दमक नगरपालिकालाई स्मार्ट सिटी बनाउने, आजबाट खुल्ला दिसामुक्त शहर घोषणा

१५ स्थानीय तह रहेको झापामा खुल्ला दिसामुक्त घोषणा हुने दमक एघारौं स्थानीय तह हो ।

हाम्रो दमक

दमक | प्रधानमन्त्री के.पी. शर्मा ओलीको गृहनगर दमक सोमबार खुल्ला दिसामुक्त घोषणा भएको छ । १५ स्थानीय तह रहेको झापामा खुल्ला दिसामुक्त घोषणा हुने दमक एघारौं स्थानीय तह हो ।

जिल्ला खानेपानी, सरसफाइ तथा स्वच्छता समन्वय समिति झापाका प्रमुख एवम् जिल्ला खानेपानी, सरसफाइ तथा स्वच्छता समन्वय समिति झापाका अध्यक्ष सोमनाथ पोर्तेलले दमक नगरपालिकालाई खुल्ला दिसामुक्त घोषणाको प्रमाणपत्र प्रदान गरे ।

उद्घाटन मन्तव्य व्यक्त गर्दै प्रमुख अतिथि पोर्तेलले सरसफाइ र स्वच्छता नागरिकको संवैधानिक हक भएकोले यसलाई विकास र अधिकारको एक प्रमुख सूचकको रुपमा लिनुपर्ने बताए । सडक, कल्भर्ट र पुल पुलेसालाईमात्र विकास मान्ने प्रवृत्ति र चिन्तनलाई परिवर्तन गरेर शिक्षा, क्षमता अभिवृद्धि, स्वास्थ्य, सरसफाइ र सामाजिक समुन्नतिलाई विकासको सूचक मान्नुपर्ने अवस्था आएको उनले उल्लेख गरे ।
मुलुकका प्रधानमन्त्रीदेखि मन्त्री र राजनीतिक एवम् कर्मचारीतन्त्रमा झापाले नेतृत्व गरेको भए पनि सरसफाइ अभियानमा झापा पछाडि रहेको उल्लेख गर्दै सामाजिक समुन्नति र रुपान्तरणको नेतृत्व पनि अब झापाले गर्नुपर्ने समेत उनले बताए ।

कार्यक्रमका अध्यक्ष एवम् दमक नगरपालिकाका प्रमुख रोमनाथ ओलीले पूर्ण सरसफाइ प्रतिवद्धता प्रस्तुत गर्दै सार्वजनिक क्षेत्र व्यवस्थापन गर्दै पूर्ण सरसफाइको यात्रामा अघि बढ्ने प्रतिवद्धता व्यक्त गरे । दमक नगरपालिकालाई स्मार्ट सिटी बनाउने सूचकमध्ये खुल्ला दिसामुक्त घोषणा समेत एक प्रमुख सूचक भएको उल्लेख गरे । नगरपालिकालाई आगामी २ वर्षभित्र बालमैत्री नगरपालिका घोषणा गर्दै क्रमशः महिलामैत्री र अपांगमैत्री नगरपालिका घोषणा गर्ने योजना समेत नगर प्रमुख ओलीले सुनाए ।

सामाजिक समुन्नतिका सन्दर्भमा बोल्दै नगर प्रमुख ओलीले १८ वर्ष नपुगेका नागरिकले मदिरा किनबेच र सेवन गर्न नपाउने र लागु पदार्थ सेवन गरी बाहिर हिड्न पनि नपाउने नियम बनाउने समेत उल्लेख गरे ।

ग्लोबल स्यानिटेसन फण्ड कार्यक्रमका जिल्ला संयोजक विनोद शर्माले पूर्ण सरसफाइ अभियानलाई योजनावद्ध रुपमा अघि बढाउन नगरपालिकालाई अनुरोध गरे ।

१४ हजार ४ उय ५२ घरधुरी रहेको दमक नगरपालिकामा अघिल्लो वर्षसम्म १३ हजार ७ सय १० घरधुरीमा सुरक्षित शौचालय रहेका थिए । बाँकी ७ सय ४९ घरधुरीमा यस वर्ष शौचालय निर्माण गरी खुल्ला दिसामुक्त घोषणा गरिएको उपप्रमुख गीता अधिकारीवारा प्रस्तुत प्रगति प्रतिवेदनमा उल्लेख छ ।

घोषणा समारोहमा नगरपालिकालाई खुल्ला दिसामुक्त अवस्थामा पु¥याउन सहयोग गर्ने संघसंस्था, निकाय र व्यक्तिहरुलाई नगरपालिकाको तर्फबाट सम्मान गरिएको थियो ।

नेपालकै होचो स्थानमा रहेको कचनकवल गाउँपालिका यही असोज २४ गते खुल्ला दिसामुक्त घोषणा हुँदैछ । सदरमुकाम समेत रहेको भद्रपुर नगरपालिका, पूर्वको प्रवेशद्वारको रुपमा मेचीनगर र हल्दिबारी गाउँपालिका खुल्ला दिसामुक्त हुन नसकेका कारण यही असोज महिनामा जिल्ला खुल्ला दिसामुक्त घोषणा गर्ने जिल्लाको लक्ष्य असफल भएको छ ।

सोम, अशोज २२, २०७५ मा प्रकाशित

यसमा तपाइको मत

हाम्रो दमकमा बाट अन्य

मुसहर बस्तीको विकास ‘पहिलो प्राथमिकतामा’

बिर्तामोड, ५ फागुन। बिर्तामोड नगरपालिका वडा नं ३ र १० मा रहेको मुसहर बस्तीको विकासलाई पहिलो प्राथमिकतामा राख्ने स्थानीय जनप्रतिनिधिले प्रतिबद्धता जनाएका छन् । सरकारी तथा सार्वजनिक सेवाप्रदायक निकायसम्म पहुँच नभएका ७६ जना जनसंख्या रहेको...

झापामा ३३ वटा अवैध मदिरा पसल वन्द

दमक ,४ फागुन । झापालाई मदिरा नियन्त्रित घोषणा गरिएपछि त्यसको प्रभावकारी देखिदैं गएको छ । प्रहरी प्रशासन, व्यवसायी, राज नीतिक दल तथा स्थानीय सरकारहरुको सहमतिमा माघ १ गते देखि जिल्लालाई मदिरा नियन्त्रित घोषणा गरिएको...

झिलझिलेमा इन्जिनियरिङ कलेज बन्ने

झिलझिले,  ४ फागुन। झापाको शिवसताक्षी नगरपालिका ११ स्थित झिलझिलेमा इन्जिनियरिङ कलेज स्थापना हुने भएको छ । झिलझिलेमा रहेको गणेशमान सिंह अध्ययन प्रतिष्ठान प्राविधिक तथा व्यवसायिक शिक्षालयले इन्जिनियरिङ कलेज स्थापना गर्न लागेको हो । शिलान्यास गर्दे...

दमकमा पर्यटन महोत्सव शुरु

दमक ,१ फागुन । प्रदेश १ का आन्तरिक मामिला तथा कानून मन्त्री हिक्मत कार्कीले प्रदेशको पर्यटन प्रवद्र्धनका लागि संस्थागत संरचना विकासलाई प्राथमिकता दिईने बताएका छन् । दमकमा बुधबारदेखि आयोजना भएको पाँचौ फूडफेष्टिबल तथा सांस्कृतिक पर्यटन...

दमकको खानेपानी देशकै उत्कृष्ठ

दमक, २९ माघ ।यहाँस्थित दमक खानेपानी तथा सरसफाई उपभोक्ता संस्था देशकै उत्कृष्ठ खानेपानी संस्थाका रुपमा छनौट भएको छ । आयोजनाको उद्घाटन गर्दे प्रम केपी ओली ( फोटो फायल ) नगर विकास कोषले ऋण लगानी गरेका देशभरिका...

झापाको माइपश्चिममा नै रंगशाला बनाउन माग

दमक, २८ माघ । झापाको दमक नगरपालिका, कमल गाँउपालिका र शिवसतासी नगरपालिकाका खेलकुदसंग सम्बद्ध संस्था तथा खेलाडी हरुले कमल गाँउपालिकाको लखनपुरमा नै सुविधासम्पन्न रंगशाला वनाउन माग गरेका छन् । प्रस्तावित रंगशालालाई अन्यत्र सार्न लागिएको चर्चा...

दमकमा पर्यटन महोत्सवको तयारी अन्तिम चरणमा

दमक,२७ माघ । होटल व्यवसायी संघको आयोजनामा दमकमा शुरु हुन लागेको पाँचौ दमक फूडफेस्टिवल तथा सांस्कृतिक पर्यटन महोत्सव २०७५ को तयारी अन्तिम चरणमा पुगेको छ । यहि फागुन १ गतेदेखि १२ गतेसम्म दमकमा हुन लागेको...

पूर्व राजदम्पत्ती शाह दमकमा

दमक,२३ माघ । पूर्व राजदम्पत्ती आज अपरान्ह झापाको दमक आएका छन् । एक महिने लामो बसाईको कार्यक्रम लिएर पूर्व राजा ज्ञानेन्द्रसहित पूर्व रानी कोमल शाह अपरान्ह ४ बजे तिर दमक आएका हुन् । राष्ट्रिय प्रजातन्त्र...

गौरीगञ्जको कुन्जीवारीमा बम फेला,गाँउले त्रसित

गौरीगञ्ज ,२३ माघ । झापाको गौरीगञ्ज १ कुञ्जीबारीस्थित न्यू युनिभर्सल एकाडेमीलाई लक्षित गर्दै अज्ञात समूहले बम राखेको सूचना दिएपछि अहिले त्यस क्षेत्रको जनजीवन आतकिंत बनेको छ । बाँस झ्याङमा बम जस्तो देखिने शकांस्पद बस्तु विद्यालयको उत्तर...

माघ २६ गते दमकमा मिनी म्याराथन

दमक,२३ माघ ।     झापाको दमकमा यहि माघ २६ गते मिनी म्याराथन प्रतियोगिता हुनेभएको छ । दमक रन समूहले आफनो तेश्रो बार्षिकोत्सवका अवसर पारेर मिनी म्याराथनको आयोजना गर्ने भएको हो । स्वास्थ्यका लागि दौडसहित...