‘हाटखोलाको बिषय अव पाँच दलको नै मुद्दा बन्यो’

  • प्रकाशित मिति : शनिबार, जेष्ठ १२, २०७५




  • दमक,१२ जेठ / विवादित बनेको दमक–७ स्थित हाटखोलाको सुकुम्बासी बस्तीको विषय अव स्थानीय पाँच दलको मुद्दा भएको दलीय नेतृत्वले जिकीर गरेका छन् ।
    नगरपालिकाले हाटखोलाका सुकुम्बासी बस्तीमा डोजर लगाएर उठिबास गराउन उद्दत भएको भन्दै अव यसको छिनोफानो पाँच दलले लिने प्रतिवद्धता जनाएका छन् ।
    शनिवार हाटखोलाका सुकुम्बासी बस्तीमा एक कार्यक्रम गरि दलका नेतृत्वले हाटखोला बस्तीको माग सम्बोधन गर्न पाँच दलले अव शान्तिपूर्ण ढंगले लडाई लडेको उद्घोष गरे । यस वस्तीको न्यानोचित माग विरुद्ध नगरपालिकाले अव पनि शक्तिको हर्कत देखाए त्यसको परिणाम राम्रो नहुने समेत उनीहरुको चेतावनी थियो ।
    विरोध सभामा बोल्दै संघीय संसद सदस्य महेन्द्रकुमारी लिम्बुले स्थानीय सरकारले मनपरि गर्ने अधिकार संविधानले कसैलाई नदिएको बताईन् । हाटखोलाका बस्ती नगरपालिकाको स्वामित्वमा नभएको जिकीर गर्दे उनले भनिन्,–‘ सुकुम्बासीले बर्षोदेखि त्यहाँ बसोबास गरिआएका छन्, नगरपालिकाले षडयन्त्रपूर्वक ढंगले जमीन हडप्ने कार्य मान्य हुदैन् ।’ त्यस बस्तीमा विकासका पूर्वाधार वनाउने नगरपालिकाको योजना राम्रो भएपनि त्यहाँका विवाद समाधान नगरि नगरपालिका अघि बढ्ेका कारण समस्या चर्किएको उनको भनाई थियो । उनले अव यहाँको विवाद सुकुम्बासीका लागि मात्र नभएर नगरका सिंगो पाँच्च दलको नै मुद्या बनेको बताईन् । उनले नगरपालिकाले सत्ताका आँडमा जनता तर्साउने काम त्तत्काल बन्द गरि संवादका माध्यमबाट विवाद सुल्झाउन नगर सरकार अविलम्ब सच्चिन सुझाव दिइन् ।
    सांसद लिम्बुले हाटखोलामा विजुली गत जेठ ५ गतेदेखि काटिएकाले अव विद्युत प्राधिकरणले विना सर्त विजुली पुनः नजोडे प्राधिकरण विरुद्ध जनता उर्ताने समेत चेतावनी दिइन् ।
    त्यस्तै, संघीय समाजवादी फोरमका प्रतिनिधि खेम दाहाल, संघीय लिम्बुवान पार्टीका नगर अध्यक्ष याम लिम्बु, राष्ट्रिय जनमुक्ति पार्टीका नगर सचिव अविन लिम्बुलगायतका दलीय प्रतिनिधिले नगरपालिकाले गरिव वस्तीमाथि बलपूर्वक दमन गरि घरटहरा भत्काउने कार्यको निन्दा गरेका थिए । उनीहरुले अव यस मुद्दा सुकुम्बासीका लागि मात्र नभएर यहाँका पाँच राजनीतिक दलका लागि नै मुख्य मुद्या बनेको बताएका थिए ।
    गत जेठ ५ गते नगरपालिकाले त्यस वस्तीका ३५ घरटहरा डोजर लगाएर भत्काउन शुरु गरेपछि त्यहाँको विवाद झनै बढ्दै गएको छ । स्थानीय सरकारको नेतृत्वमा रहेको नेकपा र राप्रपाबाहेक अन्य दलहरु त्यस कार्य विरुद्द आन्दोलित हुदै आएका छन् ।

    यसैगरि आजनै नगरपालिकाको बोर्ड बैठक जारी छ । स्रोतका अनुसार बैठकमा हाटखोलासहित पाँच दलले उठाएका भूमि,शिक्षा नियमावली,कानुन खारेजी माग गरेको सम्बन्धमा समेत छलफल हुने छ । नगरपालिकाले संविधानत आफै सरकार भएकाले आफना कानुन आफै बनाउन पाउने जिकीर गरिआएको छ । सत्ता बाहिरका दलहरुले भने सत्ता बाहिरका दलहरुका सुझाव,सहभागितालाई पनि समावेश गर्न माग गरिआएका छन् ।

    सम्बन्धित समाचार


    भर्खरै


    हाम्रो टिम

    संचालक/सम्पादक– रोशन कट्टेल
    कार्यकारी सम्पादक– विष्णु सुब्बा
    सह सम्पादक– नगेन्द्र न्यौपाने
    ब्यवस्थापक– खेमराज जम्मर कट्टेल
    समाचार डेक्स– तारा शर्मा, आयुष निरौला
    समाचार प्रतिनिधि– रमेश ओझा [द.कोरिया], सबिता सापकोटा [पोखरा], केशब पाण्डे [काठमाडौँ], प्रकाश सिग्देल [युएई]

    हाम्रो बारेमा

    परीक्षित मिडिया प्रा.ली. द्वारा संचालित यो हाम्रोदमक डटकम वेवसाइट आधिकारिक न्यूज पोर्टल हो । नेपाली भाषाको यो पोर्टलले बिशेस गरेर पूर्वी नेपाल र दमक आसपासका समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आरोह अवरोहका समाचार र विश्लेषणलाई समेट्ने कोशिस गरेको छ । तपाईलाई सूचनाको अधिकार संग नजिक जोड्न हामी निरन्तर [...]

    सम्पर्क

    परीक्षित मिडिया प्रा.लि.
    प्रधान कार्यालय- दमक-०९, झापा
    सुचना विभाग दर्ता नम्बर : ३४०/०७३-७४
    बिज्ञापन:
    [email protected]


    Hamro Damak

    © copyright 2016-2019 and all right reserved to Hamro Damak | Site By : SobizTrend Technology