राजनितिक आस्थाको आधारमा न्यायमा कसैलाई विभेद गरिने छैन: उपाध्यक्ष भुर्तेल

हामी प्रतिनिधी जनताकै लागि हो । तपाईंहरुसँग गरेका प्रतिवद्धता पुरा गर्नेछौं । हामी कटिबद्ध भएर लागिरहेका छौ ।

आयुष निरौला

मीरा भुर्तेल राजनीतिमा एक इमान्दार नेतृका रुपमा परिचित नाम हो । राजनीतिमा लागेर सामाजिक गतिविधिमा क्रियाशिल भुर्तेल लामो समयको राजनीतिक तथा सामाजिक गतिविधि, जनताको पक्षमा सदैव उभिने चरित्रले गर्दा इमान्दार नेतृको छविले चिनिएकी हुन् । जनताको विश्वास र माया पाएकी भुर्तेल बुद्धशान्ति गाउँपालिकाकी उपाध्यक्ष छिन् । बुद्धशान्ति गाउँपालिकामा न्याय सम्पादनको पाटो के कस्तो छ ?, गाउँपालिकाले के कसरी आफ्नो गतिविधि अगाडि बढाइरहेको छ ? यसै सेरोफेरोमा बुद्धशान्ति गाउँपालिका उपाध्यक्ष मीरा भुर्तेलसँग सहकर्मी आयुष निरौलाले गरेको कुराकानी

गाउँपालिकाको उपाध्यक्षमा निर्वाचित हुनुभएको करिब १० महिना भयो, अनुभव के कस्ता रहे ?

– अनुभव भन्दा पनि क्षेत्राधिकार भित्र रहेर जनताका काम चुस्त दुरुस्त रुपमा प्रभावकारी ढङ्गले अगाडि बढाउने कार्यमै व्यस्त रहें । उपाध्यक्षको क्षेत्राधिकार न्याय सम्पादन तथा सामाजिक कामसँगै जोडिएकोले त्यस्तै कुरामा हिजोको दिनमा राजनितिक रुपमा गरेका कामहरु सामाजिक क्रियाकलापहरुको अनुभवलाई अहिले केही हदसम्म भएपनि सदुपयोग गरिरहेको छु ।

जनताले महसुस गर्ने खालका कामहरु के कस्ता भए ?

– जनप्रतिनिधिहरु निर्वाचित भइसके पछि प्रत्यक्ष अप्रत्यक्ष रुपमा जनताप्रति हामी उत्तरदायी बनेका छौं । रोकिएका कामहरु, बिसौं बर्ष अगाडि कागजमा मात्र सिमित भएका कुराहरु व्यवस्थापन गर्न, अत्यावश्यक कुराहरु जस्तै बाटोघाटो, बिजुली र सरसफाईलाई प्राथमिकताका साथमा अगाडि बढाउने र महिला, पिछडिएका वर्ग, आदिवासी जनजाती, दलित सबै वर्ग र तहका समुदायलाई नेतृत्व विकास, उद्धमशिलता जस्ता कुराहरुमा आत्मनिर्भर बनाउने कार्यमा गाउँपालिकाले र स्वयम् मैले उपाध्यक्षको कोषलाई व्यवस्थापन गरी अगाडि बढाउने कार्य भइरहेको छ । जनताले प्रत्यक्ष महसुस गर्नेगरी विकास निर्माणका कार्यमा लागिरहेका छौं ।

उपाध्यक्षको विशेष क्षेत्राधिकार न्याय सम्पादनलाई दिएको छ । न्याय सम्पादनको पाटो कसरी अगाडि बढाउँदै हुनुहुन्छ ?

– न्याय सम्पादन अन्र्तगत झट्ट हेर्दा श्रीमान्–श्रीमति बीचको असमझदारी, छिमेकी छिमेकीको जग्गा सिमाना, विवाद लगायतका विषयमा अलि बढि उजुरीहरु आउने गर्छन् । त्यसलाई सकेसम्म स्थानीय गाउँसमाजमा निराकरण गर्ने भएन भने गाउँपालिकामा सर्वपक्षीय भेलाबाट मेलमिलाप गराउने र अझै जटिल केशहरु इ.ला.का. प्रहरी कार्यलय, वकिलको सल्लाहमा व्यवस्थापन गर्ने गरेका छौं । राजनीतिक आस्थाका आधारमा कसैलाईपनि भेदभाव गरेका छैनौं ।

केहि कानूनहरु निर्माणाधिन अवस्थामा रहेका छन्, कानून बनिनसकेको अवस्थामा न्याय सम्पादनमा के कस्ता जटिलताहरु आएका छन् ?

– यो महत्वपूर्ण प्रश्नका लागि धन्यवाद आयुष भाई । स्थानीयतहलाई व्यवस्थापन गर्दै कार्यसम्पादन गर्नु अहिलेको जटिल एव्म ठूलो अवसर पनि हो । केन्द्रबाट पनि सम्पूर्ण क्षेत्राधिकार सहितको कानून नआउँदा धेरै कुराहरुको अन्योल कायमै छ । र ती कानूनहरु आएपछि जटिलताहरु हटेर जानेविश्वास लिएका छौ ।

यो अवधिसम्म कति मुद्धा आए, कति फरछ्यौट भए ? साथै पीडामा भएका महिलाहरु जो खुलेर आफ्ना समस्या राख्न सक्दैनन् उनीहरुलाई के भन्न चाहनुहुन्छ ?

– अहिले हामी आएदेखि हाम्रो गाउँपालिकामा सय भन्दा बढी मुद्दा आइसकेका छन् भने २२ वटा फर्छयौट भइसकेका छन् । हाम्रो गाउँ परिषद्ले न्यायीक समितिको २०७४ कानून पास गराइसकेका छौं । म प्रत्येक ठाउँमा जाँदा घरेलु हिंसामा परेका लगायतका घटनाहरुको बारेमा बुझ्ने गरेको छु । बुद्धशान्ति गाउँपालिकामा न्यायिक समिति गठन भइसकेको छ । अब त्यस्ता समस्या भए गाउँपालिकामा आउनु भनेको छ । त्यस्ता गुनासालाई हामी सुक्ष्म तरिकाले अध्ययन गरेर न्याय दिलाएरै छाड्नेछौ । समस्या भएका महिलाहरुलाई निर्धक्क भएर आप्mनो वडा साथै गाउँपालिकाको कार्यालयमा आउन साथै मलाई भेटेरै जतिखेर पनि भन्न सक्नुहुन्छ भनेको छु । समस्या लुकाउने होइन खुलाउन सक्नुपर्छ महिलाले ।

भावी योजनाहरु के कस्ता रहेका छन् ?

– अब भावी योजना त्यस्तो केही बनाउनुपर्छ जस्तो लाग्दैन । किनभने निर्बाचनका बेला नै हामीले घोषणपत्र सार्बजनिक गरिसकेका छौ । जुन घोषणपत्र र हाम्रो कार्यशैलीलाई सम्मान गर्दै जनताले भोट दिएर हामीलाई जिताएका हुन र ती कुराहरुलाई अक्षरसः पालना गर्नु हाम्रो दायित्व र जिम्मेवारी हो । त्यसबाहेक पनि शिक्षा, स्वास्थ्य, खानेपानी लगायत आधारभूत कुराहरु नै हाम्रो पहिलो प्राथमिकतामा छन् । अभावकै कारणले उपचार नपाएर कसैले मर्नु हुदैन र बालबालिकाले शिक्षाबाट बञ्चित हुनु हुदैन, त्यो राज्यको जिम्मेवारी पनि हो । र त्यो जिम्मेवारीलाई पूरा गर्ने पक्षमा छौ । जनताले सरकारको महसुस गर्दै अपनत्व ग्रहण गर्ने वातावरण निर्माण गर्छौ ।

बुद्धशान्तिलाई कसरी हेर्नुभएको छ ?

– बुद्धशान्ति पहिलो त नामै काफी छ । तराईको समथर भू–भागबाट छोटो दूरीमा रहेको सानासाना पहाडहरु तराइका फाँटहरु , पर्यटकीय क्षेत्रहरुमा पनि अझ बढि सम्भावना बोकेको पूर्वी नेपालको झट्ट हेर्दा सुगम जस्तो देखिने भएता पनि भौगोलिक कारणले केही प्राबिधिक समस्याहरु छन् । कृषिमा भन्ने हो भने उत्पादनशील राम्रो क्षेत्रको रुपमा कहलिएको छ । किसानका आप्mनै समस्या, ती समस्यालाई सम्बोधन गर्न ठूलो धनराशि खर्च गर्नुपर्ने अवस्था देखिन्छ । सिचाँईको समस्या, हात्तीको समस्या, मलबिउको समस्या भौगोलिक कारणले गर्दा प्रविधिको उच्च प्रयोग गर्न नपाइरहेको अवस्था रहेको छ । यसलाई सम्बोधन गर्न प्रदेश सरकार, केन्द्रीय सरकारसँग सहकार्य गर्दै सबैकुराको निराकरण गर्न हामी लागीपरेका छौ ।

तपाँई एक महिला हुनुहुन्छ र उपाध्यक्ष पदमा रहँदै गर्दा यस क्षेत्रका महिलाहरुले के कस्ता अवसरहरु प्राप्त गर्न सके त ?

– महिलाको विषयमा मैले त्यतिखेर पढेका इतिहासलाई म सम्झन्छु । जतिबेला मेरो हजुरबाको मृत्यूहँुदा हजुरआमाले सति जानुप¥थ्यो । इतिहासलाई नी हेर्नेहो भने र त्यती बेलाको हाम्रो संस्कारलाई हेर्ने हो भने अहिले पनि महिलाहरु सति प्रथा हटेर गए पनि भावनात्मक रुपमा र कानूनी रुपमा महिलाहरु बलियो भएका छन्, तर व्यवहारिक रुपमा आजपनि ठूला समस्याहरु रहेका छन् । ती समस्याहरु कति महिलाबाट सिर्जित भएका छन् कति पूरुषबाट । सामाजिक रुपमा महिला र पूरुषले आपूm प्रतिको जिम्मेवारीलाई ग्रहण गर्न नसकेसम्म कुनैपनि अवसरले महिलाको स्तर समान हुन्छ भन्ने पक्षमा म छैन । महिलाहरुलाई अगाडि बढाउन गाउँपालिकामा उद्घोषण तालिम, नेतृत्व विकास र महिला शसक्तिकरण तालिमहरु दिइरहेका छौ । त्यसैगरी सति गांैडा जस्ता क्षेत्रहरु बुद्धशान्तिमा छन् त्यस्ता पर्यटकीय क्षेत्रहरुबाट पनि महिला दिदीबहिनीहरुले आपूmलाई स्थापित गर्न इतिहास कोर्न आवश्यक छ । समय परिवर्तन भएको छ । कोही मर्दा कोही दाउरा बन्नु पर्दैन अब क्षमता निर्माण गरौं समृद्धिको बाटोमा लागौं । गाउँपालिकाले महिलालाई अझै के गर्नुपर्छ आऔं बसेर छलफल गरौं । महिलाको क्षेत्रमा मात्र होइन सबै पक्ष, वर्गका लागि हामी काम गर्न आएका हौं । म राम्रो कामका लागि सदैव साथ दिने उपाध्यक्ष हुँ ।

अन्त्यमा के भन्न चाहनुहुन्छ ?

– तपाईंहरुसँग गरेका प्रतिवद्धताहरु हामी अबश्य पूरा गछौं । धैर्य गर्नुभएको छ, जसका लागि म आभार प्रकट गर्छु । २० वर्षपछि भएको निर्वाचनबाट यहाँहरुले धेरै अपेक्षा गर्नु, र छिटोछिटो काम होस् भन्ने चाहनु ठिकै हो । हामी प्रतिनिधी जनताकै लागि हो । तपाईंहरुसँग गरेका प्रतिवद्धता पुरा गर्नेछौं । हामी कटिबद्ध भएर लागिरहेका छौ । हामीले गर्नुपर्ने काम कर्तव्य अधिकार भित्र रहेर पुर्वाधार निर्माण र जनताको समस्या समाधन गर्नेछौं । नीति, नियम, कानून, बजेट र समयावधिका आधारमा हाम्रा अपेक्षाहरु पनि पक्कै पूरा हुनेछन् । म प्रतिवद्ध छु, गाउँबासीले साथ र सहयोग दिनुभयो भने घोषणापत्रमा उल्लेख भएका काममात्र होइन, देशकै नमूना गाउँपालिका निर्माण गर्न योजनाहरु ल्याइनेछ ।

पूर्वेली साप्ताहिकबाट

शुक्र, बैशाख २१, २०७५ मा प्रकाशित

यसमा तपाइको मत

फिचर समाचार बाट अन्य

गौरादहको खानेपानीलाई नमुना खानेपानी बनाउन सकिन्छ – देबेन्द्र खड्का (सचिव पदका उम्मेद्धार गौरादह खानेपानी)

झापाको गौरादह खानेपानीमा नयाँ कार्यकालको लागी यही चैत्र १६ गते निर्वाचन हुन गइरहेको छ । आसन्न निर्वाचनमा लोकतात्रिक समुह र प्रगतिशिल समूह वीच कडा प्रतिस्पर्धा हुने देखिएको छ । सचिवमा लोकतान्त्रिक समूहको तर्पmबाट...

नेकपा झापाको स्थानीय तहको नेतृत्वमा को को परे ?

झापा, ४ चैत । नेकपा कार्यदलले झापाका १५ वटै स्थानीय तहका लागि नेतृत्व चयन गरि नाम सार्व जनिक गरेको छ ।  झापाका १५ वटा स्थानीय तह मध्ये ९ वटा स्थानीय तह एमालेको पोल्टामा परेका...

केही सपना अधुरै छन्, म पुनः उम्मेदवार भएको छुः बाबुराम भण्डारी

  झापाको गौरादह खानेपानीमा नयाँ कार्यकालको लागि यही चैत्र १६ गते निर्वाचन हुन गइरहेको छ । आसन्न निर्वाचनमा लोकतात्रिक समूह र प्रगतिशिल समूह बीच प्रतिस्पर्धा हुने देखिएको छ । प्रगतिशील समूहले प्यानल घोषणा गरेर अगाडि...

स्थानीय तहकै मिलेमतोमा खोलाहरुको चरम दोहन

झापा, १ चैत । जिल्ला अनुगमन समिति झापाले स्थानीय तहकै मिलेमतोमा ठेकेदारबाट खोला दोहन भइरहेको जनाएको छ । जिल्ला समन्वय समितिका प्रमुख सोमनाथ पोर्तेलको संयोजकत्वमा झापामा गठन भएको अधिकार सम्पन्न अनुगमन समितिले बिहीबार पत्रकार...

किरात माइक्रोफाइनान्सका सञ्चालक विरुद्ध ठगीको उजुरी

दमक ,२९ फागुन । माइक्रोफाइनान्स सञ्चालनका लागि संकलन गरिएको लाखौ रकम सञ्चालकहरुले मनखुसी खर्च गरेको पाईएपछि किरात माइक्रोफाइनान्सका शेयर सदस्यहरु विचल्लीमा परेका छन् । इलाममा केन्द्रीय कार्यालय राख्ने गरि पाँच वर्ष अघि शुरु गरिएको प्रस्तावित...

जथाभावी शाखा सडकले दुर्घटनाको जोखिम

दमक,२७ फागुन। झापामा पूर्वपश्चिम लोकराजमार्गसंग जोड्ने शाखा सडकहरु खुल्ने क्रम बढेसंगै दुर्घटना समेत बढ्दै गएको छ । घडेरी व्यापारी र सर्वसाधारणले समेत आफ्नो घर जग्गासम्म पुग्न सहजताका लागि जथाभावी छोटो छोटो दुरीमै सडक खन्नाले...

सुखानीमा ओली र प्रचण्डले सम्बोधन गर्ने

बिर्तामोड,१९ फागुन । पार्टी एकता पछि नेकपाका दुई अध्यक्षले एकै मञ्चबाट यो पटक झापाको सुखानी शहिद स्मृती दिवसलाई सम्बोधन गर्ने भएका छन् । फागुन २१ गते झापाको खुदुनाबारी र इलामको दानावारी नजिकैको सुखानी जंगलमा रहेको...

घैलाडुब्बा सबस्टेसन सञ्चालनमा

झापा, १८ फागुन । झापाको सुरुङ्गा, घैलाडुब्बा, कुमारथोक,राजगढ लगायतका स्थानमा विद्युत आपूर्तिलाई व्यवस्थित,भरपर्दो र प्रभावकारी बनाउन निर्माण गरिएको घैलाडुब्बा सबस्टेसन संचालनमा आएको छ । सरकार, नेपाल विद्युत प्राधिकरणको लगानी र एसियाली विकास बैकको सहुलितपूर्ण...

सम्झनामा विकासप्रेमी र समन्वयकारी प्रशासक दाहाल

दमक,१६ फागुन। ताप्लेजुङमा बुधबार भएको हेलिकोप्टर दुर्घटनामा ज्यान गुमाएका उपसचिव युवराज दाहालको निधनले दमक स्तव्ध भएको छ। यो नगरपालिकासँग दाहालको नाता र यहाँ उनले गरेका कामले नगरवासीले उनलाई सम्झिरहेका छन्। नगरप्रमुख रोमनाथ ओलीले दाहालमा सबैलाई...

झापामा निजी वनमा किसानको आकर्षण

झापा,१६ फागुन । झापामा नीजि वन प्रति किसानको आर्कषण बढ्दै गएको छ । वनको आर्कषणसंगै दक्षिणी क्षेत्रमा लगाइएको निजी वन हेर्न यतिबेला विभिन्न स्थानबाट किसान आउने बढ्दै गएका छन् । गौरीगञ्जमा स्थानीय भेषराज लोहनीको...