जेसीज सामुदायिक भवनका लागि २२ लाखको सहयोग घोषणा

हाम्रो दमक

बिर्तामोड,साउन २७ । वीरता जेसीजले निर्माण गर्न लागेको सामुदायिक भवनका लागि आइतवार एकैदिन विभिन्न दाताहरुले २२ लाख रुपैयाँभन्दा बढी सहयोग प्रदान गर्ने घोषणा गरेका छन् ।
अन्तराष्ट्रिय युवा दिवसको अवसर पारी वीरता जेसीजका अध्यक्ष एकराज गिरीको अध्यक्षतामा भएको सामुदायिक भवन निर्माणका लागि सहयोग घोषणा कार्यक्रमकाबीच दाताहरुले उक्त रकम प्रदान गर्ने प्रतिबद्धता जनाएका हुन् । समुदायलाई प्रत्यक्ष सेवा पुर्याउने उद्देश्यले जेसीजको समेत इतिहास र सुनौलो भविष्य बनाउने गरी निर्माण गर्न लागिएको सामुदायिक भवनका लागि सहयोग गर्न संस्थापक अध्यक्ष गोपालकुमार बस्नेतले आह्वान गरेसँगै दाताहरुले सहयोग घोषणा गरेका हुुन् ।

वीरता जेसीजले जग्गादाताको रुपमा बसी दिन आग्रह गरेसंगै संस्थापक अध्यक्ष बस्नेतले आफ्नो परिवारबाट जेसीजको आग्रह स्वीकार्दै राम्रो सहयोग गर्ने प्रतिबद्धता जनाएका छन् ।
पहिलोचरणमा जेसीजभित्रैबाट सहयोग संकलन अभियान शुरु गरिएको हो । जसअन्तर्गत अधिकांश पूर्वअध्यक्षहरुले जनही एक लाख रुपैयाँ सामुदायिक भवन निर्माणका लागि सहयोग गर्ने घोषणा गरेका छन् ।

वीरता जेसीजका दीर्घकालीन योजना सभापति तथा पूर्वअध्यक्ष राजकुमार पोखरेलले पूर्वअध्यक्ष तथा अन्य दाताहरुकोतर्फबाट २२ लाख रुपैयाँ बढी नगद सहयोगको घोषणा गरेका हुन् । सोही समारोहमा उपस्थित गोर्खा फाउण्डेशनका अध्यक्ष तथा गोर्खा टेलरिङका सञ्चालक वीरबहादुर दर्नालले ५१ हजार, लेखक भगवती ढुंगेल तथा जनक खड्का दम्पत्तिले ५० हजार, मनकामना आइसक्रिमका सञ्चालक पदम बुढाथोकीले २५ हजार रुपैयाँ प्रदान गर्ने घोषणा गरे ।
वीरता जेसीजले समाजमा दीगो रुपमा टेवा पुर्याउन सामुदायिक भवन निर्माण गर्न लागेकोमा आफूहरु खुशी र उत्साहित भएको बताउँदै उनीहरुले स्वःस्फूर्त सहयोगको घोषणा गरेका हुन् ।

बिर्तामोड–२मा वीरता जेसीजलाई प्राप्त तीन कठ्ठा जग्गामा अरु दुई कठ्ठा थप गरी ५ कठ्ठा पुर्याउने लक्ष्य लिइएको छ । उक्त जग्गामा सुुविधासम्पन्न सामुदायिक भवनसहित ट्रेनिङ इन्स्टीच्यूट तथा जेसीज सचिवालय रहने बताइएको छ । करिब तीन करोड रुपैयाँ लागतमा निर्माण गरिने भवनका लागि वीरता जेसीजका पूर्वउपाध्यक्ष ओमभक्त प्रसाईं, पूर्वअध्यक्षहरु सुरेश बंशल, राजकुमार पोखरेल, शेखर ढकाल, शिवकुमार अग्रवाल र प्रमेश राजकर्णिकारले संयुक्त रुपमा तीन कठ्ठा जग्गा प्रदान गरेका छन् ।

बिर्तामोडको आवश्यकतालाई धान्न बन्न लागेको सामुदायिक भवनका लागि कम्तीमा ५ कठ्ठा जग्गा चाहिने हुँदा आवश्यक दुई कठ्ठा जग्गामध्ये एक कठ्ठा तिनै दाताहरुलाई थप गरिदिन र १ कठ्ठा संस्थापक अध्यक्षको परिवारबाट खरिद गरिदिन वीरता जेसीजले आग्रह गरेको छ । जेसीजको आग्रहलाई दुबै पक्षले सकारात्मक रुपमा लिएको बताइएको छ ।

समारोहका प्रमुख अतिथि राष्ट्रिय सभाका पूर्वसांसद डिल्ली सिटौलाले कार्यक्रमको उद्घाटन गर्दै समाजमा जेसीजको योगदान अनुकरणीय रहेको बताए । निवर्तमान अध्यक्ष तथा भवन निर्माण समितिका संयोजक सञ्जु भारतीले स्वागत गरेको कार्यक्रममा भवनको नक्सासहितको गुरुयोजना कार्यकारिणी उपाध्यक्ष मिजास पोखरेलले प्रस्तुत गरेका थिए ।

कार्यक्रममा उत्कृष्ट नागरिक २०७४ तथा सहारा नेपाल सोकासका प्रमुख कार्यकारी निर्देशक महेन्द्रकुमार गिरी, नेपाल उद्योग वाणिज्य महासंघ प्रदेश नंं १का सदस्य बलराम कार्की लगायतले समेत विभिन्न निकायमा पहल गरेर जेसीजको सामुदायिक भवन निर्माणका लागि तन, मन, धन र कर्मले सहयोग गर्ने प्रतिबद्धता जनाए ।

महासचिव कमलप्रसाद पाण्डे बिनोदले सञ्चालन गरेको कार्यक्रममा उपाध्यक्ष युवराज कुँवरले आस्था वाचन तथा कानूनी सल्लाहकार दिवाकरलाल चौधरीले जेसीआई मिसन भिजन वाचन गरेका थिए । कार्यक्रममा जेसीज पूर्वअध्यक्ष समाज झापाका अध्यक्ष बिनोद बस्नेत, बिर्तामोडका प्रहरी प्रमुख डीएसपी कृष्णप्रसाद कोइराला, वीरता जेसीजका पूर्वअध्यक्षहरु रामलोचन न्यौपाने, सुरेश बंशल, जितेन्द्र बस्नेत, शिवकुमार अग्रवाल, राजेन्द्र चम्लागाई, प्रमेश राजकर्णिकार, विशाल थापा, आनन्दकुमार बस्नेत, बिर्तामोड उद्योग वाणिज्य संघका सदस्य रोशन प्रसाईं, नृत्य कलाकार संघ झापाका अध्यक्ष एलसी श्रेष्ठ लगायतको आतिथ्य रहेको कार्यक्रमका सहसंयोजक पुकार बरालले जानकारी दिए ।

युवाको संस्था जेसीजको दीगो विकास र समुदायमा टेवा पुर्याउने गरी बनाउन लागिएको सामुदायिक भवन निर्माणमा सहयोग जुटाउदै वीरता जेसीजले यस वर्षको युवा दिवस मनाएको हो ।

आइत, साउन २७, २०७५ मा प्रकाशित

यसमा तपाइको मत

समाज बाट अन्य

ट्याक्टर पल्टिदा दुईको मृत्यु

दमक,३० कार्तिक । पाँचथरको रविबाट अदुवा बोकेर झापाको दमक तर्फ आउँदै गरेको ट्याक्टर पल्टिदा दुई जनाको ज्यान गएको छ । दमक–रवि सडक अन्तर्गत इलामको माङ्गसेवुङ्ग गाँउपालिका वडा नम्बर –३ स्थित भञ्याङ्ग खण्डमा भएको ट्याक्टर...

थापालाई फिर्ता बोलाएर इजरायलको राजदूतमा सिफारिस भईन प्रधानमन्त्री ओलीकी ‘साली’ !

काठमाडौँ । सरकारले इजरायलका लागि नेपाली राजदूत निरञ्जन थापालाई फिर्ता बोलाएर इजरायलका लागि राजदूत सिफारिस गरेको छ अञ्जान शाक्यलाई । राप्रपाका नेता थापालाई तत्कालिन प्रचण्ड सरकारले राजदूत बनाएको थियो । कात्तिक २५ गते बसेको मन्त्रिपरिषद्...

एकसाथ फिर्ता बोलाईए दुई देशका राजदुत ! यी तीन जनालाई बनाईदैछ ३ देशका राजदुत

काठमाडौं । सरकारले इजरायलका लागि नेपाली राजदूत निरञ्जन थापालाई फिर्ता बोलाएको छ । त्यस्तै दक्षिण अफ्रिकाका लागि नेपाली राजदूत अमृत राईलाई पनि फिर्ता बोलाउने निर्णय भएको छ । राप्रपाका नेता समेत रहेका थापालाई तत्कालिन प्रचण्ड...

मन्त्रिपरिषद् बैठकले उल्टाएको थियो प्रचण्ड सरकारको निर्णय ! निर्णय ढिला सार्वजनिक गर्नुको यस्तो रहस्य

काठमाडौं। सरकारले इजरायलका लागि नेपाली राजदूत निरञ्जन थापालाई फिर्ता बोलाएको छ । राप्रपाका नेता समेत रहेका थापालाई तत्कालिन प्रचण्ड सरकारले राजदूत बनाएको थियो । तर, कात्तिक २५ गते बसेको मन्त्रिपरिषद् बैठकले थापालाई फिर्ता बोलाउने...

आखिर के रहेछ त एक सातासम्म लुकाएर सार्वजनिक गरिएको मन्त्रिपरिषदको निर्णयमा ?

काठमाडौं, २९ कार्तिक । सरकारले इजरायलका लागि नेपाली राजदूत निरञ्जन थापालाई फिर्ता बोलाएको छ । राप्रपाका नेता समेत रहेका थापालाई प्रचण्ड सरकारले राजदूत बनाएको थियो । तर, कात्तिक २५ गते बसेको मन्त्रिपरिषद् बैठकले थापालाई फिर्ता...

संसद भवनभित्रै सांसदहरुबीच हात हालाहालदेखि लात हानाहानसम्म !

श्रीलंका। संसद भवनभित्रै सदन चलिरहेको बेला सांसदहरुबीच हात हालाहाल भएको छ। बिहीबार दिउँसो बसेको संसद बैठकमा सरकार पक्षधर र विरोधी दलका सांसदहरुबीच कुटाकुट भएको हो। राष्ट्रपति मैत्रिपाला सिरिसेनाले प्रधानमन्त्रीमा नियुक्त गरेका महिन्दा राजपक्षले आफूलाई ध्वनीमतबाट...

शरीरमा तातोपानी खनिएर घाईते भएकी बिरामीलाई सहयोग

बिराटनगर | नोबेल शिक्षण अस्पतालका सञ्चालक एवं समाजसेवी डा.सुनिल शर्माले बिपन्न बिरामीको उपचारका लागि एक लाख आर्थिक सहयोग गर्नुभएको छ । शरीरमा तातोपानी खनिएर घाईते भई उपचारका क्रममा आर्थिक अभाव झेल्दै आएकी बेलवारी–४ काकुमस्थित शान्ति...

भारतसगको ५० को मैत्री तथा शान्ति सन्धि यथावत, मोदी सरकार दङ्ग ओली सरकारका दाँतमा ढुंगा !

डिराज कोइराला भारतीय कृपाबाट बहुदल र गणतन्त्र भित्र्याएर सत्ता कब्जा गर्ने उद्देश्य लिएका यो देशका तात्कालिन अराष्ट्रियतत्व अर्थात टेररिष्टहरूले भारतलाई खुशी राख्नकालागि परराष्ट्र मन्त्रालयको जैसी कोठामा र नारायणहिटी राजदरवारको लाल बाकसमा सुरक्षित रहेको तथाकथित २...

वर्तमान नेतृत्वबाट पार्टी बलियो हुदैन : डा. रिजाल

दमक,२८कार्तिक । नेपाली कांग्रेसका केन्द्रीय सदस्य डाक्टर मिनेन्द्र रिजालले कांगे्रसको वर्तमान नेतृत्वबाट पार्टी बलियो हुन नसक्ने जिकीर गरेका छन् । कांग्रेसलाई अव वलियो वनाउन सभापति शेरवहादुर देउवा , वरिष्ठ नेता रामचन्द्र पौडेल लगायतका पाका...

सातै प्रदेशका रोजगारदाता अनिवार्य सामाजिक सुरक्षा कोषमा सूचीकृत हुनुपर्ने !यसरी हुन् सकिन्छ सुचिकृत

काठमाडौँ। सामाजिक सुरक्षा कोषले मुलुकभरका रोजगार दाताहरुलाई कोषमा अनिवार्य सूचीत हुन आह्वान गरेको छ । श्रम, रोजगार तथा सामाजिक सुरक्षा मन्त्रालयले राजपत्रमा सूचना जारी गर्दै योगदानमा आधारित सामाजिक सुरक्षा ऐन २०७४ को दफा १९...