झापालाई मदिरा नियन्त्रित बनाउन व्यवसायीहरु आफै सक्रिय

माइपश्चिम क्षेत्रमा मदिराको कारोवार गर्ने व्यवसायीहरु करिव ४ हजार बढी रहेको अनुमान छ । ती मध्ये १ १ सय व्यवसायीले मात्र सरकारी अनुमति लिएर मदिराको कारोवार गरिआएको संघका अध्यक्ष पाण्डेले जानकारी दिए ।

हाम्रो दमक

दमक,१६ मंसिर । माघ १ गतेदेखि झापालाई मदिरा नियन्त्रित बनाउने कार्ययोजनालाई प्रभावकारी बनाउन मदिरा व्यवसायीहरु आफै लागेका छन् ।
स्थानीय स्तरमा समेत मदिरा व्यवस्थित बनाउने सरकारी कार्यक्रमलाई शसक्त कार्यान्वयन गराउन माइपश्चिमका मदिरा व्यवसायीहरु समेत आफै अग्रसर भएका हुन् ।

दमकमा आयोजित छलफलमा सहभागीहरु ।

मेची मदिरा व्यवसायी संघ माइपश्चिम क्षेत्रीय समितिका अनुसार मदिरा व्यवस्थित गराउन माइपश्चिमका पाँचैवटा स्थानीय तहमा त्यससम्बन्धी जनचेतनासहित छलफल शुरु गरिने छ । संघका अध्यक्ष प्रेम पाण्डेले मदिरा कारोवारलाई व्यवस्थित बनाउन स्थानीय सरकार,व्यवसायी, राजनीतिक दलसहित सरोकारवालाहरुसंग छलफल गरि अभियान शुरु गरिने बताए । दमकपछि गौरादह,शिवसताक्षी नगरपालिका, कमल र गौरीगञ्ज गाँउपालिकामा संघले आवश्यक छलफल थाल्ने जनाएको छ । छलफलपछि माइपश्चिमका पाँचै वटा स्थानीय तहमा मदिरा कारोवारसंगै सेवनमा समेत व्यवस्थित हुने अभियानको लक्ष्य रहेको मदिरा व्यवसायी महासंघका केन्द्रीय सदस्य भरत चम्लागाईले बताए । उनले भने, –‘मदिरा कारोवारमा देखिएको विकृति नियन्त्रण गर्न तथा कारोवार व्यवस्थित गर्न पहल थालिएको छ ।’

संघले अभियान सफल बनाउन प्रारिम्भक चरणमा स्थानीय सरकारका प्रतिनिधिहरुसंग छलफल थालेको जनाएको छ । यसैक्रममा आइतबार दमक नगरपालिकाका प्रमुख,उपप्रमुखसहित वडाध्यक्षहरुसंग छलफल गरिएको थियो । छलफलपछि दमकमा यहि मंसिर २७ गते नगरस्तरिय वृहत छलफल तय समेत गरिएको अध्यक्ष पाण्डेले जनाए ।
नगरपालिकामा आयोजना गरिएको छलफलमा नगरप्रमुख रोमनाथ ओलीले नगर क्षेत्रमा मदिरा व्यवस्थित बनाउने अभियान सवैपक्षको सहकार्यमा थाल्ने जनाए । मदिरालाई व्यवस्थित बनाउन बेचबिखन र सेवन कार्यका बारेमा सरोकारवालाहरु पक्षहरुसंग छलफल ,अन्तरकृया थाल्ने उनले जानकारी दिए । नगरप्रमुख ओलीले मदिरा व्यवस्थित बनाउन कानुन निर्माण गरि कडाईका साथ कार्यान्वयन गर्न प्रतिवद्ध भएको बताए ।

छलफलमा नगर उपप्रमुख गीता अधिकारीले मदिराका कारण सामाजिक विकृति,अपराध निम्त्याउदै आएकाले त्यसलाई अव व्यवस्थित बनाउन स्थानीय सरकार लागिपर्ने वताईन् ।
त्यसैगरि दमक वडा नम्बर ७ का वडाध्यक्ष भिम पौडेल,वडा नम्बर ४ का वडाध्यक्ष कुमार साम्सुहाङ्ग, दमक १ का अध्यक्ष ताराप्रसाद अधिकारी ,दमक १० का अध्यक्ष बोधराज न्यौपाने लगायतले मदिराको अव्यवस्थित वजारलाई नियन्त्रित गराउन आवश्यक भएको आंैल्याएका थिए ।
माइपश्चिम क्षेत्रमा मदिराको कारोवार गर्ने व्यवसायीहरु करिव ४ हजार बढी रहेको अनुमान छ । ती मध्ये १ १ सय व्यवसायीले मात्र सरकारी अनुमति लिएर मदिराको कारोवार गरिआएको संघका अध्यक्ष पाण्डेले जानकारी दिए । जिल्लामा मदिरा नियन्त्रित गराउन जिल्लास्तरमा आन्तरिक राजस्व कार्यालयका प्रमुख भोलानाथ आचार्यको संयोजकत्वमा उद्योगी,व्यवसायी, प्रहरी, प्रशासन तथा सरोकारवालाहरुको सहभागितामा समिति गठन गर्नुका विभिन्न कार्ययोजनाहरु सार्वजनिक गरिएको छ । कार्ययोजना अन्तगर्त आउदो माघ १ गते जिल्लालाई मदिरा नियन्त्रित जिल्ला घोषणा गरिने तय गरिएको छ ।

आइत, मंसिर १६, २०७५ मा प्रकाशित

यसमा तपाइको मत

हाम्रो दमकमा बाट अन्य

कमल खोला बस्तीमा पस्यो,सयौं विगाहा जमीन डुवानमा

दमक,८ साउन । झापाको कमल गाउँपालिका र शिवसताक्षीमा वीचमा पर्ने कमल खोलामा आएको बाढीले स्थानीय सानो केर्खामा खोला पसेको छ । लगातार परेको वर्षाका कारण कमल खोलामा आएको बाढीले दुई दिन अघि त्यहाँ वस्दैआएका...

दमकको एक मात्र सरकारी अस्पताल आफै बिरामी, भिडियो एक्स रे एक महिना देखी बन्द

दमक | झापा दमकको एक मात्र सरकारी अस्पताल दमक अस्पतालमा विगत ३ सातायता देखि भिडियो एक्स—रे मेसिन विग्रिएपछि सेवाग्राहीहरु मारमा परेका छन । अस्पतालको भिडियो एक्स रे मेशिन बिग्रिएपछि नेपाल सरकारको स्वास्थ्य विमा गराएका विमक...

सामान्य वर्षापनि डुब्छ दमकको हिमशिखर टोल

दमक । झापाको दमक ५ स्थित हिमशिखर टोल विकाश संस्था सामान्य बर्षामा पनि डुबान पर्ने गरेको छ । दमकक्षेत्र कै आवासकालागि उपयुक्त मानिएको हरिओम कोलेनी क्षेत्र अन्र्तगतको यो टोल विकाश संस्था सामान्य बर्षामा समेत...

विश्व क्रिकेटमा नेपाली क्रिकेटले बनाएका ईतिहास

बिर्तामोड । नेपाली क्रिकेट अन्तराष्ट्रिय क्षेत्रमा पाईला चालेको लामो ईतिहास नभएपनि यसबिचमा नेपाली क्रिकेटका केहि नाम गिनिज बुक अफ वल्र्ड रेकर्डमा दर्ज भएका छन् । त्यत्ति मात्र होईन, नेपाली खेलाडीले बनाएका केहि रेकर्ड ब्रेक...

नेकपाले छान्यो जिल्ला इन्चार्ज र सह इन्चार्ज

काठमाडौं ,५ साउन । सत्तारुढ नेपाल कम्युनिष्ट पार्टी (नेकपा)ले जिल्ला इन्चार्ज र सहइन्चार्ज टुंगो लगाएको छ ।बालुवा   टारमा आइतबार बसेको पार्टीको सचिवालय बैठकले ७७ जिल्ला र ६ महानगर कमिटीका इन्चार्ज र सहइन्चार्जहरुको टुंगो लगाएको...

दमक ब. क्याम्पसको प्रमुखमा डा. बुढाथोकी

दमक,५ साउन । यहाँस्थित दमक बहुमुखी क्याम्पसको प्रमुखमा डाक्टर नेत्रबहादुर बुढाथोकी नियुक्त भएका छन् ।  क्याम्पस सञ्चालक समितिको आज आइतबार बिहान बसेको बैठकले डाक्टर बुढाथोकीलाई क्याम्पस प्रमुखमा नियुक्त गर्ने निर्णय गरेको क्याम्पस सञ्चालक समिति...

झापाका खेत खेतमा टयाक्टर, देखिनै छोडे हल गोरु ! नेपालको कृषि क्षेत्र यता न उता

दमक | केहि वर्ष अघिसम्म पनि झापाका प्राय सवै किसानका घरमा हल गोरुलाई अनिवार्य मान्निथियो । जिल्लाका प्रत्येक किसानले आफनो जग्गाको अनुपातमा हल गोरु पाल्ने चलन रहेको थियो । थोरै खेती हुने किसानका घर...

बन्दको उल्लंघन गरेको भन्दै सार्वजनिक यातायातमा तोडफोड

बिर्तामोड । नेपाल आदिवासी जनजाति महासंघले बन्दको उल्लंघन गरेको भन्दै सार्वजनिक यातायातमा तोडफोड गरेका छन् । आज बिहान पूर्वबाट पश्चिम जादै गरेको मे १ ख २७९५ नम्बरको सुर्योदय यातायातमा महासंघका कार्यकर्ताले बिर्तामोड्स्थित बुट्टाबारीमा सवारी...

दमकको नमुना मार्गमा मेहेन्दी उत्सव शुरु

दमक,३ साउन । दमक ६ स्थित नमुना मार्गमा एक महिना लामो मेहेन्दी उत्सव सञ्चालनमा रहेको छ । स्थानीय न्यू मुन हेयर सैलुन एण्ड एकाडेमी तथा न्यू मुम्बई मेहेन्दी ट्रेनिङ सेन्टरको आयोजनामा मेहेन्दी उत्सव सञ्चालनमा...

कर नीतिको विरोधमा दमकका व्यवसायीहरु

दमक,२ साउन । साउन १ गतेदेखि सरकारले लागू गरेको भेहिकल एण्ड कन्साइनमेन्ट ट्रयाकिङ्ग सिस्टम ( भिसीटिएस ) प्रणाली व्यवहारिक नभएको भन्दै दमकका व्यवसायीहरुले विरोध जनाएका छन् । दमक उद्योग वाणिज्य संघले सरकारले ल्याएको कर नीति...