झापाको हात्ती नियन्त्रणका लागि ८ करोड, काम शुन्य ! खै पैसा खै काम ?

हाम्रो दमक

झापा, १० फागुन । राष्ट्रिय वन विकास तथा व्यवस्थापन कार्यक्रमअन्तर्गत झापाको हात्ती नियन्त्रणका लागि पाँच महिनाअघि ८ करोड ८ लाख ९० हजार रुपैयाँ विनियोजन भए पनि काम हुन सकेको छैन ।

झापाको चारआली र जलथल जंगलको चारैतर्फ झन्डै ७० किलोमिटर सोलार फेन्सिङ गर्न वन विभागले २ असोजमा चलानी नम्बर १४६ बाट जिल्ला वन कार्यालयलाई पत्राचार गरी काम अघि बढाउन निर्देशन दिएको थियो । तर झापा वनले विभिन्न कारण देखाएर सो काम गर्न नसक्ने भनी रायसहित विभागलाई पत्राचार गरेसँगै हात्ती नियन्त्रण र सोलार फेन्सिङ कार्यक्रम अनिश्चित बनेको हो ।

कामको प्रगति विवरणअनुसार रकम निकासा गर्ने र चौमासिक निकासा गरिएको भन्दै विभागका महानिर्देशक कृष्णप्रसाद आचार्यले हस्ताक्षर गरी महालेखा परीक्षकको कार्यालय, प्रधानमन्त्री तथा मन्त्रिपरिषद्, अर्थ मन्त्रालय, राष्ट्रिय योजना आयोग, महालेखा नियन्त्रक र कोलेनिका झापालाई बोधार्थसमेत पठाइएको थियो । तर रकम भने निकासा नगरिएको झापा जिल्ला वन कार्यालय प्रमुख बोधराज सुवेदीले बताए ।

काम गर्नू भन्ने आदेश आए पनि कोलेनिकामा पैसा नआएको उनको भनाइ छ । ‘ढिलो गरी बजेट पठाउने निर्णय भयो, ठूलो बजेट भएकाले सार्वजनिक खरिद ऐन तथा आवश्यक जनशक्तिको अभावमा समयमै काम सम्पन्न गर्न सम्भव थिएन,’ सुवेदीले भने, ‘हामीले विभागलाई पत्राचार गरेर यो रकम राष्ट्रिय प्रकृति संरक्षणकोष खुमलटारलाई काम गर्ने अधिकार दिई रकमान्तर गर्न उपयुक्त हुने सुझाव दिएका थियौं, के भयो, थाहा छैन ।’

राष्ट्रिय प्रकृति संरक्षणकोष खुमलटारले यसअघि पनि झापाको बाहुनडाँगी नेपाल–भारत सिमानाको मेची नदी किनारमा हात्ती नियन्त्रणका लागि गरेको सोलार फेन्सिङ टिकाउ र भरपर्दो भएको उनले दाबी गरे । उनले फेन्जगार्ड भारत रागामाला कोलेनी तमिलनाडुसँग सोझै सम्झौता गरेर काम गरे प्रभावकारिताका साथै समयमै सकिने उल्लेख गरे ।

हात्ती नियन्त्रणका लागि सोलार फेन्सिङ बनाउन छुट्टिएको ८ करोडभन्दा धेरै रकम प्रयोगमा नआउँदा झापाको सदरमुकाम चन्द्रगढी, बिर्तामोड, मेचीनगर बुद्धशान्ति गाउँपालिका, भद्रपुर नगरपालिका तथा कचनकवल र हल्दीबारी गाउँपालिकाका जंगलआसपासका हजारौं बासिन्दा रातभर जागै रहन बाध्य रहेको बताइन्छ । ‘हात्तीले रातभरि सुत्न दिन्न,’ बिर्तामोड नगरपालिकाका प्रमुख ध्रुव शिवाकोटीले भने, ‘बजेट विनियोजन भए पनि काम नहुनु दुर्भाग्य हो ।’

उता, वन मन्त्रालयका सचिव युवकध्वज जीसीले खरिद प्रक्रियाबाट यो काम गर्न समयमै नसकिने देखेपछि रकमान्तरका लागि पटकपटक अर्थ मन्त्रालयमा लेखेर पठाएको जिकिर गरे ।उनले भने, ‘हामी झापाको हात्ती समस्याबारे अत्यन्तै चिन्तित छौं तर अर्थ मन्त्रालयले पैसा पठाउन अटेर गरेको हो, हाम्रो गल्ती छैन ।

जिल्ला वन कार्यालयमा तथ्यांकअनुसार झापामा हात्तीको आक्रमणबाट हालसम्म ३३ जनाको ज्यान गइसकेको छ । त्यस्तै, करोडांै रुपैयाँबराबरको नगदे तथा खाद्यान्न बाली हात्तीले नष्ट गरिसकेको छ । वन सुरक्षाकर्मी र प्रहरी हात्ती धपाउन रातभरि साइरन बजाउँदै खटिरनुपर्ने बाध्यता छ ।

‘जनताले दिनहँु हात्तीबाट प्रताडित हुनुपर्ने समस्याबाट मुक्ति दिलाउन ढिला गर्न नहुनेमा प्रदेशसभा सदस्य एकराज कार्कीले जोड दिए । ‘सरकारी प्रक्रिया र कमजोरीको कारण सोलार फेन्सिङ रोकियो भने जनता सडकमा आउँछन्, समयमै कार्यान्वयन होस्,’ अध्यक्ष कार्कीले भने । राजधानीमा खबर छ ।

बिहि, फाल्गुन १०, २०७४ मा प्रकाशित

यसमा तपाइको मत

पत्रपत्रिकाबाट बाट अन्य

मोरङको पथरीमा कालोपत्रेका नाममा चरम भ्रष्टचार, ४ दिनमै उप्कियो सडक

पथरी । मोरङको पथरीशनिश्चरे १ शिखरचौक देखि हनुमान चौक सम्म २ सय ४० मिटरको कालोपत्रे सडक बनेको ३ दिनमै उप्किएको छ । नगरको ४८ घनमिटर काम ठेक्का मार्फत हिवा निर्माण सेवाक प्रोपाईटर खुम बहादुर...

‘जनतासँग प्रधानमन्त्री’ को स्टुडियो बनाउन बीस लाख

जनकराज सापकोटा काठमाडौँ — सरकारले प्रधानमन्त्री केपी ओली सहभागी हुने पाक्षिक टेलिभिजन कार्यक्रम ‘जनतासँग प्रधानमन्त्री’ को स्टुडियो निर्माणका लागि २० लाख रुपैयाँ निकासा गरेको पाइएको छ । धानमन्त्री ओलीले आर्थिक मितव्ययिता र सुशासनको नारा अगाडि सारिरहेका...

आउने नयाँ प्रधानमन्त्रीबाट पेट्रोल पाइपलाइनको शिलान्यास गर्ने भारतको तयारी

काठमाडौं १७ माघ । नेपालमा इन्धन बिक्रीमा एकाधिकार पाएको भारतले नयाँ प्रधानमन्त्री आएपछि मात्र नेपाल–भारत (रक्सौल–अमलेखगञ्ज) पेट्रोल पाइप लाइन निर्माण सुरु गर्ने भएको छ । पाइप लाइनका लागि धमाधम पाइप नेपाल भित्रिरहेको भए पनि भारतले नयाँ...

पूर्वडीआईजी नवराज सिलवालको यस्तो माग !

काठमाडौं १२ माघ । किर्ते कागजातको अनुसन्धानका लागि प्रहरीको खोजी सूचीमा रहेका ललितपुर १ बाट प्रतिनिधिसभा सदस्यमा निर्वाचित पूर्वडीआईजी नवराज सिलवालले ‘प्रहरी महानिरीक्षक नियुक्ति प्रकरण’ को निष्पक्ष निकायबाट छानबिन माग गरेका छन् । उनले यो...

चूडामणि शर्माविरुद्ध निस्कियो अर्को काण्ड, सुपारी काण्ड !

काठमाडौं १२ माघ । अख्तियार दुरुपयोग अनुसन्धान आयोगले निलम्बित सहसचिव चूडामणि शर्माविरुद्ध गैरकानुनी सम्पत्ति आर्जन अभियोगमा भ्रष्टाचार मुद्दा दायर गर्ने निर्णय गरेको छ । बिहीबारको आयोग बोर्ड बैठकले शर्माविरुद्ध ४ करोड ५० लाख रुपैयाँ...

दुग्ध विकास संस्थानमा अढाइ करोड घोटाला

काठमाडौं १२ माघ । दुग्ध विकास संस्थानका कर्मचारीले पछिल्ला तीन वर्षमा २ करोड ४९ लाख ४२ हजार ३ सय ७८ रुपैयाँ घोटाला गरेका छन् । संस्थान सञ्चालक समितिले गरेको अध्ययनअनुसार तीन वर्षयता संस्थानका विभिन्न...

६८ लाखको गाडी किन्ने धरानका मेयरको निर्णय विवादमा

धरान | धरान उपमहानगरपालिका प्रमुख (मेयर) तारा सुब्बा फेरि विवादमा तानिएका छन्। मेयर भएलगत्तै भुमाफियाको सम्मान थापेर विवादमा तानिएका उनी दोस्रो पटक एमाले नेता पत्नीलाई विनाप्रतिष्पर्धा जागिर लगाएर विवादमा तानिए। तेस्रोपटक मेयर सुब्बाले झण्डै...

अब जरिवाना तिरे सवारी लाइसेन्स नभए पनि छुट !

काठमाडौं ८ माघ । सवारी सञ्चालन अनुमतिपत्र(लाइसेन्स) नभए पनि तनहुँमा सवारी साधन चलाउन पाइन्छ भन्दा अचम्म लाग्छ । तर, यो यथार्थ हो । लाइसेन्स नभए पनि सवारी साधन चलाएकै आधारमा ट्राफिक प्रहरीले पक्रिए पनि...

खुट्टाले हैन साहसले चढिन्छ सगरमाथा

काठमाडौं ८ माघ । रोल्पा थबाङका हरि बुढामगरलाई बाल्यकालदेखि नै घरअघिको हिमालले लोभ्याउँथ्यो । त्यही लोभले उनमा सगरमाथा चढ्ने चाहना पलायो । १९ वर्षको उमेरमा ब्रिटिस गोर्खा सेनामा भर्ती भएका उनले विभिन्न देशमा युद्धमा...

कांग्रेस केन्द्रीय कार्यसमितिको बैठक भोलि, बैठकमा निर्वाचनको समीक्षा नहुने

काठमाडौं ३ माघ । कांग्रेस सभापति शेरबहादुर देउवाले चौतर्फी दबाबपछि पार्टीको केन्द्रीय कार्यसमिति बैठक माघ ४ गतेका लागि बोलाएका छन् । आजको कान्तिपुरमा खबर छ । निर्वाचनमा पार्टी पराजयको समीक्षाका लागि तत्काल बैठक बोलाउन कांग्रेस...