हात्तीको त्रासमा प्रधानमन्त्री र पूर्व सभामुखका मतदाता

–विष्णु पौडेल

दमक,१६ कार्तिक /  झापाको दमक र इलामको चुलाचुली राष्ट्रिय राजनीतिका दुई हस्तीले पटक पटक राष्ट्रिय निर्वाचन जितेको क्षेत्र हो । चुलाचुली इलामको २ नं निर्वाचन क्षेत्रमा पर्छ भने दमक झापाको क्षेत्र नं ५ । झापाले दोश्रो पटक प्रधानमन्त्रीकै रुपमा यहाँबाट निर्वाचित केपी शर्मा ओलीलाई पाएको छ । ओली देशको कार्यकारी प्रधानमन्त्री छन् । चुलाचुलीले चौथो पटक पूर्व सभामुख सुवास नेम्वाङलाई पायो । यी दुई क्षेत्रका सर्वसाधारणका साझा समस्या धेरै छन् ।

यसमध्येको प्रमुख समस्याका रुपमा बर्षौदेखि हात्तीको समस्या छ । यि दुई जिल्लाका वीचमा रतुवा खोला पर्छ । खोला वारीपारी प्रधानमन्त्री र पूर्वसभामुखका मतदाता बस्छन् । विशेष गरि यहाँका सर्वसाधारणको साझा समस्याका रुपमा रहेको हात्तीको समस्या समाधानमा राज्यको उपल्लो निकायको ध्यान जान सकेको छैन् ।
चुलाचुली –४ का भक्तबहादुर बुढाथोकी भन्छन् –‘ यो ठाउँका सर्वसाधारण पहुँचका आधारमा भन्ने हो भने देशकै कार्यकारी र सबैंधानिक निकायमा प्रतिनिधि पठाउने मतदाता हुन् । तर यहाँको साझा समस्यामा देशको ध्यान जान सकेको छैन् ।’ उनले विकास निर्माणसंगै हात्तीको समस्या बर्षोदेखि झेल्दैआएपनि त्यसको समाधानका लागि राज्यले चासो नदिएको बुढाथोकीको भनाई छ । उनी भन्छन् –‘ जंगली हात्तीबाट बर्सेनी जिउधनको असुरक्षा बढ्दै गएपनि राज्यले हात्ती नियन्त्रणमा चासो दिएको छैन् ।’
बुढाथोकी जस्तै इलाम, चुलाचुली गाउँपालिका वडा नं ४ का वडाध्यक्ष कालिदास भट्टराईको गुनासो उस्तै छ । हात्तीले बर्षेनी जनधनमा ठुलो क्षति पुरयाइरहेपनि सरकारको उपल्लो निकायबाट त्यसको नियन्त्रण र रोकथामका लागि पहल हुन नसकेको उनको बुझाई छ । उनले भने ,–‘ चुरे क्षेत्रका हामी चुलाचुलीबासीहरु राज्यको विभेदमा परेका छौ ।’

दमक र चुलाचुली जोड्ने रतुवा खोलाको किनारै किनार दमकबाट चुलाचुली तर्फ जंगली हात्ती दिनदाहाडै लम्किन्छन् । हात्तीकै कारण गत बर्ष चुलाचुलीमा एक जनाले र दमकमा एक जनाले ज्यान गुमाउनु परेको थियो ।

ती स्थानको दिनचर्या हिजोआज पिरलोउस्तै छ । केहि दिनयता जंगली हात्तीका कारण दमकको वडा नं ३ र दमकसंगै जोडिएको चुलाचुली गाउँपालिका वडा नं ४ र ५ का बासिन्दा रातभर त्रासमा परेका छन् । रातैभर हात्तीको उपद्रोका कारण सर्वसाधारणले सुत्न समेत पाएका छैनन् । दुई वटा हात्ती दमकको उत्तरी क्षेत्रमा रहेको हंसेदुम्से सामुदायिक वन तर्फबाट रतुवा खोला तरेर चुलाचुली –४ को शान्ति चौक हुँदै गाउँपसेपछि सर्वसाधारणले त्रासमा रात कटाउनु परिरहेको चुलाचुली –४ का वडाध्यक्ष भट्टराईले गुनासो गरे । उनले तीन दिनयता सो गाउँपालिकाको वडा नं ५ मा दुईवटा सर्वसाधारणका घर हात्तीले भत्काएको जानकारी दिए। हात्तीले स्थानीय राम प्रसाद दवाडी र पदमकुमारी देवानको र वडा नं ४ का भक्तबहादुर बुढाथोकीको घर हात्तीले भत्काएको थियो । हात्ती पीडित बुढाथोकी भन्छन्– ‘यहाँ हात्तीको पिरले नयाँ आउने पाहुना त रातभर सुत्नै पाउदैनौं ।’

दमक ३ का वडाध्यक्ष नविन बरालले दुई/तीन दिनयता सो वडामा रहेको हंसेदुम्से सामुदायिक वनबाट निस्किएका हात्तीले सर्वसाधारणको निन्द्रा लुटेको बताँउछन् । उनका अनुसार रात पर्नासाथ जंगली हात्तीबाट गाँउलेहरु खबरदारी गर्न बाध्य हुनुपरेको छ । यहाँका सर्वसाधारणले पुल्ठो बाल्ने, चिच्याएर चर्को आवाजमा हल्ला गर्ने र हात्तीबाट जोगिन खबरदारी गर्ने बाहेक अरु विकल्प नरहेको वडाध्यक्ष बरालले बताए । हात्तीको दिर्घकालिन समाधानका लागि आफूहरुले संघीय सरकारका प्रधानमन्त्री र प्रदेश सरकारको ध्यानाकर्षण गराउँदै आएको वडाध्यक्ष बरालले बताएका छन् ।

शुक्र, कार्तिक १६, २०७५ मा प्रकाशित

यसमा तपाइको मत

समाज बाट अन्य

कमल ५ मा अव्यवस्थित बसोवास समस्या समाधान समिति

दमक ,११ जेठ । वर्षोदेखि बसोवास गरिआएका झापा, कमल गाँउपालिका ५ स्थित गजुरमुखी टोलका बासिन्दाहरुले आफनो जग्गा भूमाफियाले हड्प्न लागेको भन्दै स्थानीयहरु आन्दोलित भएका छन् । शुक्रवार त्यहाँ भएको वृहत भेलाले इन्द्रकुमार राईको संयोजकत्वमा...

पाँचथर हत्या काण्ड चाडै खुल्ने : मन्त्री आङ्गवो

दमक,१० जेठ । प्रदेश १ का आर्थिक मामिला तथा योजना मन्त्री इन्द्र बहादुर आङ्बोले पाँचथर जिल्लामा भएको हत्या काण्डको सत्यतथ्य चाँडै सार्वजनिक हुने वताएका छन् ।  उक्त घटनाका क्रममा भागेर ज्यान जोगाएकी बालिका सीता...

दमक आसपास १० हजार सवारी कारवाहीमा

दमक,१० जेठ । ट्राफिक प्रहरी कार्यालय दमकले चालु आर्थिक वर्षको १० महिनाको अवधिमा ट्राफिक सवारी नियम उलङघन गर्ने ९ हजार वढी सवारी साधनहरुलाई कारवाही गरि रु ६४ लाख बढी राजस्व संकलन गरेको छ । कार्यालयका...

शिक्षिकाको कुटाईबाट झापामा एक बालिकाको कानको जालि फुट्यो

शिक्षिकाको कुटाईबाट झापाको कमल गाउँपालिका ५ मा रहेको लिटल एन्जल बोर्र्डिङ स्कुलमा अध्ययनरत पाँच वर्षकी बालिका एस्तर राईको कानको जाली फुटेको छ । एस्तर सो विद्यालयमा कक्षा १ मा अध्ययनरत विद्यार्थी हुन । सोमबार विद्यालय...

रंगशालाका बारेमा सरोकारवालापक्ष संग अन्तरकृया

दमक,१०जेठ । झापाको कमल गाँउपालिका ५ स्थित आदिवासी रंगशाला तथा स्मृति प्रतिष्ठानले विहिबार रंगशालाका बारेमा सरोकारवाला हरुसंग अन्तरकृयाको आयोजना गरेको छ ।  रंगशालाका वारेमा भईरहेका गतिविधिहरुका सम्बन्धमा विस्तृत जानकारी दिने उद्देश्यले सरोकारवालाहरुसंग अन्तरकृया गरिएको...

जनप्रतिनिधिले धनकुटामा तिरिदिए विद्यालयको ऋण

धनकुटा नगरपालिका वडा नम्बर तिनका बडाध्यक्ष बिकास घिमिरेले अहिले सम्म आफु प्राप्तगर्ने सरकारी सेवा सुबिधावाट स्थानीय एक बिद्यालयको ऋण तिरिदिनु भएको छ । घिमिरेले ज्वालादेबी अधारभुत बिद्यालय ब्यबस्थापन गर्दा लागेको तिन लाख १८ हजार रुपैया...

रतुवामाईको सौठामा अस्पताल बन्ने

मोरङको रतुवामाई नगरपालिका वडा नम्वर ६ सौठामा विपी नेत्र प्रतिष्ठान नाक, कान, घाटि, आँखा अस्पतालको भवन शिलान्यास गरिएको छ । विपी नेत्र प्रतिष्ठान भक्तपुरले रतुवामाई नगरपालिकाको सौठामा निर्माण गर्ने अस्पताल भवनको बुधबार एक कार्यक्रमका विच...

रतुवामाईको सौठामा अस्पताल निर्माण हुने

९ जेठ–मोरङको रतुवामाई नगरपालिका वडा नम्वर ६ सौठामा विपी नेत्र प्रतिष्ठान नाक, कान, घाटि, आँखा अस्पतालको भवन शिलान्यास गरिएको छ । विपी नेत्र प्रतिष्ठान भक्तपुरले रतुवामाई नगरपालिकाको सौठामा निर्माण गर्ने अस्पताल भवनको आज एक कार्यक्रमका...

पाडाजुंगीलाई व्यवस्थित गरिदै

दमक,९ जेठ । कमल गाँउपालिका ५ को पाडाजुंगी चौंकलाई व्यवस्थित बनाउन थालिएको छ । वडा कार्यालयले गाँउपालिकाकै नमुना वार्डका रुपमा विकास गर्ने उद्देश्यले वडाको मुख्य क्षेत्र पाडाजुंगी चौंकलाई व्यवस्थित बनाउन थालिएको वडाध्यक्ष डम्बरवहादुर निरौलाले...

आमा र छोरीको हत्या प्रयास

झापा, जेठ ९ गते । झापाको मेचीनगर नगरपालिका–१० प्रशंसा टोलमा तीन महिला मात्र बस्दै आएको एक घरमा राति बाहिरबाट घुसेको अज्ञात आक्रमणकारीले आमा र नाबालिका छोरीको हत्या प्रयास गरेको छ । जिल्ला प्रहरी कार्यालयका...