जेसीज सप्ताह समापन, फुटसलमा युनाइटेड र राप्रपा महिला विजयी

हाम्रो दमक

बिर्तामोड, साउन १३। वीरता जेसीज र वीरता लेडी जेसीजको जेसीज सप्ताह सन् २०१८ आइतवार बिर्तामोडमा विविध कार्यक्रमसहित सम्पन्न भएको छ ।
सप्ताह अन्तर्गत आइतवार महिला तथा पुरुषको खुल्ला फुटसल प्रतियोगिता सम्पन्न भएको छ । प्रतियोगिताको उद्घाटन प्रमुख अतिथि नेपाल अलैंची व्यवसायी महासंघका अध्यक्ष निर्मल भट्टराईले गरेका थिए । कार्यक्रम संयोजक टहलदास ओलीले स्वागत गरेको कार्यक्रममा आस्थावाचन संयोजक संगीता गिरीले गरेकी थिइन् ।


आइतवार नै पुरस्कार वितरणसहित सप्ताहको समापन गरिएको छ । समापन समारोहका प्रमुख अतिथि जेसीज पूर्वअध्यक्ष समाज झापाका अध्यक्ष बिनोद बस्नेतले जेसीज सप्ताह भव्य र उत्कृष्ट भएको भन्दै आयोजकको प्रशंसा गरेका थिए ।
वीरता जेसीजका अध्यक्ष एकराज गिरी र वीरता लेडी जेसीजकी अध्यक्ष नम्रता ढकालको अध्यक्षतामा भएको समारोहमा स्वागत कार्यक्रम संयोजक दमयन्ता दाहाल र आस्था वाचन अर्का संयोजक मिक्की कार्कीले गरेका थिए ।
कार्यक्रममा वीरता जेसीजका संस्थापक अध्यक्ष गोपालकुमार बस्नेत, वीरता लेडी जेसीजकी संस्थापक अध्यक्ष शारदा रिजाल, मिस टिन प्रदेश नं। १की विजेता रुक्सुम गुरागाँईले शुभकामना मन्तव्य राखेका थिए । जेसीजले विभिन्न सात वटा कार्यक्रमसहित सप्ताह सम्पन्न गरेको हो ।

        फुटसलमा युनाइटेड ब्रदर्श र राप्रपा महिला बिजयी

एब्सुलेट फुटसल बिर्तामोडमा भएको प्रतियोगितामा महिला ४ र पुरुष १६ टिमको सहभागिता थियो । पुरुषतर्फ युनाइटेड ब्रदर्श बिर्तामोड विजयी बनेको छ । पूर्वेली युवा क्लब प्रतियोगिताको उपविजेता बनेको छ । ५का विरुद्ध ९ गोल गरी युनाइटेड विजयी भएको प्रतियोगिताका मुख्य रेफ्री कुशल खतिवडाले जानकारी दिए ।
त्यस्तै महिलातर्फ पत्रकार महिला समूहलाई २का विरुद्ध ४गोलले पराजित गर्दै राप्रपा महिला संगठन विजयी बनेको हो । निर्धारित समयमा दुवैतर्फबाट गोल हुन नसक्दा पेनाल्टी सुटका आधारमा खेलको निर्णय गरिएको थियो । फुटसलमा महिलातर्फ वीरता लेडी जेसीज र नेप्लिज टिन्सले समेत भाग लिएको फुटसल प्रतियोगिताको संयोजक टहलदास ओलीले जानकारी दिए ।
त्यस्तै पुरुषतर्फ फुटसलमा वीरता जेसीज, श्रीकृष्ण प्रणामी युवा परिषद्, आमसञ्चार डटकम, बिर्तामोड उद्योग वाणिज्य संघ, हष मर्निङ टिम, मारवाडी युवा मञ्च, रेड स्टार, नेप्लिज टिन्स, धुलावारी फुटबल क्लब, डायमण्ड क्लब, रोट्रयाक क्लब अफ बिर्तामोड, भेट्रान क्लब बिर्तामोड, गोल्डस्टार र गोरखा स्पोर्टस् क्लबले भाग लिएका थिए ।
प्रतियोगिताका विजेताहरुलाई प्रमुख अतिथि, दुबै संस्थाका संस्थापक अध्यक्ष तथा अतिथिहरु जेसीज पूर्वअध्यक्ष समाज झापाका उपाध्यक्ष रमेश पोखरेल, वीरता जेसीजका पूर्वअध्यक्ष राजेन्द्र चम्लागाँई, वीरता लेडी जेसीजकी पूर्वअध्यक्षहरु राधा सुब्बा, पार्वता विमली, मिस टिन तथा कार्यक्रम संयोजकहरुले नगद प्रमाणपत्रसहित पुरस्कार प्रदान गरेका थिए ।
सप्ताह अन्तर्गत पौडी प्रतियोगितामा प्रथम सन्दीप कटुवाल, दोस्रो राजीव धिमाल र तेस्रो प्रकाश भुजेललाई सोही समारोहमा पुरस्कार प्रदान गरिएको थियो । त्यस्तै महिला दौडमा प्रथम दीपा अधिकारी, दोस्रो सञ्जु राई र तेस्रो सुरक्षा खनाललाई समेत पुरस्कार प्रदान गरिएको थियो ।

स्लो स्कुटी रेसमा महिलातर्फ प्रथम जुनु उप्रेती, दोस्रो रुपा श्रेष्ठ र तेस्रो संगीता गिरी तथा पुरुषतर्फ उमङ्ग राजवंशी, दोस्रो सरोज बस्नेत र तेस्रो खेमराज बराललाई नगद प्रमाणपत्रसहित पुरस्कार प्रदान गरिएको वीरता लेडी जेसीजकी महासचिव सरु खनालले जानकारी दिइन् ।
फुटसल प्रतियोगिताको उद्घाटन समारोहमा राष्ट्रिय उपभोक्ता मञ्चका अध्यक्ष मदन गोपाल सुब्बा, बिर्तामोड वाणिज्य संघका उपाध्यक्ष नारायण चिमरिया, मारवाडी युवा मञ्चका अध्यक्ष दीपक मित्तल, कृष्ण प्रणामी युवा परिषद्का अध्यक्ष खगेन्द्र कुँवर लगायतको आतिथ्य थियो ।

प्रमुख अतिथि निर्मल भट्टराईले मुख्य रेफ्री खतिवडालाई बल हस्तान्तरण गरेर प्रतियोगिताको उद्घाटन गरेका थिए । समापन समारोहको सञ्चालन वीरता जेसीजका महासचिव बिनोद पाण्डेले गरेका थिए भने जेसीआई मिसन र भिजन वाचन कानूनी सल्लाहकार दिवाकरलाल चौधरीले गरेका थिए । सप्ताह अन्तर्गत प्रथम दिन भएको खुल्ला वेन्च प्रेस र स्क्वाट प्रतियोगिताका विजेताहरुलाई सोही दिनमा बडी ग्यारेजमै पुरस्कार वितरण गरिएको थियो ।

आइत, साउन १३, २०७५ मा प्रकाशित

यसमा तपाइको मत

प्रमुख खबर बाट अन्य

क्यान्सरपीडित एनोजलाई १० लाख बढि सहयोग हस्तान्तरण

बिर्तामोड । १७ बर्षिय क्यान्सरपीडित एनोज राईको सहयोगार्थ सामाजिक स्वयम्सेवक नेपाल मिसन झापाको सक्रियतामा अभियानबाट उठेको १० लाख बढी रुपैयाँ परिवारलाई हस्तान्तरण गरिएको छ । इलाम माइ-नगरपालिका ९ का एनोजलाई बचाउ अभियान अन्र्तगत सामाजिक...

माङहिमलाई सहयोग हस्तान्तरण

कमल ,११ बैशाख । झापाको कमल ७ स्थित मेमेङ टोलमा निर्माणाधिन किरात युमा माङ्हिमको भवन निर्माणका लागि ६८ हजार बढी सहयोग उपलब्ध गराइएको छ । माङ्हिमलाई सहयोग हस्तान्तरण गर्दै अभियानकर्मी केरुङ् युकेमा बदै आएकी कमल ७...

संसफो झापाको नेतृत्व चयन

दमक,११ बैशाख । सत्तारुढ संघीय समावादी फोरम नेपाल ( संसफो )झापा जिल्ला समन्वय समितिको अध्यक्षमा दिपेनवाला राई चुनिएका छन् ।जिल्लाको दमक नगरीमा हिजो सम्पन्न जिल्ला समन्वय समितिको प्रथम अधिबेशनबाट राईको अध्यक्षतामा सर्वसम्मत ४५ सदस्यीय...

सवारी दुर्घटनामा एक जनाको मृत्यु ,४ घाईते

दमक,१० बैशाख । पूर्वपश्चिम राजमार्ग अन्तगर्त झापाको कमल गाउँपालिकामा आज भएको सवारी दुर्घटनामा एक जनाको मृत्यु भएको छ भने ४ जना घाईते भएका छन् । इलाका प्रहरी कार्यालय दमकका प्रहरी नायव उपरिक्षक श्यामल सुब्बाका अनुसार...

नेकपाका झापा इञ्चार्ज बिर्तामोडमा पक्राउ

बिर्तामोड,१० बैशाख । नेत्रविक्रम चन्द ‘विप्लव’ नेतृत्वको नेकपाका झापा जिल्ला इञ्चार्ज सौगात कटुवाल सोमबार साँझ पक्राउ परेका छन् । प्रहरीले जिल्ला इञ्चार्ज कटुवालसहित अर्जुन चौहानलाई बिर्तामोड १ को बिर्तामोड आँखा अस्पताल नजिकैबाट पक्राउ गरेको हो...

हलेसी कृषि सहकारी सञ्चालनमा

दमक,१० बैशाख। यहाँस्थित हलेसी कृषि सहकारी संस्था नयाँ व्यवस्थापनका साथ सञ्चालनमा आएको छ । सोमबार एक कार्यक्रमका वीच सहकारीको औपचारिक रुपमा शुभारम्भ गरिएको अध्यक्ष प्रविण चाम्लिङले जानकारी दिए । दमक ७ राधाकृष्ण मन्दिर क्षेत्रमा स्थापना...

स्थानीय सरकारलाई अधिकार माग्दै अपाङ्गता भएका ब्यक्तिहरु

बुद्धशान्ति । अपाङ्ग भएका ब्यक्तिहरुको छाता संगठन बेरोजगार संघर्ष समिति झापाले झापाका १५ वटै स्थानीय तहमा आउँदो नीति तथा कार्यक्रममा अपाङ्गताको सवालहरु समावेश गर्न माग गरेका छन् । पहिलो चरणको अन्तिम कार्यक्रम अनुरुप शुक्रवार...

मेचीनगर गोल्डकपको उद्घाटनमा आयोजक र दाउफिन्स भिड्ने

बिर्तामोड । अफ्रिकन टोली दाउफिन्स एफसी क्यामरुनले मेची नेत्रालय मेचीनगर गोल्डकपको उद्घाटन खेलमा आयोजक काँकरभिट्टा फुटबल ट्रेनिङ सेन्टरसँग भिड्ने पक्का भएको छ । प्रतियोगिता वैशाख १२ गते काँकरभिट्टा माविको खेल मैदानमा उद्घाटन हुनेछ । आयोजकले...

नेकपा झापाको अध्यक्षमा पाठक र सचिवमा साङपाङ

दमक,९ बैशाख । त्तत्कालीन नेकपा एमाले र नेकपा माओवादी मिलेर बनेको नेपाल कम्युनिष्ट पार्टीको झापा जिल्ला अध्यक्षमा चिन्तन पाठक चयन भएका छन् । सत्तारुढ नेपाल कम्युनिस्ट पार्टी (नेकपा)ले पार्टी एकता भएको झण्डै एक वर्षपछि...

ट्याक्टर दुर्घटनामा सहचालकको मृत्यु

पाँचथर, ९ वैशाख गते । ट्याक्टर दुर्घटना हुँदा पाँचथरको तुम्बेवा गाउँपालिका १ जरायोटार किरुवा सामुदायिक वनमा आज ट्याक्टरका सहचालकको मृत्यु भएको छ । यासोक मौवा कच्चि सडक खण्डमा यासोकबाट मौवा तर्फ जाँदै गरेको मे...