मिस टीन प्रदेश नं. १ प्रतियोगिताका सहभागीे बन्द प्रशिक्षणमा

हाम्रो दमक

बिर्तामोड | वीरता जेसीज बिर्तामोड र बिर्ता मिडिया एण्ड इन्टरटेन्मेन्टको संयुक्त आयोजनामा भइरहेको मिस टीन प्रदेश नं. १ प्रतियोगिताको चौथो संस्करणमा सहभागी प्रतियोगीहरुको बन्द प्रशिक्षण मंगलबारबाट बिर्तामोडमा शुरु भएको छ ।

प्रदेश नं. १ अन्तर्गत झापाको बिर्तामोड, दमक, इटहरी र इलाममा भएको छनौट चरणबाट छनौट भएका २२ जना प्रतियोगीहरु बन्द प्रशिक्षणमा सहभागी छन् । तालिमको उद्घाटन प्रमुख अतिथि वीरता जेसीजका संस्थापक अध्यक्ष जेसीआई सिनेटर गोपालकुमार बस्नेतले गरेका थिए ।

कार्यक्रममा प्रमुख अतिथि बस्नेतले जेसीज नेतृत्व तथा व्यक्तित्व विकास गराउने विश्व विद्यालय भएकोले प्रतियोगिताका सहभागीलाई तालिममा सिकेको कुरा ब्यबहारमा उतार्न आग्रह गरेका थिए । उनले तालिमको बन्द प्रशिक्षणमा रहेका प्रतियोगी बिरामी भए बिर्तामोडस्थित पूर्णटुङ्ग बिर्ता सिटी अस्पतालले निःशुल्क उपचार गर्ने तथा प्रतियोगिताका विजेता, फष्ट रनर अप र सेकेण्ड रनर अपलाई एक वर्षसम्म निःशुल्क उपचार गर्ने घोषणा समेत गरेका थिए ।

वीरता जेसीजका अध्यक्ष एकराज गिरी र वीरता मिडिया एण्ड इन्टरटेन्टमेन्टका निर्देशक एलसी श्रेष्ठको संयुक्त अध्यक्षतामा भएको कार्यक्रममा वीरता जेसीजका तालिम संयोजक तथा कार्यक्रम संयोजक विकास बस्नेतले स्वागत, कार्यकारिणी उपाध्यक्ष मिक्की कार्कीले आस्था वाचन, कार्यकारिणी उपाध्यक्ष मिजास पोखरेलले जेसीआई भिजन, मिसन, जेसीआई नेपाल थिम, जेसीआई वीरता थिम वाचन गरेका थिए ।

त्यस्तै बिर्ता मिडिया एण्ड इन्टरटेन्टमेन्टका निर्देशक एलसी श्रेष्ठले औचित्यमाथि प्रकाश पारेको कार्यक्रममा बिर्तामोड उद्योग वाणिज्य संघका अध्यक्ष कुमार भट्टराई, चेम्बर अफ कमर्स झापाका अध्यक्ष सन्तोषकुमार अग्रवाल, बोस्टन एजुकेशन फाउण्डेशनका सिइओ सुमन शर्मा जमरकट्टेल लगायतले शुभकामना मन्तव्य राखेका थिए ।

कार्यक्रममा सिइओ जमरकट्टेलले प्रतियोगिताको उपाधि विजेतालाई बोस्टन एजुकेशन फाउण्डेशनको सहयोगमा अम्बिका नर्सिङ एण्ड पारामेडिकल कलेज बैंग्लोरले नर्सिङमा शतप्रतिशत छात्रवृत्ति, प्रतियोगिताको फस्ट रनरअपलाई ५० प्रतिशत छात्रबृत्ति र सेकेण्ड रनरअपलाई २५ प्रतिशत छात्रबृत्ति र प्रतियोगितामा सहभागीलाई १५ प्रतिशत छात्रवृत्ति प्रदान गरिने बताए ।

कार्यक्रममा अग्रसेन भवनका अध्यक्ष शिवकुमार अग्रवाल, होटल व्यवसायी संघ झापाका अध्यक्ष भोला उप्रेती, महिला उद्यमी संघ झापाकी अध्यक्ष गोमा भट्टराई, छठ समाज सेवा समिति बिर्तामोडका अध्यक्ष घनश्याम चौधरी, चलचित्र नायक तथा निर्माता गोपाल एक्तेन, मिस टिन पूर्वाञ्चल २०१७ की विजेता प्रजिता पाठक लगायतको आतिथ्य रहेको थियो ।

कार्यक्रममा वीरता जेसीजका अध्यक्ष एकराज गिरीले वीरता जेसीजले नेतृत्व तथा व्यक्तित्व विकास र प्रतिभा प्रस्फुटन गर्ने उद्देश्यले मिस टिन प्रदेश नं. १ प्रतियोगिताको आयोजना गरेको बताए ।

मंगलबारबाट शुरु भएको बन्द प्रशिक्षणमा नेतृत्व तथा व्यक्तित्व विकास, उद्घोषण, पत्रकारिता, ट्राफिक सचेतना, साइबर अपराध न्यूनीकरण सम्बन्धी सचेतना, लागूऔषध दुव्र्यसनविरुद्ध सचेतना, पर्यटन सम्बन्धी जानकारी, जुम्बा डान्स, स्वीमिङ, र्याम्प वाक लगायतका प्रशिक्षण, स्थानीय धार्मिक तथा पर्यटकीय स्थलको भ्रमण गराएर आन्तरिक पर्यटनबारे समेत जानकारी गराइने वीरता जेसीजका शाखा सम्पादक तुलसीप्रसाद निरौलाले बताए ।

बिर्ता मिडिया एण्ड इन्टरटेन्टमेन्टका कार्यक्रम संयोजक राज सुब्बाले धन्यवाद ज्ञापन गरेको कार्यक्रमको सञ्चालन वीरता जेसीजका महासचिव कमलप्रसाद पाण्डे (विनोद)ले गरेका थिए ।

बुध, जेष्ठ १६, २०७५ मा प्रकाशित

यसमा तपाइको मत

पर्यटन/रोजगार बाट अन्य

आदर्श नमूना सामुदायिक वनको २३ औं साधारण सभा सम्पन्न

बुद्धशान्ति । आदर्श नमूना सामुदायिक वन उपभोक्ता समिति बुद्धशान्ति २ र ३ को २३ औं बार्षिक साधारण सम्पन्न भएको छ । शनिबार सम्पन्न साधारण सभाको सभापति समितिका अध्यक्ष तिलनारायण रिजाल थिए भने प्रमुख अतिथि...

अग्रज पत्रकार भण्डारी अन्तराष्ट्रिय भाषा सम्मान पुरस्कारबाट पुरस्कृत

अग्रज पत्रकार तथा बरिष्ठ संञ्चारकर्मी चन्द्र भण्डारी अन्तराष्ट्रिय भाषा सम्मान पुरस्कारबाट पुरस्कृत भएका छन् । भारतको सिलगढीमा “सिलगढी नन्दी तिवारी स्मृति प्रतिष्ठान” द्धारा आयोजित “नन्दी तिवारी स्मृति पुरस्काकार अलङकरण समारोहमा भण्डारी आइतबार सम्मानित हुनु...

युवाहरुको सामुहिक लगानीमा बर्गर हाउस खोल्ने तयारीमा कुसुम

पुर्वी पहाडी जिल्ला धनकुटाको महालक्ष्मी नगरपालिकाका कुसुम तुम्बा यतिबेला युवाहरुको सामुहिक लगानीमा पुर्वको प्रमुख शहर इटहरीमा बरगर हाउस संचालनको तयारीमा संघर्षरत छन । युवाहरूलाई रोजगारी दिलाउने उदेश्यका निम्ति युवाहरूको निजि लगानीमा सो बर्गर हाउस संचालनको...

पुस १४ गतेदेखि २० गतेसम्म लाग्ने धारागोला महोत्सवको तयारी तीव्र

शान्तिनगर। बुद्धशान्ति गाउँपालिका–७ धारागोलामा सात दिवसीय धारागोला भ्यूटावर जरेवर तथा बुद्धशान्ति महोत्सवको तयारी तीव्र पारिएको छ । यही पुस १४ गतेदेखि २० गतेसम्म लाग्ने महोत्सवको तयारी तीव्र पारिएको महोत्सव आयोजक समितिका अध्यक्ष चक्र सेर्माले...

थोप्लेविरानको अध्यक्षमा कृष्ण कोइराला निर्वाचित

धुलावारी । थोप्लेविरान सामुदायिक वनको अध्यक्षमा लोकतान्त्रिक गठबन्धनका कृष्ण कोइराला निर्वाचित भएका छन् । वनको शनिवार सम्पन्न निर्वाचनमा बाम गठबन्धनका प्रत्यासी श्याम पाठकलाई १ सय ३८ को फराकिलो मतान्तरले पछि पार्दै आगामी ३ वर्षका...

प्रदेश एककै नमुना बौद्ध गुम्बाको निर्माण कार्य धमाधम

शान्तिनगर । पूर्वी नेपालको सुगम जिल्ला झापा त्यसमा पनि पर्यटनको धेरै सम्भावना बोकेको बुद्धशान्ति गाँउपालिकालाई विश्वसामु चिनाउन प्रदेश नम्बर एककै नमुना बौद्ध गुम्बा बनाउन थालिएको छ । वडा नम्बर ४ मालामा पढ्ने विद्यालय (सेडा)...

पर्यटनको विकास गर्न सके बुद्धशान्ति संवृद्ध बन्छ

बुद्धशान्ति । तीन तहको राज्य संरचना तय भएपछि कुन स्थानीय निकायमा कस्तो संम्भावना छ ? भनेर त्यसको खोजी गरी संम्भावनालाई यथार्थमा बदलेर संवृद्धशाली स्थानीय निकायमा परिणत गर्न विभिन्न स्थानीय तहका जनप्रतिनिधि कम्मर कसेर लागेका...

पिननिक जानेका लागि उत्कृष्ट गन्तव्य-गोकुलम रिसोर्ट

बिर्तामोड । यो समय पिकनिकको समय हो । पिकनिक जानका लागि तपाई कुनै उपयुक्त ठाउँको खोजीमा हुनुहुन्छ ? यदि त्यसो हो भने एउटा उत्कृष्ट गन्तव्य इटहरी नजिकको गोकुलम रिसोर्ट पनि बन्न सक्छ । जाडो मौसम सुरु...

मजदुर संगठनहरुको तालाबन्दी सम्बन्धमा वार्ता गर्न टानले बनायो वार्ता समिति

काठमाडौँ । ट्रेकिंङ एजेन्सी एसोसिएसन अफ नेपाल (टान)ले सचिवालयमामा पर्यटन मजदुर संगठनहरुले गरेको तालाबन्दी सम्बन्धमा आफ्नो धारणा सार्बजनिक गरेको छ। सचिवालयमामा नेकपाको जिफन्ट सम्बद्द युनिकार्भ तथा अखिल नेपाल पर्यटन श्रमिक संघ र कांग्रेस निकट नेपाल...

नेपाली सेनाले खुलायो यत्रो संख्यामा भर्ना

काठमाडौँ। नेपाली सेनाले बिभिन्न पदमा भर्ना खुलाएको छ। कल्याणकारी योजना निर्देशनालय , जंगी अड्डाले बिशेषगरी स्वास्थ्य क्षेत्रमा आवश्यक बिभिन्न पदमा जनशक्ति भर्नाका लागि आबेदन खुला गरेको हो हेर्नुहोस बिज्ञापन : ...