन्त्रित अतिथीको स्वास्थ्य सुविधालाई विशेष ध्यान दिँदै आयोजकले विशेष स्वास्थ्य उपसमितले सेवा प्रदान गर्ने जानकारी गराईएको छ ।
समारोहमा नेपाल तथा छिमेकी भारतका विभिन्न क्षेत्रबाट गरी १ सय बढी सन्तमहात्मा र २ लाखको हाराहारीमा भक्तजनको सहभागिता रहने अपेक्षा गरिएको आयोजक समितिका अध्यक्ष श्यामसुन्दर राजवंशीले वताए । नेपाल सन्तमत सत्संग गौरीगंजलाई यहाँका स्थानिय समाजसेवी तथा धार्मिक व्यक्तित्व सोनालाल दास राजवंशीले ६ विघा जग्गाा दान दिएका थिए । विसं २०१९ सालमा निर्माण भएको सत्संग मन्दिरमा प्रत्येक दिन विहान र बेलुका प्रवचन, भजन, कृतन र पुजापाठ हुँदै आएको छ ।

सोम, फाल्गुन २७, २०७५ मा प्रकाशित

यसमा तपाइको मत

प्रमुख खबर बाट अन्य

दमकको वातावरण संरक्षणकालागि नगरबासीबाट सुझाब संकलन

झापाको दमक नगरपालिकाले वातावरणलाई स्वच्छ राख्ने सम्बन्धी सुझाव संकलन गरेको छ । वातावरण तथा बिपत् व्यवस्थापन समिति दमकले आयोजना गरेको कार्यक्रममा बिभिन्न क्षेत्रका नागरिक तथा सरोकारवालाबाट सुझाव संकलन गरिएको हो । नगरका १० वटै वडाका जनप्रतिनिधी,...

कमलमा प्रधानमन्त्री रोजगार कार्यक्रमकालागि एक हजार बढीको आवेदन

प्रधानमन्त्री रोजगार कार्यक्रम अन्तर्गत झापाको कमल गाउँपालीकामा एक हजार २ सय भन्दा बढीको आवेदन परेको छ । प्रधानमन्त्री रोजगार कार्यक्रममा सहभागी हुन चाहाने व्यक्तिले २०७६ साल बैशाख मसान्त सम्ममा आबेदन दिनुपर्ने थियो जस अन्तर्गत कमल...

झापाबाट सर्वश्रेष्ठ पक्राउ, रिहा गर्न मेची ब्युरोको माग

झापा,७ जेठ । झापाको बिर्तामोडबाट नेपाल कम्युनिष्ट पार्टीका मेची ब्युरो सदस्य एंव इलाम जिल्ला इन्चार्ज सर्वश्रेष्ठलाई सोमबार प्रहरीले गिरफ्तार गरेको छ । सरकारले प्रतिबन्ध लगाए संगै देशैभरीबाट नेकपाका नेता कार्यकर्ताहरुलाइ प्रहरीले व्यापक रुपमा धरपकड...

भागेर बाँचेकी सीताको दमकमा उपचार शुरु

दमक, ७ जेठ । गएराती पाँचथर, मिक्लाजुङ गाउँपालिका–३ आरुबोटेका दुई परिवारका नौ जनाको हत्या हुँदा भागेर बाँच्न सफल १२ वर्षीया सीता खजुमको दमकमा उपचार शुरु गरिएको छ । उनलाई आज मंगलबार अपरान्ह दमक ल्याई दमकस्थित...

दमक क्याम्पसमा प्रजातन्त्रवादी विजयी

दमक,७ जेठ । यहाँस्थित पब्लिक क्याम्पस प्राध्यापक संघ , दमक क्याम्पस इकाइ समितिमा नेपाली कांग्रेस निकट प्रजातन्त्रबादी प्राध्यापक संघसहित राप्रपाको प्राज्ञिक परिषद विजयी भएको छ । दुवै प्राध्यापक संगठनहरुको प्यानलले संघमा बहुमतले बिजयी भएका हुन्...

झापामा ट्रयाक्टरको ठक्करबाट एकको मृत्यु

झापा,७ जेठ । जिल्लाको अर्जुनधारा नगरपालिका–१ स्थित तीनघरेमा ट्रयाक्टरको ठक्करबाट एक पैदलयात्रीको मृत्यु भएको छ । मंगलबार दिउँसो मे १ त ५००६ नम्बरको ट्रयाक्टरले ठक्कर दिँदा पैदलयात्री अर्जुनधारा–१ का १९ वर्षीय अर्जुन प्याकुरेलको मृत्यु...

यूएफसीका एक्ला नेपाली खेलाडी युकी 

दमक,७ जेठ । झापा, दमक २ घर भई हाल वेलायतमा बस्दै आएका २० बर्षिय युकी आङ्गदेम्बेले अन्तराष्ट्रिय स्तरको यूएफसी खेलमा विभिन्न पदक जित्दैआाएका छन् । अल्टिमेट फाइटिङ च्याम्पियनसीप ( यूएफसी ) मा एक वर्षदेखि आवद्ध...

शनिवार मिस्टर एण्ड मिस टिनको ग्राण्ड फिनाले

दमक,७ जेठ । दमकमा सञ्चालित मिस्टर एण्ड मिस टिनको तेश्रो संस्करणको ग्राण्ड फिनाले यहि जेठ ११ गते शनिवार हुदै छ । १४ बर्षदेखि १९ वर्ष उमेर समूहका किशोरकिशोरीहरुको क्षमताको उजागर गर्ने उद्देश्यले जारी प्रतियोगिताको...

भ्रष्टाचार गरेको प्रमाणित भए झुण्डिएर मर्छु: घिसिङ

काठमाडौँ | संघीय प्रतिनिधिसभाको लेखासमितिकाे मंगलबारको बैठकमा नेपाल विद्युत् प्राधिकरण र सत्तारुढ दल नेकपाकै एक सांसदबीच चर्काचर्की भएको छ। सत्तारुढ नेकपाका सांसद अमनलाल मोदी र प्राधिकरण प्रमुख घिसिङबीच भ्रष्टाचारको विषयमा चर्काचर्की भएको हो। सांसद मोदीले प्राधिकरणमा...

मानव अधिकार सञ्जाल झापामा नयाँ नेतृत्व

बिर्तामोड,६ जेठ । झापामा मानव अधिकार सञ्जालको नयाँ नेतृत्व चयन भएको छ । आज विर्तामोडमा सम्पन्न सञ्जालको दोश्रो अधिबेशनले मानव अधिकारको क्षेत्रमा क्रियाशिल नागरिक अगुवा विष्णु खरेलको अध्यक्षतामा नयाँ कार्यसमिति चयन गरेको हो । सर्वसम्मत...