पोखरा खेल र पर्यटनको अन्तर्राष्ट्रिय केन्द्र बन्न सक्छ : सभामुख महरा

उहाँले प्रकृतिको बरदान रहेको पोखराको पर्यटनसँग खेललाई जोड्न सकिने बताउनुभयो ।

हाम्रो दमक

पोखरा । सभामुख कृष्णबहादुर महराले पोखरा खेल र पर्यटनको अन्तर्राष्ट्रिय केन्द्र बन्न सक्ने बताउनुभएको छ । क्विन्स इभेन्ट्सको आयोजनामा आजदेखि पोखरामा शुरु भएको पोखरा प्रिमियम लिगको उद्घाटन गर्दै उहाँले प्रकृतिको बरदान रहेको पोखराको पर्यटनसँग खेललाई जोड्न सकिने बताउनुभयो ।

हरेक वर्ष अन्तर्राष्ट्रियस्तरका प्रतियोगिता गर्नसके त्यसले पोखराको सुन्दरता र यहाँका विभिन्न पक्षलाई देश विदेशमा पु¥याउने सभामुख महराले बताउनुभयो । नेपाल दुई ठूला राष्ट्र चीन र भारतको बीचमा रहेको र यी दुवैलाई जोड्न सक्ने क्षेत्रका रुपमा पोखरा रहेको उहाँले उल्लेख गर्नुभयो । स्वस्थ्य खेलबाट स्वस्थ्य जनशक्ति तयार गर्ने र यसको बहुआयामिक महत्व रहेको बताउँदै सभामुख महराले प्रतियोगी टिमलाई विजय हासिल गर्न शुभकामना दिनुभयो ।

गण्डकी प्रदेशका मुख्यमन्त्री पृथ्वीसुब्बा गुरुङले पोखरालाई पर्यटनको राजधानी मात्र नभई खेलकूदको राजधानीसमेत बनाउन सकिने बताउनुभयो । प्राकृतिक सुन्दरताले भरिभराउ पोखरामा अन्तर्राष्ट्रियस्तरका प्रतियोगिता गर्नसक्ने किसिमले पूर्वाधार विकास गर्नुपर्ने उहाँले बताउनुभयो । खेलाडी र निजी क्षेत्रको प्रयासमा मात्रै पनि खेल क्षेत्रमा राम्रो उपलब्धि हासिल भएको बताउँदै उहाँले पूर्वाधार एवं आवश्यक वातावरण निर्माण गर्ने जिम्मेवारी राज्यको भएको बताउनुभयो ।

प्रदेशसभा सदस्य राजीव पहारीले पोखराको रमणीय वातावरणले देशी विदेशी खेलप्रेमीलाई लोभ्याउने बताउनुभयो । प्रदेशसभा सदस्य दीपक कोइरालाले यस किसिमका प्रतियोगिताले पोखराको आर्थिक गतिविधि पनि बढाउने विश्वास व्यक्त गर्नुभयो । आयोजक क्वीन्स इभेन्ट्स म्यानेजमेन्ट प्रालिका प्रबन्ध निर्देशक छुम्बी लामाले यो प्रिमियर लिग नेपालमा आयोजित हुने सर्वाधिक पुरस्कार राशिको क्रिकेट प्रतियोगिता भएको बताउनुभयो । प्रतियोगितालाई लक्ष्य गरी तीन महीनादेखि पूर्वाधार निर्माण गरिएको उहाँले बताउनुभयो ।

प्रतियोगिताको विजेता टोलीले रु २७ लाख प्राप्त गर्नेछ भने उपविजेता टोलीले रु १० लाख प्राप्त गर्नेछ । पिपिएलले टाइटल स्पोन्सरमा नमस्ते प्रिमियम लागर बियरको साथ पाएको छ भने लिगको पावर्ड बाइमा ग्रान्डमास्टर त्रिपल एक्स रम रहेको छ । प्रतियोगिताको म्यान अफ द सिरिज, उत्कृष्ट ब्याट्सम्यान र उत्कृष्ट बलरलाई भिजी अटोमोबाइल्सको तर्फबाट सुजुकी जिक्सर १५५ सिसी मोटरसाइकल प्रदान गरिनेछ । व्यक्तिगत विधातर्फ विजेताले गिफ्ट ह्याम्पर पनि प्राप्त गर्ने जनाइएको छ ।

प्रत्येक खेलमा रिलायन्स सुपर टेक सिमेन्ट म्यान अफ द म्याचले नगद रु १० हजार र प्रायोजकबाट (एक्स्टेप, सुविसु, आदि) रु पाँच हजार बराबरको गिफ्ट एवं ह्याम्पर प्राप्त गर्नेछन् । पिपएलको हरेक खेलको विजेता टिमले रिलायन्स सिमेन्ट विनिङ बोनसस्वरुप नगद पुरस्कार रु १५ हजार ५०० प्राप्त गर्ने जनाइएको छ ।

प्रत्येक खेलमा क्लियर टिभी क्लियर क्याच विजेताले वार्षिक सुविसुको प्रिमियम प्याकेज प्राप्त गर्ने जनाइएको छ । आजको उद्घाटन खेलमा विराटनगर टाइटान्स र पोखरा पल्टन भिड्नेछन् । त्यस्तै प्रतियोगितामा विराटनगर, पोखरा, चितवन राइनोज, काठमाडौँ रोयल्स, बुटवल ब्लास्टर र एक्सपर्ट धनगढी गरी छवटा टिम सहभागी हुनेछन् । प्रतियोगितालाई लक्ष्य गरी लगभग चार हजार ५०० सिट क्षमताको प्याराफिट बनाइएको छ ।

शुक्र, कार्तिक ९, २०७५ मा प्रकाशित

यसमा तपाइको मत

खेलकुद बाट अन्य

मेचीनगर गोल्डकपमा आज धरान र च्यासल भिड्दै

बिर्तामोड । झापाको काँकरभिट्टामा जारी मेची नेत्रालय मेचीनगर गोल्डकपमा आज धरान फुटबल क्लब सुनसरी र च्यासल युथ क्लब काठमाण्डौबीच प्रतिस्पर्धा हुने भएको छ । हिजोदेखि सुरु प्रतियोगिताको खेल काँकरभिट्टा माविको खेल मैदानमा दिउँसो ३...

मेचीनगर गोल्डकपको उद्घाटनमा आयोजक र दाउफिन्स भिड्ने

बिर्तामोड । अफ्रिकन टोली दाउफिन्स एफसी क्यामरुनले मेची नेत्रालय मेचीनगर गोल्डकपको उद्घाटन खेलमा आयोजक काँकरभिट्टा फुटबल ट्रेनिङ सेन्टरसँग भिड्ने पक्का भएको छ । प्रतियोगिता वैशाख १२ गते काँकरभिट्टा माविको खेल मैदानमा उद्घाटन हुनेछ । आयोजकले...

झापामा रात्रिकालीन फुटबल : कनकाई सेमिफाइनलमा प्रवेश

भद्रपुर, ८ बैशाख । झापामै पहिलो पटक भद्रपुरमा रात्रिकालीन नकआउट फुटबल प्रतियोगिता शुरु भएको छ। नयाँ वर्ष २०७६ सालको अवसरमा एलेभेन साइनिङ स्टार क्लव भद्रपुरले आयोजना गरेको शनिबार भएको पहिलो खेलमा आयोजक एलेभेन साइनिङ...

मेचीनगर गोल्डकपको तयारी तीब्र

काकड्भिटटा ,७ बैशाख । जिल्लाको मेचीनगर ६ स्थित काँकरभिट्टामा आयोजना हुने मेची नेत्रालय मेचीनगर गोल्डकको तयारी तीव्र पारिएको छ । चौथो संस्करणका रुपमा यहि बैशाख १२–२१ सम्म आयोजना हुने गोल्डकपको सम्पूर्ण तयारी धमाधम भईरहेका...

हल्दिबारी ३ मा वडास्तरीय खेलकुद समिति

झापा, ४ बैशाख । जिल्लाको हल्दिबारी गाउँपालिका .वडा नम्बर ३ मा खेलकुद समिति गठन गरिएको छ । वडा स्तरीय युबा तथा खेलकुद बिकास समिति गठन तथा परिचालन कार्यविधि ,२०७५ को नियम ३ उप नियम...

शिवसताक्षीमा महिला फुटबल खेलाडीलाई सम्मान

शिबसताक्षी,३ बैशाख । झापाको शिवसताक्षीमा रहेका एक दर्जन बढी महिला फुटबल खेलाडीहरुलाई सम्मान गरिएको छ ।शिबसताक्षी नगरपालिकाको कार्यालय व्याङडाडामा आज एक कार्यक्रमको आयोजना गरि शिबसताक्षी नगर खेलकुद समितिले नगरका १३ जना महिला फुटबल खेलाडीहरुलाई...

वडास्तरिय फुटवलको उपाधि दमक ७ लाई

दमक,२९ चैत । भापाको दमकमा जारी वडा स्तरिय फुटबल प्रतियोगिताको उपाधि वडा नम्बर ७ जितेको छ । दमक ९ स्थित उराँव खेल मैदानमा शुक्रबार भएको फाइनल खेलमा वडा नम्बर ७ ले १०लाई ट्राईबेकरमा ३–१...

ग्यालेक्सीका सुमन बने दोस्रो मिस्टर मेची

बिर्तामोड,२४ चैत । ग्यालेक्सी फिटनेस बिर्तामोडका सुमन लिम्बू दोस्रो मिस्टर मेची भएका छन् । बडी ग्यारेज बिर्तामोडले आयोजना गरेको मिस्टर मेचीको दोस्रो संस्करणको उपाधि ग्यालेक्सीका सुमनले हात पारेका हुन् । शनिबार राति अबेर सम्पन्न फिनाले राउण्डमा...

एसवाइसी च्यालेन्जकप भलिवलको उपाधि झापालाई

दमक ,२४ चैत । झापाको कमल गाँउपालिका ५ स्थित मंगलबारे वजारमा सञ्चालित प्रदेशस्तरिय १३ आंै सगुन च्यालेन्जकप भलिबल प्रतियोगिताको उपाधि झापा गाँउपालिकाले जितेको छ । आज सम्पन्न फाइनल खेलमा गौरादह नगरपालिकालाई हराउदै झापा गाँउपालिकाले उपाधि...

विश्वकप छनोट खेल्ने लाग्नेभो नेपाली यू १९ टोली

काठमाडौं | मलेसियामा अर्को साताबाट सुरु हुने आईसीसी यू-१९ विश्वकप एसिया छनोटको लागि नेपाली यू-१९ क्रिकेट टोली त्यसतर्फ प्रस्थान गर्दैछ । काठमाडौंमा आज एक कार्यक्रम गर्दै राष्ट्रिय खेलकुद परिषद (राखेप) का सदस्य सचिब केशव कुमार...