यो वर्षको प्राथमिकता शिक्षा र स्वास्थ्य-बुद्धशान्ति गाउँपालिका अध्यक्ष भुजेल

हाम्रो दमक

बुद्धशान्ति । संघीयता कार्यान्वयनका लागि ३ तह ( स्थानीय निकाय, प्रदेश र केन्द्र सरकार ) को निर्वाचन सम्पन्न भएर देश नयाँ स्वरुपबाट सवृद्धिको बाटोमा लम्किएको छ । केन्द्रीकृत शासन प्रणाली अव विकेन्द्रीकरणको माध्यमबाट सञ्चालन भएको छ । जनताको प्रत्यक्ष सरोकारका विषयदेखि शुक्ष्म र वृहत मानिने हरेक गतिविधि स्थानीय निकायबाट सम्भव भएको छ । जनताले प्रत्यक्ष अनुभुत गर्ने गरीका विकास निर्माणका गतिविधि देखिने क्रम पनि नेपालमा सुरु भएको छ । यद्यपी संघीयता कार्यान्वयनको चरणमा भएकाले अझै पनि तीन तहकै संरचनामा केही कुरा सिकाइकै विषय बनिरहेको यथार्थ पनि छ । तर पनि स्थानीय निकायहरुले कार्यसम्पादन गरेको ९ महिनाको समयमा केही स्थानीय निकायले अल्पकालिन तथा दिर्घकालिन कार्यहरुमा गतिलै फड्को मारिसकेका छन् । स्थानीय निकाय अन्र्तगत बुद्धशान्ति गाउँपालिकाले ९ महिनाको अवधिमा अत्पकालिन तथा दिर्घकालिन योजनाका विषयमा गरेका कार्यहरुका विषयमा गाउँपालिका अध्यक्ष रमेश भुजेलसँग पूर्वेली साप्ताहिकका सम्पादक अनिल वाग्लेले गरेको कुराकानीको अंश सक्षेपमा …

रमेश भुजेल अध्यक्ष, बुद्धशान्ति गाउँपालिका

कार्यकाल सम्हालेको नौ महिनाको अवधिमा के–के कार्य भए ?

संघीयता कार्यान्वयनको चरण हो यो । जनताको काम गर्न हामी गम्भिर बनेर लागेका छौं । सेवा र विकासका कार्यलाई हामीले चुस्त ढंगबाट अगाडी बढाएका छौं । वितेको ९ महिनाको अवधिमा हामीले गाउँपालिकाबाट हुनेकार्यलाई सहज रुपमा सम्पन्न गर्ने प्रयत्न गर्यौं । यो समयलाई गाउँपालिका र वडाहरुले सिकाइको समयका रुपमा पनि लिनु पर्यो । तर पनि वर्ष २०७४ मा हामीले सडकको क्षेत्रमा बढी ध्यान केन्द्रीत गरेका थियौं । यस गाउँपालिका क्षेत्रका सडकहरुको स्तरउन्नती गर्नेकार्यलाई हामीले पहिलो प्राथमिकतामा राख्यौं । सडक विस्तारको क्रममा नयाँ ट्याकहरु खोल्न सफल पनि भएका छौं । धेरै सडकहरुमा ए ग्रेडको ग्राभल भएको छ । ह्युमपाइप लगाउने, विजुलीका पोल नपुगेका ठाउँमा पु¥याउने कार्य भए । ठुटेवरबाट गौंडा, जोरकलशबाट डोरबहादुर काफ्लेको घरसम्म, कुरुंग खोलाबाठ ऐयावारी सम्म, भोटेटार क्षेत्रमा सडकको नयाँ ट्रयाक खोल्ने कार्य भएको छ । सडकको अवस्था राम्रो हुँदामात्र सहजता आउँछ भन्ने कुरालाई हामीले बुझेर नै सडक विस्तार र नयाँ ट्रयाक खोल्नेकुरालाई प्राथमिकतामा राखेका छौं । अरु थप विकास निर्माणका कार्य र वडा तथा गाउँपालिकाबाट जनतालाई प्रदान गर्ने सेवा सुविधालाई प्रभावकारी र सहज बनाउन हामीले ठूलै प्रयास गरेका छौं ।

यो वर्षमा चाहिँ खास के कार्य गर्ने सोच बनाउनु भएको छ ?

यो वर्ष हामीले शिक्षा र स्वास्थ्यलाई पहिलो प्राथमिकतामा राखेका छौं । यो विषय जनताको आधारभुत कुरा हो । जव जनताको आधारभुत कुरा परिपुर्ति हुन्छ तव मात्र संवृद्धि छाउँछ । संवृद्धिका लागि यो वर्ष गाउँपालिकाले मुख्य गरी शिक्षा र स्वास्थ्यको पाटोमा महत्वपूर्ण कार्य गरेर उपलब्धि हात पार्ने लक्ष्य राखेको छ ।

क्षा र स्वास्थ्यलाई पहिलो प्राथमिकतामा राख्नुभएको रहेछ, के– के कार्य हुन्छ त यी कुराहरुमा ?

पहिलो कुरा शिक्षा, यस विषयमा गाउँपालिकाले आगामी बजेटमा पर्याप्त बजेट विनियोजन गर्ने सोच राखेको छ । सामुदायिक विद्यालयहरुको मोह सर्वसाधारणमा जगाउन र सामुदायिक विद्यालय प्रति अभिभावकको विश्वास पैदा गराउन सर्वप्रथप जरुरी छ । सामुदायिक विद्यालयलाई प्रभावकारी बनाउन सम्बन्धित सबै पक्ष गम्भिर बन्न जरुरी छ । बुद्धशान्ति गाउँपालिकाको तर्फबाट सामुदायिक विद्यालयको शैक्षिक अवस्था माथि उठाउन महत्वपूर्ण पहलकदमी यो वर्ष हुनेछ । दरवन्दी कम भएका विद्यालयमा दरवन्दी थप गर्ने, शिक्षकको अभाव अझै रहे अस्थायी, करारमा शिक्षकको व्यवस्था गरेरै भएपनि शिक्षकको कमी हुन नदिने योजना छ हाम्रो । विद्यालयमा यसै वर्षबाट इलेक्ट्रोनिक मेसिनबाट शिक्षकको हाजिर गर्ने व्यवस्था गरिने छ । ११ र १२ को कक्षा पनि दिनमा नै सञ्चालन हुनेछन् । सामुदायिक विद्यालयहरुमा अंग्रेजी माध्यमलाई प्राथमिकतामा राखेर कार्य अघि बढाइनेछ । हामीले अव सामुदायिक विद्यालयहरुलाई निरन्तर निगरानीमा राख्नेछौं । हालै पनि हामीले छड्के अनुगमन गरेर सामुदायिक विद्यालयको अवस्था र शिक्षकको गतिविधि अध्ययन गरेका छौं । कमी कमजोरी भेटिएका ठाउँमा लिखित स्पष्टीकरण दिनु भनेर निर्देशन दिएका छौं । विद्यालय समयमा शिक्षक अनिवार्य रुपमा आएर पढाएकै हुनुपर्नेछ ।

अर्को तर्फ स्वास्थ्य, यो पक्षमा पनि हामी लागि परेका छौं । सरकारले निशुल्क वितरण गर्दै आएका औषधीको अभाव हुन नदिन हामी गम्भिर रुपमा लाग्छौं ।

गाउँपालिकाले स्वास्थ्यमा पनि प्रर्याप्त बजेट विनियोजन गर्ने सोच बनाएको छ । शान्तिनगरमा वर्थिङ सेन्टर सञ्चालनमा छ । यसलाई अझ स्तरीय बनाउन हामी लाग्छौं । गर्ववती महिलाहरुका लागि भिडियो एक्स–रेको व्यवस्था गाउँगाउँमा पु¥याउँछौं । समय निर्धारण गरेर भिडियो एक्स–रे मेसिन विभिन्न ठाउँमा लैजान्छौं, जहाँ जान्छ मेसिन त्यहाँका गर्भवती महिलाहरुले त्यहिँबाट सेवा लिन्छन् । स्वास्थ्य चौकीको अपग्रेड गर्ने कुरामा हाम्रो प्रयास जारी रहन्छ । स्वास्थ्य चौकीको सेवा थप प्रभावकारी बनाइन्छ ।

तपाईंले पदभार ग्रहण गरेपछि पहिलो निर्णयका रुपमा अस्पताल बनाउने भन्नेमा हस्ताक्षर गर्नुभएको थियो त्यो काम चाहिँ कहाँ पुग्यो ?

हो, मैले पदभार ग्रहण गरे लगत्तै अस्पताल बनाउने कुरा समेटिएको पत्रमा हस्ताक्षर गरेको थिँए । त्यो कार्य मेरो प्राथमिकताको विषय हो । जग्गा प्राप्त गर्ने चरणमा छौं । प्रर्याप्त जग्गा पाउने वित्तिकै २५ शैयाको अस्पताल निर्माण कार्य शुरु हुन्छ । जग्गा दिने केही जग्गादाता सम्पर्कमा आउँदै हुनुहुन्छ ।

पर्यटनको प्रचुर सम्भावना बोकेको बुद्धशान्तिमा पर्यटन चाहि“ प्राथमिकतामा पर्दैन ?

पर्यटन हाम्रो प्राथमिकतामा नै परेको विषय हो । यसका लागि पनि हामीले गतिलै कार्य गरिसकेका छौं । चुनाव ताका एमालेले भनेको केवलकारको अवधारणालाई हामीले पनि राम्रो अवधारणाका रुपमा लिएर सो बारे कार्य थालिसकेका छौं । बुद्धशान्ति ६ को अचलेश्वर मन्दिरबाट रोङ गाउँपालिकाको पाथिभरासम्म पुग्ने केवलकारको फिजिवीलिटी अध्ययनको कार्य सम्पन्न भइसकेको छ । करीव १ अर्वको लागतमा त्यहाँ केवलकार निर्माण गर्न सकिने कुरा त्यो अध्ययनले देखाएको छ । त्यहाँवाट केवलकार सञ्चालन हुनसक्ने पुष्टि भएको छ । केवलकार निर्माणका लागि ठूलो लगानी कर्ताको आवश्यकता पर्नेहुँदा हामीले लगानी कर्ताको खोजी गरिरहेका छौं । ठुटेवरमा बन्छीजम्पको पनि यसैवर्ष डिपीआर तयार गर्नेछौं । त्यहाँबाट बन्छीजम्प गराउन सकिने कुरा आएको छ । त्यसलाई पनि हामीले प्राथमिकतामा राखेका छौं । कमेरे माउन्टेन, भ्यू टावरको विकासमा पनि गाउँपालिकाले वजेट दिएको छ । वुद्धशान्ति ३ मा रहेको आदर्श नमुना सामुदायिक वन क्षेत्रमा पर्यटकीय क्षेत्रको विकासमा पनि गाउँपालिका लागेको छ ।

सरकारले तीन खम्बे अर्थनीति अवलम्बन गरेको छ, सरकारी, निजी र सहकारी । बुद्धशान्तिमा पनि धेरै सहकारी छन् यस विषयमा के तयारी छ ?

सहकारी पनि एउटा महत्वपूर्ण क्षेत्र हो । यसका लागि पनि हाम्रो ध्यान केन्द्रित छ । हामी सहकारी नियमावली चाँडै निकाल्दै छौं । यसले सहकारीको पाटोमा धेरै कुरा गर्छ ।

गाउँपालिकाले प्रदान गर्ने सेवा र दिने सुविधामा ढिलासुस्ती हुन्छ भन्ने जनताको गुनासो छ नि ?

हामीले चाहेर ढिलासुस्ती गरेकै छैन । जनताको सेवालाई चुस्त र छिटो बनाउन हामी लागि परेका छौं । केही कुराको पनि पकृया हुन्छ । ती पकृया त जनताले पूरा गर्नुपर्छ नि । हामी पनि नयाँ छौं, हामीले पनि धेरैकुरा सिकिरहेकै पनि छौं । यहाँबाट प्रदान गरिने सेवालाई छरितो पार्ने कार्य जारी छ । पहिले पनि सामाजिक कार्य गर्ने सामाजिक कार्यकर्तालाई भन्न चाहन्छु । जनप्रतिनिधि नहुँदा मानौं ५० हजारको कार्य गर्दा तपाईहरु कति रकम पाउनु हुन्थयो ? पूरै ५० हजारै पाइन्न थियो होला सायद । अहिले केही समय पखँदा पूरापूरी रकम पाउनु भएको छ नि होइन ?, आर्थिक पक्षमा हामीले निश्चित पकृया पूरा गर्ने पर्छ, त्यसका लागि केही समय लाग्न सक्छ । यसलाई अन्यथा मान्नु हुन्न ।

हामी कसैलाई भेदभाव नगरी सहज ढंगले सेवा प्रदान गर्ने कुरामा लागेका छौं ।

पूर्वेली साप्ताहिकबाट

बुध, बैशाख १२, २०७५ मा प्रकाशित

यसमा तपाइको मत

प्रमुख खबर बाट अन्य

दमकमा चैत १७- १९ सम्म वृहत साहित्यीक कार्यक्रम

दमक ,६ चैत । दमकमा यहि चैत १७ देखि १९ गतेसम्म वृहत सांस्कृतिक एवं साहित्यीक कार्यक्रम हुने भएको छ । दमक प्रज्ञा प्रतिष्ठान र नेपाल प्रज्ञा प्रतिष्ठानको संयुक्त आयोजनामा तीन दिने वृहत सांस्कृतिक एवं...

सवारी दुर्घटना न्यूनीकरण सम्बन्धी अन्तरकृया

दमक,६ चैत । ट्राफिक प्रहरी कार्यालय दमकले सवारी दुर्घटना न्यूनीकरण महाअभियान अन्तगर्त बुधबार दमकमा सरोकारवालाहरुसंग सवारी दुर्घटना न्यूनीकरण सम्बन्धी अन्तरकृया कार्यक्रम सम्पन्न गरेको छ । ट्राफिक प्रहरी कार्यालय दमकमा भएको अन्तरकृयामा जनप्रतिनिधि, प्रहरी, शिक्षण संस्थाका...

चैत ७ मा झापामा होलीको सार्वजनिक बिदा

दमक,५ चैत । झापामा चैत ७ गते सार्वजनिक बिदा हुने भएको छ । सरकारले झापासहित पहाडका ५८ जिल्लामा फागु पूर्णिमामा अर्थात होली पर्वको सार्वजनिक बिदा चैत ६ गते बुधवार गरेको नेपाल राजपत्रमा उल्लेख छ...

दमकमा सवारी चालकहरुको निशुल्क स्वास्थ्य परिक्षण

दमक,५ चैत । ईलाका ट्राफिक प्रहरी कार्यालय दमकले सवारी दुर्घटना न्यूनिकरण महाअभियान अन्तर्गत दमकमा आज सवारी चालकहरुको निशुल्क स्वास्थ्य परिक्षण गरेको छ । एडभान्स हस्पिटल दमकको सहकार्यमा सवारी चालकहरुको निशुल्क स्वास्थ्य परिक्षण गरिएको ईलाका ट्राफिक...

जुरेस,युरेसका विद्यार्थीलाई अवलोकन भ्रमण

दमक ,५ चैत । झापाको कमल गाँउपालिकास्थित नेपाल रेडक्रस सोसाइटी लखनपुर उपशाखाले जुनियर तथा युवा रेडक्रस सर्कलका विद्यार्थीहरुलाई आज मंगलवार एकदिने अवलोकन भ्रमण गराएका छन् । बालसुवोधनी विद्यालयमा अवलोकन पछि सामूहिक तस्वीर खिचाउदै गाँउपालिकाको लखनपुर क्षेत्रका...

‘मन्दिरमा बस्ने पत्थरको देउता, तिमीलाई के थाहा मान्छेको व्यथा’

मन्दिरमा बस्ने मत्थरको देउता तिमीलाई के थाहा मान्छको व्यथा तिम्रो पो दुख्दैन ढुंगाको मन मेरो त दुख्छ पलपल जिवन तिमीलाई के थाहा मान्छेको व्यथा नत मैले रोएको आशुँलाई हेछौ नत मैले जस्तै रुँदै सास फेछौं झापा बुद्धशान्ति ४ का उदयमान गायक...

तेइस परीक्षार्थी परीक्षा दिनबाट वञ्चित

भद्रपुर,४ चैत्र । शिक्षा विकास तथा समन्वय एकाइ कार्यालय झापाले चैत १० गतेदेखि हुने माध्यमिक तहको परीक्षा (एसइई) मा जिल्लाबाट १५ हजार ६८९ जना परीक्षार्थी सहभागी हुने जनाएको छ जसमा छात्राको सङ्ख्या धेरै रहेको...

गौरादहको खानेपानीलाई नमुना खानेपानी बनाउन सकिन्छ – देबेन्द्र खड्का (सचिव पदका उम्मेद्धार गौरादह खानेपानी)

झापाको गौरादह खानेपानीमा नयाँ कार्यकालको लागी यही चैत्र १६ गते निर्वाचन हुन गइरहेको छ । आसन्न निर्वाचनमा लोकतात्रिक समुह र प्रगतिशिल समूह वीच कडा प्रतिस्पर्धा हुने देखिएको छ । सचिवमा लोकतान्त्रिक समूहको तर्पmबाट...

होली पर्वमा सार्वजनिक विदा दिन माग

दमक ,४ चैत। राजवंशी समाज विकास समिति झापाले ‘फागु डोल पावनी’ अर्थात होली पर्व तराई होलीका दिन झापामा सार्वजनिक विदा दिनुपर्ने माग राख्दै आज ज्ञापनपत्र बुझाएको छ । समाजका जिल्ला अध्यक्ष पुकार चन्द्र राजवंशीको नेतृत्वमा...

मिस नेपालको झापामा पनि अडिशन

विर्तामोड, ३ चैत । मिस नेपाल २०१९ को झापा अडिसन आगामी मंगलबार झापाको बिर्तामोडमा हुने भएको छ । द हिडेन ट्रेजरले गर्दे आएको प्रतियोगिताको यो २५ औं संस्करण हो । झापाको बिर्तामोड स्थित होटल...