आजदेखि बिर्तामोडमा सुरु भएको बिर्तामोड अन्तर्राष्ट्रिय औद्योगिक व्यापार महोत्सवको प्रदेशका मुख्यमन्त्रि राईद्धारा उद्घाटन

  • प्रकाशित मिति : शुक्रबार, माघ ११, २०७५



  • बिर्तामोड । बिर्तामोड अन्तर्राष्ट्रिय औद्योगिक व्यापार महोत्सव शुक्रबारदेखि सुरु भएको छ । बिर्तामोड उद्योग वाणिज्य संघको आयोजनामा सुरु भएको महोत्सवको उद्घाटन एक नम्बर प्रदेशका मख्यमन्त्री शेरधन राईले गरे । मुख्यमन्त्री राईले शान्तिका प्रतिक परेवा उडाएर महोत्सव उद्घाटन गरिरहँदा हेलिकप्टरबाट पुष्पवृष्टी समेत गरिएको थियो । उद्घाटनअघि आदिबासी जनजातीसहितको प्रभातफेरि ¥याली निकालिएको थियो । महोत्सव २३ माघसम्म सञ्चालन हुनेछ ।

    महोत्सवको औचित्यमाथि प्रकाश पार्दै बिर्तामोड उद्योग वाणिज्य संघका अध्यक्ष कुमार भट्टराईले उद्योग वाणिज्य संघको परिकल्पना र लोगोमा सञ्चालन गरिए पनि महोत्सव सबैको साझा भएको बताए । ‘यहाँको व्यवसायिक, धार्मिक, पर्यटकीयलगायत समग्र क्षेत्रलाई मध्यनजर गरेर बिर्तामोडको मात्र नभइ झापाकै उन्नती र प्रगतीका लागि महोत्सव आयोजना गरिएको हो,’ अध्यक्ष भट्टराईले भने, ‘बिर्तामोडमा बढीभन्दा बढी नयाँ उत्पादन भित्र्याउनका लागि हामीले महोत्सव आयोजना गर्ने जमर्को ग¥यौँ ।’

    महोत्सव उद्घाटन समारोहका अवसरमा चन्द्रगढी विमानस्थलका प्रमुख पूर्णप्रसाद चुडाललाई सम्मान गरिएको थियो । खेलकुदका अन्तर्राष्ट्रिय प्रतियोगितामा स्वर्ण जित्ने बिर्तामोडका राम दाहाल तथा अर्जुनधाराका दिपेन धिमाल र यांकिला राईलाई समेत सम्मान गरियो ।

    कार्यक्रममा बोल्दै प्रमख अतिथि मुख्यमन्त्री राईले यो महोत्सव उद्योग व्यवसायको विकासमा कोशेढुंगा सावित हुने बताए । पूर्वको व्यापार, व्यवसाय, उद्योग, कृषि र पर्यटनमा महोत्सवले सकारात्मक प्रभाव पर्ने मुख्यमन्त्री राईको भनाइ थियो ।
    कार्यक्रमका विशिष्ठ अथिति दक्षिण एशिया उद्योग वाणिज्य संघका उपाध्यक्ष चण्डीराज ढकालले व्यवसायिक दृष्टीले बिर्तामोडमा चहलपहल बढेको भन्दै आगामी दिनमा औद्योगिक सहरका रुपमा अघि बढाउनुपर्ने बताए । प्रदेशका कानूनमन्त्री हिक्मत कार्कीले बिर्तामोडलाई उद्योगिक नगरका रुपमा विकास गर्न प्रदेश सरकारले विषेश लगानी गर्ने बताए ।

    उद्घाटन कार्यक्रममा प्रतिनिधिसभा सदस्यद्वय पवित्रा निरौला खरेल र धर्मशीला चापागाईं, संविधानसभा सदस्य शुधीरकुमार शिवाकोटी, नेपाल उद्योग वाणिज्य महासंघका केन्द्रीय सदस्य केशवराज पाण्डे, बिर्तामोड नगरपालिकाका मेयर ध्रुवकुमार शिवाकोटी, नेकपा झापाका नेता चिन्तन पाठक, कांग्रेस झापाका उपसभापति राम कट्टेल लगायतले बोलेका थिए ।

    महोत्सव आयोजक समितिका संयोजक प्रकाश शिवाकोटीले समापन मन्तव्य राखेको समारोहमा उपाध्यक्ष राजु न्यौपानेले स्वागत गरेका थिए । कार्यक्रमको सञ्चालन सञ्चारकर्मी केशव भट्टराईले गरेका थिए ।

    महोत्सवको आकर्षणका रुपमा माउन्टेन एयरको हेलिकप्टर ल्याइएको छ । तीनवटा प्याकेजका रुपमा महोत्सव अवधिभर हेलिकप्टर सञ्चालन गरिने बिर्तामोड उद्योग वाणिज्य संघका उपाध्यक्ष नारायण चिमयिाले जानकारी दिए । यहाँको व्यापारलाई अन्तर्राष्ट्रियकरण गर्न महोत्सव कोशेढुंगा सावित हुने आयोजक समितिको विश्वास छ ।

    महोत्सवमा बंगलादेश, पाकिस्तान र भारतका प्रदर्शकहरुको पनि सहभागिता छ । महोत्सवमा ख्यातिप्राप्त कलाकारले आफ्नो प्रस्तुति देखाउने आयोजक समितिका सचिब सञ्जिव घिमिरेले बताए ।

    सम्बन्धित समाचार


    हाम्रो टिम

    संचालक/सम्पादक– रोशन कट्टेल
    कार्यकारी सम्पादक– विष्णु सुब्बा
    सह सम्पादक– नगेन्द्र न्यौपाने
    ब्यवस्थापक– खेमराज जम्मर कट्टेल
    समाचार डेक्स– तारा शर्मा, आयुष निरौला
    समाचार प्रतिनिधि– रमेश ओझा [द.कोरिया], सबिता सापकोटा [पोखरा], केशब पाण्डे [काठमाडौँ], प्रकाश सिग्देल [युएई]

    हाम्रो बारेमा

    परीक्षित मिडिया प्रा.ली. द्वारा संचालित यो हाम्रोदमक डटकम वेवसाइट आधिकारिक न्यूज पोर्टल हो । नेपाली भाषाको यो पोर्टलले बिशेस गरेर पूर्वी नेपाल र दमक आसपासका समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशिस गरेको छ । तपाईलाई सूचनाको अधिकार संग नजिक जोड्न हामी निरन्तर [...]

    सम्पर्क

    परीक्षित मिडिया प्रा.लि.
    प्रधान कार्यालय- दमक-०९, झापा
    सुचना विभाग दर्ता नम्बर : ३४०/०७३-७४
    बिज्ञापन:
    [email protected]


    Hamro Damak

    © copyright 2016-2019 and all right reserved to Hamro Damak | Site By : SobizTrend Technology